प्रेरितो कै काम 15:39 - Sirmouri

³⁹ तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

सिरमौरी नौवाँ नियम

³⁹ तिनुमुंजी ऐशणै बैहस हौए कै पौलुस औरौ बरनबास ऐकी दूजै शै जौई हौए गौवै; औरौ बरनबास, मरकुस कै नियौ जहाज शै साइप्रस टापू कै हौटै गौआ।

प्रेरितो कै काम 15:39 ပူးပေါင်းရင်းမြစ်များ

प्रेरितो कै काम 11:20

परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे।

प्रेरितो कै काम 12:12

जबे तेस्के ऐजो सब सहम्झ आओ, तअ से यूहन्ना की माँ मरियम कागी आया; सेजा (यूहन्ना जेस्खे मरकुस बुली थिया) अरह् तेथै बैजाऐ भहित्ते बिश्वाषी भाऐ-बंईणों कठै हऐयों संत्त-पतरस छुड़ोणों की ताँईऐं प्रभू पंण्मिश्वर शी ऐक मंन, अरह् ऐक चींत्त हऐयों प्रार्थना कर्दे लागी रूऐ थिऐ।

प्रेरितो कै काम 15:2

ईयों बातों दे संत्त-पौलुस अरह् संत्त-बरनबास के तिनू लोगो आरी बैजाऐ बोल-चाल हंऐ; अरह् तबे ऐजी पाक्की ठाट हऐ, के संत्त-पौलुस, अरह् संत्त-बरनबास, अन्ताकिया के कुछ लोगो आरी; यरूशलेम खे ज़ाले, अरह् ईयों बातो के चर्चा खास-चैले, अरह् यरूशलेम के बादे बुड़े-बुजूर्गो आरी कर्ले।

प्रेरितो कै काम 15:37

तबे बरनबास ऐ यूहन्ना जेस्खे मरकुस बुली थिया, तेसी आपु आरी साथी नींणों का बिचार करा।

प्रेरितो कै काम 27:4

तेथै शो जबे आँमें जहाज खुलो, तअ बागूर ऊल़्टी फिर्णो के कारण आँमें साइप्रस टापू की आड़ दे आगे बड़दे लागे;

प्रेरितो कै काम 4:36

यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।

प्रेरितो कै काम 6:1

तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

याकूब 3:2

आँमें बादे झोणें कैथी ना कैथी किऐ ना किऐ भूल-चूक जरूर करह्, परह् सिद्ध-पाक्का सेजा असो, जू किऐ भे बचन दी भूल-चूक ने करदा, किन्देंखे के सेजा आदमी आप्णी देह्-शरीर दी लगाम आप्णें बष दी थऐ सको।

1 पतरस 5:13

जू बेबीलोन दे तुवाँरे जेष्णें चूंणें-छ़ाटे अंदे लोग असो, से अरह् मेरा बैटा मरकुस तुँओं खे नमंष्कार बुलो।