प्रेरितो कै काम 16:26 - Sirmouri

²⁶ तबे ऐक-दंम बैजाऐ बड़ो भूईचोल़ लागो, ऐते ज़ुगौ के कंय्दखाँने की पह्-नींव झ़िकी गई; अरह् तेख्णी बादे कुवाड़ खुली गुऐ, अरह् कय्दी की बैड़ी खुली गई।

सिरमौरी नौवाँ नियम

²⁶ कै तेथियोड़े एकदम ऐक बौड़ौ बौईचल ओऊ, इथै तौड़ी कै कोयदखाने कै नीयुं बै हिंजल़ी गौए औरौ तौलोंई सौबै दवार खोले गौवै औरौ सौबी की बैड़ी खोले गोई।

प्रेरितो कै काम 16:26 ပူးပေါင်းရင်းမြစ်များ

मत्ती 28:2

अरह् दे:खो, ऐक बड़ो भूईच़ल़ लागों, किन्देखे के प्रभू का ऐक दूत्त स्वर्गो शा ऊदा आया; अरह् तिन्के नंजीक आऐयों, तेने सेजा पाथर रड़काया अरह् तिन्दें गाशी बऐठी गुवा।

प्रेरितो कै काम 12:10

जबे तिन्ऐं आगला अरह् दुज़ा पंऐरा पार करी पाया, तअ से तेसी लोहे के कुवाड़ों कैई पंह्ईचे, जेथै शी बंईजारो की ढबै बाट बाँऐडी ज़ाँव थी; अरह् सेजो लोहे को कुवाड़ भे तिनखे आप्णें आप खुली गुओं, तबे से तेसी कुवाड़ो शे बाँईडे हुटे; अरह् तियों गल़ी के आखरी कुँणें तोड़ी पंह्ईच़्णों गाशी, सेजा स्वर्गदूत्त ऐक-दमं संत्त-पतरस की नंजर शा छ़ाई-माँई हुवा।

प्रेरितो कै काम 12:7

तबे: ऐक-दम प्रभू का ऐक दूत्त आऐयों तेथै कय्दखाँने दा खह्ड़ा हुवा, तबे सेजी कय्द खाँने की कुठड़ी प्रकाष-रोष्णी लई चंमम्की गऐ; अरह् तेने स्वर्गदूत्ते संत्त-पतरस की कुँछ़ थंप-थपाऐयों तिनू ऊँबे बीऊजाल़े, अरह् बुलो, “शीघा-ऊबा बीऊँज!” अरह् तबे संत्त-पतरस की शाँगल़ी-हथक्ड़ी खुलियों ऊदी धनियों पुडी पड़ी।

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

प्रेरितो कै काम 5:19

परह् प्रभू के दूत्त ऐं रात्ती के बख्त्ते तेसी कय्दखाने के कुवाड़ खुली दित्ते; अरह् तिनू तेथै शे बाँईडे गाड़े, अरह् तिनखे बुलो;

प्रकाशितवाक्य 11:13

तबे तेख्णी तियों ही घड़ी ऐक बड़ो भूईच्ल़ लागो, अरह् नंगर का दषंवाँ हिस्सा ढल़ी गुवा; अरह् तेसी भूईच्ल़ों लई, सात्त हजार आदमी मँरी गुऐ, अरह् ऊके डरी गुऐ, अरह् स्वर्गो के पंण्मिश्वर की बड़ियाऐं करी।

प्रकाशितवाक्य 6:12

मुँऐं छ़ैल़्टा छ़ठी सिल च़ूड़दे देखा, तबे ही ऐक डराऊँणों भूईं-चल़ हुवो, अरह् सुरूज काल़ा पड़ी गुवा, जेष्णों काल़ो काम्बल़ हों, अरह् बादा चाँद लंह्ऊँ का जिया बंणाँ।