प्रेरितो कै काम 14:1 - Sirmouri

¹ इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

सिरमौरी नौवाँ नियम

¹ इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 14:1 ပူးပေါင်းရင်းမြစ်များ

मरकुस 7:26

से यूनानी अरह् सुरूफिनीकी गऐर यहूदी थी, तिऐं प्रभू यीशू शी बिनती करी; के मेरी बेटी शी दुष्ट-आत्त्मा निकाल़ी दियो।

यूहन्ना 12:20

तैयारोह् की आरार्धना दे आऐ अंदे लोगो मुँझी किऐ लोग यूनानी थिऐ।

यूहन्ना 7:35

ईन्दें गाशी यहूदी अगुवाल़ लोगे ऐ आपु मुँझी बुलो, “ऐ केथै ज़ाँदा, जू ऐ आँमों खोज करियों भे भेटो ने? कियो ऐ यूनानियों मुँझी ज़ाऐयों तेथै बसे अंदे यहूदियों कैई ज़ाँदा; अरह् तिनू यूनानियों खे भे शिक्षा देंदा?

प्रेरितो कै काम 11:21

प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

प्रेरितो कै काम 13:43

जबे सेजी खुम्ल़ी ओष्ड़ी गऐ, तअ बैजाऐ गऐर यूहदी लोग जुण्जे के यहूदी मंत्त दे नुँऐ आऐ रूऐ थिऐ; से संत्त-पौलुस, अरह् बरनबास पाछ़ी हुटे; तबे तिन्ऐ तिनू लोगो आरी बात करी, अरह् तिन शी ऐजी अरज करी; के तुऐं पंण्मिश्वर की कृपा दे बँणें अँदे रूऐ।

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 13:5

अरह् सलमीस दे पऊँचियों, तिन्ऐ यहूदी च़ौत्रे दा पंण्मिश्वर के बचन का प्रचार कर्दे रूऐ; अरह् यूहन्ना तिनका सेंवक थिया।

प्रेरितो कै काम 13:51

तबे: संत्त-पौलुस, अरह् संत्त बरनबास ऐं तिनके बिरूध गुवाऐ-शाज़्त्त देंणों खे, आप्णें लात्तो की धूड़-माँटी भे तैथी झ़ाड़ी दिती; अरह् से आपु इकुनियुस नंगर खे हुटे।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:21

तिन्ऐ तेसी नंगर दे खुषख्बरी का प्रचार करा, अरह् तबे तेथै बैजाऐ भहित्ते चैले बंणाँऐं; अरह् तिन्दें पाछ़ी से लुस्त्रा अरह् इकुनियुस बाटी अन्ताकिया खे पाछ़ू आऐ।

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 16:2

अरह् लुस्त्रा अरह् इकुनियुम के भाई-बंईणों मुँझी से जाँणा-गिंणा आदमी थिया।

प्रेरितो कै काम 17:12

अरह् तिन्दें का नंतिजा ऐजा नीकल़ा के बैजाऐ यहूदी लोग अरह् यूनानी मरोद्-तिरंई भे प्रभू यीशू गाशी बिश्वाष कर्दे लागे।

प्रेरितो कै काम 17:17

ईन्देंखे संत्त-पौलुस रोज यहूदियों के चौत्रें दा यहूदी अरह् गऐर यहूदी भगत्तो कैई अरह् चोराई बाटो दा, जेथै बाटी लोग आँव-ज़ाँव थिऐ; तिनू बटाऊँ आरी भे से बात्त-च़ींत्त करह् थिया।

प्रेरितो कै काम 17:4

तिन आरी भगत्त यूनानियों मुँझ्शे भहित्ते लोगे ऐ, अरह् बैजाऐ भहित्ती बिच़्की तिरंई ऐ भे बिश्वाष करा, अरह् से भे संत्त-पौलुस अरह् सीलास की गईलो मिली गई।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 18:8

तबे यहूदी के चौत्रे का ढिमेंदार क्रिस्पुस ऐ आप्णे बादे टाबरे समेत प्रभू गाशी बिश्वाष करा, अरह् भहीते कुरिन्थ के रंहणों वाल़े; ऐ भे संत्त-पौलुस की बातो शुँणियों बिश्वाष करा, अरह् नहाँण-नहाँव।

प्रेरितो कै काम 19:10

दू: साल्ह तोड़ी ऐजो ही हंदो रंहो, ऐत्ते ज़ुगौ के आसिया दे रंहणों वाल़े, यहूदी लोग, यूनानी लोग, सभिऐ प्रभू का बचन शुँणी पाया।

प्रेरितो कै काम 19:17

तबे: इफिसुस दे रंहणों वाल़े, बादे यहूदी अरह् यूनानी कैई भी ईयों बातो का पता लागा, अरह् से बादे के बादे डरी गुऐ; अरह् तबे से प्रभू यीशू के नाँव का गुण-गाँन कर्दे लागे।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

प्रेरितो कै काम 20:21

मुँऐ यहूदियों अरह् यूनानियों के सहाँम्णें साफ-साफ गुवाऐ-शाज़्त्त दिती, के पस्तावा करियों आप्णें पाप शा मंन बद्ल़ो; अरह् पंण्मिश्वर के ढबै आप्णा मंन फिराव, अरह् अमाँरे प्रभू यीशू दा बिश्वाष करह्।

प्रेरितो कै काम 21:28

“हे प्यारे भाईयों! अमाँरी मद्त करह्; ऐ सेजा ही आदमी असो! जुण्जा ढींकों सोभी लोगों खे ऐशी शिक्क्षा का प्रचार करह्, जुण्जा अमाँरी जात्ती, अरह् अमाँरे रिती-रूवाज, अरह् ईयों देऊँठी के बिरूध असो; ऐने ईनू यूनानियों लोग पबित्र जागें दे नींह्ऐयों अ-पबित्र करी पाऐ।”

प्रेरितो कै काम 9:20

तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 10:12

यहूदियों अरह् यूनानियों दा किऐ भेद्-भाव ने आथी, किन्देंखे के सोभी का प्रभू ऐक ही असो; अरह् आप्णे बादे नाँव जप्णों वाल़े खे से दिल खुलियों आशिर्बाद दियों।

गलातियौं 2:3

परह् कुँणिऐं भे मेरा साथी तीतुस जू मेरी गईलो आऐ रूवा थिया, से यूनानी असो; ईन्देंखे मंजबूर ने करी, के से आप्णा ख़तना कराँव।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।