प्रेरितो कै काम 15:9 - Sirmouri

⁹ अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

सिरमौरी नौवाँ नियम

⁹ औरौ बिशवाश कै दवारा तिनकै मन शुध्द कौरेयौ आमु मुंजी औरौ तिनुमुंजी कुणजाई फोरक ना राखै रैई।

प्रेरितो कै काम 15:9 ပူးပေါင်းရင်းမြစ်များ

प्रेरितो कै काम 10:15

तबे सेजी धाव दुज़ाल़िऐं हजो शुँणाँई पड़ी, के “पंण्मिश्वर ऐ जिन्दें खे शुद्ध हंणों, के घोष्णा करी थंऐ; तिन्देंखे तुऐ कंद्दी भे अ-शुद्ध ने बुले।”

प्रेरितो कै काम 10:28

तबे: संत्त-पतरस ऐं तिनखे बुलो, “तुँऐं जाँणों ऐं के गऐर यहूदी की संगत्ती कर्णी, के तिनू कागी ज़ाँणों यहूदी निय्म के बिरूध असो; परह् पंण्मिश्वर ऐं मुँखे ऐजो बुली थो, के कोसी भे आदमी खे अ-शुद्ध के पापी ने बुल्दे।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

प्रेरितो कै काम 11:12

पबित्र-आत्त्मा ऐ मुँखे तिनकी गईलो बैझीझ्क ज़ाणों खे बुलो; अरह् सेजे छ: बिश्वाषी भाऐ भे मेरी गईलो आऐ। अरह् आँमें तेसी आदमी कागी हुटे।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

रोमियों 3:22

मतल्व जुण्जे यीशू मसीया गाशी बिश्वाष करह्, सेजे पंणमिश्वर की नंजर दे बै-कसूर असो, तिनू मुँझी किऐ भेद्-भाव ने आथी;

रोमियों 3:9

तअ तबे का हुओ? कियों आँमें तिन शे आछे असो? बिल्कुल् ने; किन्देंखे के आँमें यहूदियों अरह् यूनानियों दुई गाशी ऐजा दोष-ईल़जाम लाऐ थुवा, के से बादे के बादे पाप के बषौ दे असों।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 7:18

कियो कोसी ऐशा आदमी बऐदी थुवा, जैस्का आगे ही खतना करा अंदा असो? से ऐबे बिना खतने का ने बंणों, के कोसी ऐशा आदमी बऐदी थुवा, जैस्का खतना ने हऐ रंई? तअ से ऐबे आप्णा खतना नें कराँव।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।