प्रेरितो कै काम 14:8 - Sirmouri

⁸ लुस्त्रा नंगर दा ऐक आदमी बईठा अंदा थिया, जेस्की बाँगणी शूक्की रंही थी, से तेष्णा ही पय्दा हुआ थिया, अरह् से हाँड्णों के तअ सार भे जाँणों ने थिया।

सिरमौरी नौवाँ नियम

⁸ लुस्त्रा शहर दा ऐक आदमी बौठै रौआ थिया, जैसकै लात कमजोर थिए। सै जन्म शा ही लोंगड़ा थिया, औरौ कौलोंई ना हांडै रैई थी।

प्रेरितो कै काम 14:8 ပူးပေါင်းရင်းမြစ်များ

यूहन्ना 5:7

तेने बीमाँर आदमी ऐ जबाब दिता, “हे महाँराज! मेरा कुँऐं ने आथी; जुण्जा के मुँह ऐथू पाँणी झ़िकाल़्दे ही ऐसी ढाबों दा पाँव; ईन्देंखे मेरे पंह्चिणों शा आगे कुँऐ ओका ही आदमी ऐसी ढाबो दा पड़ो, अरह् चाँग्गा हंऐ ज़ाँव।”

प्रेरितो कै काम 14:21

तिन्ऐ तेसी नंगर दे खुषख्बरी का प्रचार करा, अरह् तबे तेथै बैजाऐ भहित्ते चैले बंणाँऐं; अरह् तिन्दें पाछ़ी से लुस्त्रा अरह् इकुनियुस बाटी अन्ताकिया खे पाछ़ू आऐ।

प्रेरितो कै काम 14:6

परह् जेई संत्त-पौलुस अरह् संत्त-बरनबास कैई ईयों बातो का पता लागा; तेई से तेथै शे लुकाउनिया के लुस्त्रा अरह् दिरबे जैष्णें नंगरोंह् शे उडे-पुडे के ईलाके दे भागियों बंची गुऐ।

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 3:2

तेसी ही बख्त्ते किऐ लोगे ऐं ऐक आदमी जुण्जा पय्दा हंणों शा ऊबा, लंगड़ा थिया; सेजे लोग तेसी लंगड़ा आदमी रोज देऊँठी के “सुन्दर” फाटक कैई छुड़ी दियों थिऐ; जिन्दें लई से देऊँठी दे ज़ाँणों वाल़े लोगों कैई शी भीख्ह माँगो थिया।

प्रेरितो कै काम 4:9

ऐत्त्लो आँमों कैई शी जे ईन्देंखे पुछ़-ताछ़ हंदी लागी, के ऐक लाचार-फालरे का कंल्याँण किया-किया हुवा; अरह् ईन्देंखे के ऐजा आदमी कैशा दाँई चाँग्गा हुवा;

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।