प्रेरितो कै काम 14:20 - Sirmouri

²⁰ जबे चैले संत्त-पौलुस के चौऊँ ढबै कंट्ठै हुऐ, तअ से बादे झ़ुहणें हजों बीऊँजे अरह् तेसी नंगर दे हुटे; अरह् दुज़े के से बरनबास की गंईलो दिरबे खे हुटे।

सिरमौरी नौवाँ नियम

²⁰ पौरौ जोबै चैलै तैसकै चोऊ ढौबौ आयौ खौड़ै होवे, तौ सै बिज़यो नोगर दा हौटा औरौ दूजै दूसै बरनबास कै साथै दिरबे नोगर कै हौटै गौआ।

प्रेरितो कै काम 14:20 ပူးပေါင်းရင်းမြစ်များ

प्रेरितो कै काम 11:26

अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

प्रेरितो कै काम 12:17

तबे संत्त-पतरस ऐं तिनखे चुप्पी रंहणों का ईशारा करा, अरह् तिन कैई बुलो; के कैशा दाँई पंण्मिश्वर ऐं मुँह कंय्दखानें शा बाँईडा गाड़ा, तबे संत्त-पतरस ऐ “याकूब अरह् तिनू सोभी भाई-बंईणों कैई तिनू बादी बातो के खबर दित्ती।” अरह् तबे से आपु तेथै शे नींक्ल़ियों कैथी ओकी जागे दे हुटे।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 14:28

अरह् से बैजाऐ बहित्ते देसो तोड़ी आप्णें चैले की गईलो रूऐ।

प्रेरितो कै काम 14:6

परह् जेई संत्त-पौलुस अरह् संत्त-बरनबास कैई ईयों बातो का पता लागा; तेई से तेथै शे लुकाउनिया के लुस्त्रा अरह् दिरबे जैष्णें नंगरोंह् शे उडे-पुडे के ईलाके दे भागियों बंची गुऐ।

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 16:40

संत्त-पौलुस अरह् सीलास कंय्दी शे नीक्ल़ियों लुदिया कागी हुटे, अरह् तिन्ऐ बिश्वाषी भाऐ-बंईणों शी भेंट-मील करियों शाँण्त्ति दिती; अरह् तबे से तेथै शे आगु हुटे।

प्रेरितो कै काम 20:1

जबे सेजे झ़ग्ड़ै-दाँगे थंबी गुऐ, तअ संत्त-पौलुस ऐ चैले खे शुझ़ा देऐयों हंस्ला-हिमम्त्त दिती; अरह् तबे आपु देथै शे बिदा हऐयों मकिदूनिया खे हुटे।

2 कुरिन्थियों 6:9

अजाँण्दे जैष्णें असो, तबे भे जाँने-माँने असो; मरे अंदे जैष्णें असो, अरह् दे:खों ऐशो जाँणियों के जींऊँदे असो; माँर खाणों वाल़े जिऐ असो, परह् जीयाँन-पराँण दे मारे ने ज़ाँदे;