प्रेरितो कै काम 13:5 - Sirmouri

⁵ अरह् सलमीस दे पऊँचियों, तिन्ऐ यहूदी च़ौत्रे दा पंण्मिश्वर के बचन का प्रचार कर्दे रूऐ; अरह् यूहन्ना तिनका सेंवक थिया।

सिरमौरी नौवाँ नियम

⁵ औरौ सलमीस दै पौंचेयौ, पौरमेशवर का वचन यहूदी लोगौ कै यहूदी सभा-घोरो दा शुणौऊवा; यहून्ना जैसीखै मरकुस बै बौल़ौ तिनकी मौदद कौरणौ कारिए तिनकै साथै थिया।

प्रेरितो कै काम 13:5 ပူးပေါင်းရင်းမြစ်များ

मत्ती 20:26

परह् तुँओं मुँझी ऐष्णों ने हुओं चैई; परह् जुण्जा कुँऐं तुँओं मुँझी बड़ो हणों चहाँव, से तुवाँरा दास-सेंवकं बंणा चैईं;

प्रेरितो कै काम 12:12

जबे तेस्के ऐजो सब सहम्झ आओ, तअ से यूहन्ना की माँ मरियम कागी आया; सेजा (यूहन्ना जेस्खे मरकुस बुली थिया) अरह् तेथै बैजाऐ भहित्ते बिश्वाषी भाऐ-बंईणों कठै हऐयों संत्त-पतरस छुड़ोणों की ताँईऐं प्रभू पंण्मिश्वर शी ऐक मंन, अरह् ऐक चींत्त हऐयों प्रार्थना कर्दे लागी रूऐ थिऐ।

प्रेरितो कै काम 12:25

बरनबास अरह् शाऊल ऐ आप्णी सेवा यरूशलेम दे पुरी करियों पाछ़ू आऐ; तअ तिन्ऐ यूहन्ना भे जैस्खे मरकुस बुली थिया, तेसी भे आप्णी गईलो पाछू आँणा।

प्रेरितो कै काम 13:14

संत्त-पौलुल अरह् बरनबास पेरगे शे आगु चालियों पिसिदिया ईलाके के अन्ताकिया नंगर दे आऐ; अरह् से बिषाँव के देसे यहूदी चौत्रें दे ज़ाऐयों बंऐठी गुऐ।

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 15:37

तबे बरनबास ऐ यूहन्ना जेस्खे मरकुस बुली थिया, तेसी आपु आरी साथी नींणों का बिचार करा।

प्रेरितो कै काम 17:17

ईन्देंखे संत्त-पौलुस रोज यहूदियों के चौत्रें दा यहूदी अरह् गऐर यहूदी भगत्तो कैई अरह् चोराई बाटो दा, जेथै बाटी लोग आँव-ज़ाँव थिऐ; तिनू बटाऊँ आरी भे से बात्त-च़ींत्त करह् थिया।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 19:22

तबे तेने आप्णी सेवा कर्णो वाल़े, मुँझ्षे तीमुथियुस अरह् इरास्तुस मकीदुनिया खे डेयाल़े, अरह् आपु कुछ बख्त्तो खे आसिया दा ही रूवा।

प्रेरितो कै काम 19:29

तबे बादे नंगर दी हारकुँजी हऐ, अरह् तिन्ऐं संत्त-पौलुस के साथी; गयुस अरह् अरिस्तर्खुस, जुण्जे मकिदुनिया के रंहणों वाल़े थिऐ; खींच़ियों-झीड़ियों रंगशाल़ा की ढबै भागी लागे।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 9:20

तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

2 तीमुथियुस 4:11

सिर्फ संत्त-लूका मेरी गईलो असो, अरह् तू संत्त-मरकुस आप्णी गईलो आँणें; किन्देंखे के सेवा कर्णो खे से मेरे बह्ड़े काँम आँदा।