प्रेरितो कै काम 16:23 - Sirmouri

²³ बैजाऐ बैत्त की लाऐयों तिन्ऐं तिनू कय्दखाँने दे पाँऐ; अरह् ठाँणेंदार खे अज्ञाँ दिती के ईनकी च़ौक्क्षाऐ थुऐं।

सिरमौरी नौवाँ नियम

²³ औरौ तिनुऐ तिनु डैंगै लैई बैजाए मारैयौ कोयदै खाने दै डाकै दिए औरौ दरोगा खै आज्ञा दै कै तिनु चौकशी शै राखैया।

प्रेरितो कै काम 16:23 ပူးပေါင်းရင်းမြစ်များ

मत्ती 26:48

तिनू थँम्ब्ड़ाणों वाल़े यहूदा इस्करियोती ऐ ईशारा करा: “जेस्दी हाँव खुप्टी देऊँबा सेजा ही असो; तेसी उडा थाँम्ब्ड़ें।”

लूका 21:12

ईनू बादी बातो शे आगे से तुओं मेरे चैले हंणों के कारण तुँओं गाशी अनियाँऐ कर्ले, थाँम्बड़ियों खुम्ल़ी के चौत्रे दे निंले, अरह् कय्दखानें दे पाले; अरह् तुँओं राजाओं अरह् हाकमों के हाथों दे देऐ देले।

प्रेरितो कै काम 12:18

जबे सेजी रात्त बियाऐ गंऐ, अरह् देस आओं; तअ ऐजी बात शुँणियों सपाई मुँझी हारकुँजी हऐ, के पता ही ने पतरस कैथे गुवा; अरह् तेस्खे का हंईयों से ईयों बातो शे परीशाँन हुऐ।

प्रेरितो कै काम 12:4

राजा हेरोदेस ऐं संत्त-पतरस थाँहम्बडाऐयों कय्दी दा पुवाऐ दिता, अरह् तेसी चार-चार सपाई के चार-चार पऐरे दा थंऐ दिता; ऐजो जाँणियों के (फ़सह) पाछ़ी से तेसी लोगो के सहाँम्णें हाजिर करणा चहाँव थिया।

प्रेरितो कै काम 16:27

तबे ठाँणेंदार ऊबा बींऊँजा, अरह् कंय्दी के दुवार खुले देखियों तेने जाँणों के बादे कय्दी भागी गुवे, तबे: तेने आप्णी तरवार गाड़ी अरह् आपु-आप्खे मार्णों की कोशिष करी।

प्रेरितो कै काम 16:36

तबे तेने ठाँणेंदारे ऐ सेजी बातो संत्त-पौलुस कैई बुली, के “हाकम ऐ तुँओं छुड़ी देणों की अज्ञाँ देऐ थऐ, ईन्देंखे ऐबे सोंऐं करियों ज़ाओ।”

प्रेरितो कै काम 5:18

तबे तिन्ऐं खास-चैले थाँहम्बड़ियों कंय्दी दे पाऐ दित्ते।

प्रेरितो कै काम 5:23

“आँमें देखों के कय्दखाँना बड़ी च़क्क्षाऐ शा बंद करा अंदा असो, अरह् पंऐरे-दार-जगवाल़े भे बाईन्डे दाँई खह्ड़े थिऐ; परह् जबे आँमें कुवाड़ ऊडो खुलो, तअ तेथै भीटे ज़ाँऐयों देखो; तअ तेथै भीतोर कंय्दखाँने दो किऐ ने थी।”

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

प्रेरितो कै काम 9:2

तेने दमिश्क के चौत्रें के नाँव दे पत्र माँगे, जिन्दा तेस्खे ऐजा हंक-अधिकार दिया गुवा थिया; के जे कोसी भे बिश्वाषी यरूशलेम दे बाँनियों आँणों, से तिरंई, हों भाँव मंरोद् हों।

2 कुरिन्थियों 11:23

कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 6:5

कोड़े खाँणों दे, कय्द हंणों दे, हारकुँण्जी दे, मेहन्त्त दे, बीऊँजी रंहणों दे, बरत कर्णो दे,

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

फिलेमोन 1:9

तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।