प्रेरितो कै काम 13:45 - Sirmouri

⁴⁵ परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

सिरमौरी नौवाँ नियम

⁴⁵ पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 13:45 ပူးပေါင်းရင်းမြစ်များ

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

मत्ती 27:18

पिपातुस ऐजो जाँणों थिया, के सिर्फ जल़ण के कारण ही ईन्ऐं यीशू तेस्के हाथो दा देऐ थुवा।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 14:5

जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

प्रेरितो कै काम 17:5

परह् यहूदी लोग तिन्दे लंई डाह्-जल़्ण शे जल़्दे लागे, अरह् तिन्ऐ बंईजारो के किऐ गुँण्डै की मंद्त्त शी भीड़ कंट्ठी करी; अरह् नंगर दे झ़गड़ै कराऐ, के तुऐ संत्त-पौलुस अरह् सीलास नंगर के च़ौत्रें के सहाँम्णें हाजिर कर्णो के मंतल्व शे से यासोन आदमी कागी आऐ पुज़ै।

प्रेरितो कै काम 18:6

परह् जबे सेजे लोग संत्त-पौलुस का बिरूध अरह् नीदया कर्दें लागे, तबे तेने आप्णे खट्णों की धूड़ झाड़ियों तिनखे बुलो, “तुवाँरो लह्ऊँ तुवाँरें ही मुँडे हों! हाँव नि-र्दोष-बै-कसूर असो। ऐबे हाँव गऐर-यहूदी कैई ज़ाँऊबा।”

प्रेरितो कै काम 19:9

परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 5:17

ऐजो देखियों महाँ-याजक अरह् तिनके बादे साथी, अरह् सदूकियों समाँज के लोग, मीष-जल़्ण शे भरी गुऐ।

रोमियों 1:29

ईन्देंखे के से सेजी ही काँम-काज़ करह् थिऐं, जुण्जी पंणमिश्वर ने चहाँन्दें, जेष्णाँ के लोभ, बईर भाव शे भरे गुऐ; अरह् डाह अरह् हंत्या, अरह् झगड़े, छल़-कप्ट, अरह् रीष-मिष, दे भरे गुऐ, अरह् चुगल खोर बंणें,

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।

गलातियौं 5:21

जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

1 थिस्सलुनीकियों 2:16

अरह् से गऐर यहूदी खे खुषख्बरी की बातो शुँणाँणों शे आँमों रूकी दियों, जू तिनू लोगो खे मुँक्त्ति ने भेंटो, अरह् सदा तिनके पाप का घह्ड़ा भरा अंदा रंह्; अरह् तिनू गाशी पंण्मिश्वर का भयानक कोप-कुरूध आऐ पंईचा।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।

याकूब 4:5

कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

1 पतरस 4:4

ईन्देंखे से हरान हों, के जबे तुँऐं ईनू शंगाँव्णें रहण-सहण दा तिनू अ-बिश्वाषी लोगो का साथ ने देंदे, तअ ईन्देंखे से तुँओं खे बुरो-भलो बुलो;

यहूदा 1:10

ऐजे लोग जुण्जी बातों जाँण्दे ने, तिनू बातो के नीदिया करह्, अरह् ऐजे लोग बै-सम्झ बुणेंरो जैष्णें असो, अरह् तिन्दी के जाँणें ऐ नाँष हों।