प्रेरितो कै काम 14:21 - Sirmouri

²¹ तिन्ऐ तेसी नंगर दे खुषख्बरी का प्रचार करा, अरह् तबे तेथै बैजाऐ भहित्ते चैले बंणाँऐं; अरह् तिन्दें पाछ़ी से लुस्त्रा अरह् इकुनियुस बाटी अन्ताकिया खे पाछ़ू आऐ।

सिरमौरी नौवाँ नियम

²¹ तिथकै बाद पौलुस औरौ बरनबास तैसी नोगर कै लोगौ खै सुसमाचार शुणायौ, औरौ बौहितै चैलै बाणैयो, इथकै बाद, सै आपणै बाटो बाटी पाछु जांदै लागै। सै औटेयौ लुस्त्रा शहर कै हौटै। तोबै सै तिथैदै इकुनियुम शहर खै हौटै, औरौ तोबै सै पिसिदिया प्रदेश कै अन्‍ताकिया शहर खै हौटै।”

प्रेरितो कै काम 14:21 ပူးပေါင်းရင်းမြစ်များ

मत्ती 28:19

ईन्देंखे तुँऐं ज़ाओं, अरह् बादी संईसारी दे ज़ाऐयों गऐर यहूदी के लोग मेरे चैले बंणाँव; अरह् तिनको पिता, पुत्र, अरह् पबित्र-आत्त्मा के नाँव शो नहाँण-नुहाँव,

प्रेरितो कै काम 13:14

संत्त-पौलुल अरह् बरनबास पेरगे शे आगु चालियों पिसिदिया ईलाके के अन्ताकिया नंगर दे आऐ; अरह् से बिषाँव के देसे यहूदी चौत्रें दे ज़ाऐयों बंऐठी गुऐ।

प्रेरितो कै काम 13:51

तबे: संत्त-पौलुस, अरह् संत्त बरनबास ऐं तिनके बिरूध गुवाऐ-शाज़्त्त देंणों खे, आप्णें लात्तो की धूड़-माँटी भे तैथी झ़ाड़ी दिती; अरह् से आपु इकुनियुस नंगर खे हुटे।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 14:15

“ओ, प्यारे दोस्त्तो! तुँऐं ऐजो का करी लो? आँमें भे तअ तुँओं ही जेष्णें सुख्ह-दु:ख्ह भोगणों वाल़े आदमी असो: ईथै आँमें तुँओं कैई शे खुषख्बरी शुँणाँदे आऐ रूऐ, के तुँऐं ईनू बै-कार की बातो शे पाछू फीरियों तेसी जींऊँदे पंण्मिश्वर के ढबे फिरो; जेने स्वर्ग, धर्ती, संमुन्द्र, अरह् ईन्दों जुण्जो किऐ असो ऐ सेजो सब-कुछ आप्णे ही हाथै बादो बंणाँऐ थुओं।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:26

तेथै शे से पाँणी के जहाज दे बड़े नंगर अन्ताकिया खे हुटे, जेथै से तेसी काँम-काज़ खे जुण्जा तिन्ऐं पुरा करा थिया, तेथै से पंण्मिश्वर की कृपा दे दित्ते गुऐ।

प्रेरितो कै काम 14:6

परह् जेई संत्त-पौलुस अरह् संत्त-बरनबास कैई ईयों बातो का पता लागा; तेई से तेथै शे लुकाउनिया के लुस्त्रा अरह् दिरबे जैष्णें नंगरोंह् शे उडे-पुडे के ईलाके दे भागियों बंची गुऐ।

प्रेरितो कै काम 14:7

तेथै भे से खुषख्बरी का प्रचार कर्दे गुऐ।

प्रेरितो कै काम 14:8

लुस्त्रा नंगर दा ऐक आदमी बईठा अंदा थिया, जेस्की बाँगणी शूक्की रंही थी, से तेष्णा ही पय्दा हुआ थिया, अरह् से हाँड्णों के तअ सार भे जाँणों ने थिया।

प्रेरितो कै काम 15:36

कुछ देसो बित्त्णों गाशी संत्त-पौलुस ऐ संत्त-बरनबास खे बुलो, “जेसी-जेसी नंगर दा आँमें प्रभू का बचन शुँणाँया थिया, चालो, हजो तेथै ज़ाऐयों आप्णें बिश्वाषी भाऐ-बंईणों का शुज़ा करूबे।”

प्रेरितो कै काम 16:2

अरह् लुस्त्रा अरह् इकुनियुम के भाई-बंईणों मुँझी से जाँणा-गिंणा आदमी थिया।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।