प्रेरितो कै काम 14:5 - Sirmouri

⁵ जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

सिरमौरी नौवाँ नियम

⁵ जोबै बैगानै यहूदी औरौ यहूदी लोग तिनकै बैज्जती औरौ तिनु पांदी पथराव कौरणौ कारिए आपणै सरदारो समैंत तिनु पांदी दोऊड़ै।

प्रेरितो कै काम 14:5 ပူးပေါင်းရင်းမြစ်များ

मत्ती 5:44

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्,

लूका 6:28

अरह् जुण्जा तुओं खे श्राप-फिट्कारा दियों; तैस्खे तुऐं आशिर्बाद दियों। अरह् जुण्जा तुँओं आरी बुराबरताव करह्, तैस्खे तुऐ प्रार्थना करह्।

प्रेरितो कै काम 13:45

परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 17:5

परह् यहूदी लोग तिन्दे लंई डाह्-जल़्ण शे जल़्दे लागे, अरह् तिन्ऐ बंईजारो के किऐ गुँण्डै की मंद्त्त शी भीड़ कंट्ठी करी; अरह् नंगर दे झ़गड़ै कराऐ, के तुऐ संत्त-पौलुस अरह् सीलास नंगर के च़ौत्रें के सहाँम्णें हाजिर कर्णो के मंतल्व शे से यासोन आदमी कागी आऐ पुज़ै।

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।

1 थिस्सलुनीकियों 2:14

ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;

1 थिस्सलुनीकियों 2:16

अरह् से गऐर यहूदी खे खुषख्बरी की बातो शुँणाँणों शे आँमों रूकी दियों, जू तिनू लोगो खे मुँक्त्ति ने भेंटो, अरह् सदा तिनके पाप का घह्ड़ा भरा अंदा रंह्; अरह् तिनू गाशी पंण्मिश्वर का भयानक कोप-कुरूध आऐ पंईचा।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।