प्रेरितो कै काम 14:4 - Sirmouri

⁴ अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

सिरमौरी नौवाँ नियम

⁴ पौरौ नोगरो कै लोगौ दै फूट पौड़ै गौए थै; इथलैई कैतरै तौ यहूदी नेता कै ढौबौ औरौ कैतरै चोणेयौंदे चैलै कै ढौबौ हौए गौवै।

प्रेरितो कै काम 14:4 ပူးပေါင်းရင်းမြစ်များ

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

यूहन्ना 7:43

अरह् प्रभू यीशू ही के कारण शे लोगो मुँझी फुट पड़ी।

प्रेरितो कै काम 13:2

जबे तिनू बिश्वाषी भाऐ-बंईणी ऐं बरंत्त करियों प्रभू की आरार्धना-स्तुत्ति करी लंऐ थी; तअ तिनखे पबित्र-आत्त्मा ऐं बुलो: “मुँऐं बरनबास अरह् शाऊल खास काँम-काज़ खे बंऐदी थुऐ; ईनू दुईन्ने झ़ुणें मेरी ताँईऐ मुँखे ज़ोई करह्।”

प्रेरितो कै काम 13:45

परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 14:14

परह् जबे तिनू खास-चैले बरनबास अरह् पौलुस ऐ ऐजो शुँणों, तिन्ऐं पंण्मिश्वर की निदया कर्णों के बिरूध दे आप्णे खट्णों ऊपाड़े अरह् लोगो की भीड़ो मुँझी घुसरियों जूराल़ो बुल्दे लागे,

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:5

जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

प्रेरितो कै काम 19:9

परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 28:24

तबे तिनू लोगो मुँझ्शे कंई लोगे ऐ संत्त-पौलुस की बातो माँनी पाई, अरह् तबे सेजे लोग बिश्वाषी बंणीं गुऐ।

1 कुरिन्थियों 9:5

कियों आँमों खे ऐजा हंक-अधिकार आथी ने, के कोसी मसीही धियाँन्टी आरी बियाह-शादी करियों तियों आरी रिटो-फिरंह्, जेष्णों के ओके प्रभू यीशू के खास-चैले अरह् प्रभू के भाऐ, अरह् कैफा करह्?

1 थिस्सलुनीकियों 2:14

ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;