प्रेरितो कै काम 15:4 - Sirmouri

⁴ जबे से यरूशलेम दे पह्ईचे, तअ कलीसिया अरह् खास-चैले अरह् माँने-गीणें बुड़े बुजूर्गो ऐ तिनकी गईलो मंजे शे भेंटिऐ, अरह् तिन्ऐं बुलो, के पंण्मिश्वर ऐ तिनकी गईलो रंह्ऐयों केष्णें-केष्णें काँम-काज़ करी थुऐ।

सिरमौरी नौवाँ नियम

⁴ जोबै सै यरूशलेम शहर दै पौऊंचै, तौ कलीसिया औरौ चोणेयौंदे चैलै औरौ अगुवे तिनुआरी खुशी हौयौ भैटियै, औरौ पौलुस औरौ बरनबासे बौतौऊ कै पौरमेशवरे तिनकै साथी हौयौ कैशणै-कैशणै काम कौरे राए थिए।

प्रेरितो कै काम 15:4 ပူးပေါင်းရင်းမြစ်များ

मत्ती 10:40

“जू तुँवों माँनों, तेसी हाँव भे भेटी गुवा; अरह् जेसी हाँव भेटी गुवा, तेने मुँह डियाल़ों वाल़ा भे धारण करी पाया।

प्रेरितो कै काम 11:30

तबे तिन्ऐं तेष्णों ही करो; बरनबास अरह् शाऊल के हाथे किऐ धंन राशी बुड़ाईकों खे तूफें के रूप दे डेयाल़ी।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

प्रेरितो कै काम 15:12

जबे बादी खुम्ल़ी के लोग चुप-चाँण संत्त-बरनबास अरह् संत्त-पौलुस की बातो शुँण्दे लागे, के पंण्मिश्वर ऐ तिनके जाँणें गऐर-यहूदी मुँझी कैष्णें-कैष्णें बड़े चींह्न-चंम्त्तकार अरह् नोंखे-नोंखे काँम-काज़ देखाऐ थुऐ।

प्रेरितो कै काम 15:2

ईयों बातों दे संत्त-पौलुस अरह् संत्त-बरनबास के तिनू लोगो आरी बैजाऐ बोल-चाल हंऐ; अरह् तबे ऐजी पाक्की ठाट हऐ, के संत्त-पौलुस, अरह् संत्त-बरनबास, अन्ताकिया के कुछ लोगो आरी; यरूशलेम खे ज़ाले, अरह् ईयों बातो के चर्चा खास-चैले, अरह् यरूशलेम के बादे बुड़े-बुजूर्गो आरी कर्ले।

प्रेरितो कै काम 15:22

तबे बादी कलीसिया की राजी बंन्दी शी खास-चैले अरह् यहूदी ठह्गड़ै ऐं पाक्को कोरो, के तिनू लोगो मुँझ्शे किऐ लोग च़ूणी-छ़ाँटियों संत्त-पौलुस अरह् संत्त-बरनबास आरी बड़े नंगर अन्ताकिया खे डेयाल़े ज़ाँव; तबे तिन्ऐं दो आदमी च़ूणें-छ़ाँटे; जुण्जे भाई-बंईणों मुँझी मुँख्या जाणें-माँणें लोग थिऐ, मतल्व यहूदा, जेस्खे बरसब्बास बुली थिया; अरह् सीलास दुईन्ने डेयाल़े;

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 15:6

तबे प्रभू यीशू के खास-चैले अरह् माँने-गीणें बुड़े बुजूर्गो लोग ईयों बातो की बारे दे बिचार कर्णो खे कठै हुऐ।

प्रेरितो कै काम 16:4

अरह् नंगर-नंगर दे ज़ाँदे-ज़ाँदे तिन्ऐं तेथै के लोगो कैई सेजी बिधी-निंय्म के बारे दो बुलो, जुण्जे यरूशलेम दे खास-चैले अरह् तेथै के अगुऐ ऐं बंणाँऐं थुऐ थिऐ।

प्रेरितो कै काम 18:27

जबे तेने अपुल्लोस ऐ संमुँन्द्रों गाशी यूनान देश खे जाँणों चहाँव, तअ बिश्वाषी भाऐ-बंईणों ऐ तेस्खे दीड़-हिमम्त्त दित्ती; अरह् चैले के नाँव दी पत्री देंऐयों, तिन शी बीनन्ती करी; के से ऐस्का सु-स्वागत्त् करह्; तबे तेने अपुल्लोस ऐ यूनान पंह्ऊँचियों, लोगों के बैजाऐ सहाँऐता करी; जुण्जे लोग प्रभू की कृपा के कारण बिश्वाषी बंणी रूऐ थिऐ।

प्रेरितो कै काम 21:17

जबे आँमें यरूशलेम दे पंह्ईचे, तअ बिश्वाषी भाऐ-बंईणों ऐं अमाँरा आँनन्द आरी सु-स्वागत् करा।

प्रेरितो कै काम 21:19

संत्त-पौलुस ऐं तिनखे नमंष्कार करा, अरह् पंण्मिश्वर ऐ तिनके सेवा के काँम-काज़ लंई गऐर-यहूदियों के बीच जुण्जो किऐ कोरो थियों, सेजो सब-कुछ बारी-बारी शो तिन कैई बुलो थियों।

रोमियों 15:18

किन्देंखे के तिनू बातो के सुवाऐ मेरे ओकी कोसी बातो के बारे दी बुल्णों के हिम्मत ने आथी, जू मसीया ऐ गऐर यहूदी खे बिश्वाष दें आँण्णों खे मेरे जाँणें जुण्जा बचन, अरह् कर्म,

रोमियों 15:7

ईन्देंखे जेष्णी मसीया ऐ पंणमिश्वर के बड़ियाऐ खे तुँओं माँनी थुऐ, तेष्णें ही तुँऐं भे ओका ओकी माँनिया करह्।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

2 कुरिन्थियों 5:19

अमाँरी खुषख्बरी ऐजी असो, के पंण्मिश्वर लोगो के पाप अंनदे:खे करियों यीशू मसीया के बल़ीदाँण के जाँणें, तिनू आपु आरी मिलाऐं दिते, तिनके पाप माँफ करे; अरह् मिलाप कराँणों वाल़ा बचन आँमों कैई दिता।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

2 यूहन्ना 1:10

जे कुँऐं तुँओं कैई आँव, अरह् ऐजी ही शिक्क्षा ने दियों, तअ तैसी ना तअ भीटा घर दा आँणों दिऐ, अरह् ना तैस्खे नमंष्कार करे।