प्रेरितो कै काम 13:50 - Sirmouri

⁵⁰ परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

सिरमौरी नौवाँ नियम

⁵⁰ पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 13:50 ပူးပေါင်းရင်းမြစ်များ

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मरकुस 15:43

अरिमतिया का रंहणों वाल़ा यूसुफ आया, जुण्जा बड़ी खुम्ल़ी का मेंम्बर थिया, अरह् आपु भे पंणमिश्वर को राज्य दे:ख्णों चहाँव थिया। से दीड़-हिम्मत करियों पिलातुस कैई हुटा, अरह् प्रभू यीशू को मड़दा तेस कैई शा ऊडा माँगा।

मरकुस 5:17

तबे सेजे गिरासेनियों ईलाके के लोग, प्रभू यीशू शी ढाल-अरज कर्दे लागे, के अमाँरी ईलाके शे आगू ज़ाओ।

प्रेरितो कै काम 13:43

जबे सेजी खुम्ल़ी ओष्ड़ी गऐ, तअ बैजाऐ गऐर यूहदी लोग जुण्जे के यहूदी मंत्त दे नुँऐ आऐ रूऐ थिऐ; से संत्त-पौलुस, अरह् बरनबास पाछ़ी हुटे; तबे तिन्ऐ तिनू लोगो आरी बात करी, अरह् तिन शी ऐजी अरज करी; के तुऐं पंण्मिश्वर की कृपा दे बँणें अँदे रूऐ।

प्रेरितो कै काम 13:45

परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 14:5

जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

प्रेरितो कै काम 16:14

लुदिया नाँव का थुआथीरा नंगर की बतिया के रंगो के खट्णों बिकणों वाल़ी, ऐक भगतिण तिरंई ऐं अमाँरी बातो शुँणी लई थी। अरह् प्रभू ऐ तियारा मंन खुली दिता, के संत्त-पौलुस की बातो गाशी मंन लाँव।

प्रेरितो कै काम 17:12

अरह् तिन्दें का नंतिजा ऐजा नीकल़ा के बैजाऐ यहूदी लोग अरह् यूनानी मरोद्-तिरंई भे प्रभू यीशू गाशी बिश्वाष कर्दे लागे।

प्रेरितो कै काम 17:13

जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

प्रेरितो कै काम 17:17

ईन्देंखे संत्त-पौलुस रोज यहूदियों के चौत्रें दा यहूदी अरह् गऐर यहूदी भगत्तो कैई अरह् चोराई बाटो दा, जेथै बाटी लोग आँव-ज़ाँव थिऐ; तिनू बटाऊँ आरी भे से बात्त-च़ींत्त करह् थिया।

प्रेरितो कै काम 17:4

तिन आरी भगत्त यूनानियों मुँझ्शे भहित्ते लोगे ऐ, अरह् बैजाऐ भहित्ती बिच़्की तिरंई ऐ भे बिश्वाष करा, अरह् से भे संत्त-पौलुस अरह् सीलास की गईलो मिली गई।

प्रेरितो कै काम 18:7

तबे: से तेसी यहूदी च़ौत्रें शा नींक्ल़ी गुवा, अरह् हाँडियों तितुस-युस्तुस नाँव के गऐर यहूदी पंण्मिश्वर के भगत्त कागी हुटा; जेस्को घरह् यहूदी च़ौत्रें के नंजीक थियों।

प्रेरितो कै काम 2:5

अरह् अस्माँनों थाँई के ऐक नाँम जात्ती मुँझ्शे यहूदी भगत्त लोग यरूशलेम दे रंह् थिऐ।

प्रेरितो कै काम 21:27

जबे सात्त देसो पुरे हंदे लागे थिऐ, तअ आसिया ईलाके के यहूदियों ऐ संत्त-पौलुस देऊँठी दा देखियों बादे लोग दुरताऐ, अरह् तिन्ऐ लेल्याऐयों संत्त-पौलुस ऊडा थाँहम्बड़ा।

प्रेरितो कै काम 28:17

च़ींन देसो बित्त्णों गाशी, संत्त-पौलुस ऐ यहूदियों के मुख्या-बुड़े-बुजूर्गो लोग बईदे, अरह् जबे से बादे झुणें कठै हऐ गुऐ, तअ तबे संत्त-पौलुस ऐ तिनखे बुलो, “हे भाईयों! मुँऐं अमाँरी जात्ती के बिरूध किऐ भे अपराध ने करी थंई; अरह् ना आप्णें पुराँणियाऐं के रित्ती-रूवाज के बिरूध किऐ अपराध करी; तबे भे मुँह यरूशलेम दा कंय्द करा, अरह् रोमियों के हवाले करी दिता।

प्रेरितो कै काम 6:12

अरह् ऐशे दाँई लोगों के दाँने-माँने अरह् यहूदी निय्म के शिकाणों वाल़े लोग भड़्काणों पाछ़ी तिन्ऐं ऐक-दंम स्तिफनुस थाँहम्बड़ियों बड़ी खुम्ल़ी के सहाँम्णें आगु नींयाँ।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।

रोमियों 10:2

किन्देंखे के हाँव तिनके ढबे शी ऐजी गुवाऐ-शाज़्त देऊँ, के से पंणमिश्वर की लगंन दे बैजाऐ मंगन रंह्, परह् से पंणमिश्वर के बचन दे टीके ने रंह्दे, अरह् ना तिन्दें दारमदार रंह्दे।

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।

1 थिस्सलुनीकियों 2:14

ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।