प्रेरितो कै काम 13:39 - Sirmouri

³⁹ पंण्मिश्वर ऐं प्रभू यीशू के जाँणें मुँक्त्ति-छ़ूट्कारा देऐयों, ऐक नाँम बिश्वाषी लोग धर्मी बाँणें।

सिरमौरी नौवाँ नियम

³⁹ औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

प्रेरितो कै काम 13:39 ပူးပေါင်းရင်းမြစ်များ

लूका 10:25

अरह् दे:खो, के ऐक यहूदी-निय्म का शिखाँणों वाल़ा बीऊँजा, अरह् प्रभू यीशू के परख-अजमाँऐष कर्णों खे तिन शो पुछ़ो, “हे गुरू जी, हमेशा का जीवन दा वारिस हणों खे मुँह का कर्णों पड़लो?”

लूका 10:28

प्रभू यीशू ऐ तैस्खे बुलो, “तुँऐं ठीक जबाब दिता, ऐष्णों ही करह्, तअ तुओं जीवन भेट्ला।”

लूका 18:14

प्रभू यीशू ऐं बुलो, “हाँव तुँओं खे बुलू; के सेजा यहूदी भाट-बाँम्ण ने, परह् सेजा चूंग्गी लणों वाल़ा, आदमी ही धर्मीं बणियों, आप्णे घरेह् हुटा; किन्देंखे के जुण्जा कुँऐं आपु आप्खे बड़ा बंणला, तेसी ही छुटा बाँणा ज़ाला, परह् जुण्जा कुँऐ आपु आप्खे छुटा बाँण्ला, तैसी ही बड़ा बाँणा ज़ाला।”

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

प्रेरितो कै काम 10:43

प्रभू यीशू के बारे दी, तिनू ऋषी लोगे भे गुवाऐ-शाज़्त्त दिती, के जुण्जे कुँऐं यीशू मसीया दा बिश्वाष करला, तेस्खे तिनके नाँव शी तेस्के बादे पाप खे माँफी भेट्ली।”

रोमियों 10:10

किन्देंखे के दिल शा बिश्वाष कर्णो शा पंणमिश्वर के नंजर दो बै-कसूर बंणों ज़ाव, अरह् मुँख शा माँनणों गाशी मुँक्त्ति भेटो।

रोमियों 10:4

किन्देंखे के मसीया ऋषी-मूसा खे भेटे गुऐं निय्म आपु पुरे करह्, अरह् आपु गाशी बिश्वाष कर्णो वाल़े खे पंणमिश्वर की नंजर दे बै-कसूर बंणाँव।

रोमियों 3:19

आँमें जाँणो, के ऋषी-मूसा खे भेटे गुऐं निय्म जू किऐ बुलो ऐ, से यहूदी लोगो खे ही बुलो, जुण्जे ऋषी-मूसा के निय्म के बष दे असो; ईन्देंखे के ईन्दो कुँऐं किऐ ने बुली सक्दें, अरह् बादी संईसारी पंणमिश्वर की सजा ज़ूगी बंणी गऐ;

रोमियों 3:20

किन्देंखे के ऋषी-मूसा खे भेटे गुऐं निय्म के पाल़्ण कर्णो शे कुँऐं भे आदमी पंणमिश्वर की नंजरी दा बै-कसूर ने बंणी सक्दा। ईन्देखे के निय्म के जाँणें पाप की पह्‌छ़याण हों।

रोमियों 4:15

ऋषी-मूसा खे भेटे गुऐं निय्म का नंतीजा पंणमिश्वर का कोप असो; किन्देंखे के लोग तेस्के निय्म का पाल़्ण ना कर्णो लई, पंणमिश्वर की सजा ज़ुगे बंणों; परह् जेथै निय्म ने आथी तेथै अपराध भे आथी ने।

रोमियों 4:24

परह् आँमों खे भे असो, जे आँमें तेसी पंणमिश्वर गाशी बिश्वाष करूबे, जिन्ऐं अमाँरे प्रभू यीशू मरे अंदे मुँझ्शे जीयाल़े, तअ आँमें भे आप्णें बिश्वाष के जाँणें पंणमिश्वर के नंजर दे बै-कसूर माँनें ज़ाँदे।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 5:20

ऋषी-मूसा खे भेटे गुऐं निय्म बीचो दे आऐ गुऐ, जू अपराध बेजाऐ हों, परह् जेथै पाप बेजाऐ हुआ, तेथै कृपा तिन्दें शी भे बेजाऐ हऐ,

रोमियों 5:9

तअ: जबे के आँमें ऐबे मसीया के बल़ीदाँन के जाँणें पंणमिश्वर की नंजरी दे बै-कसूर बंणे, तअ तिनके जाँणें पंणमिश्वर के सजा शे कैई ने बंचदे?

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

रोमियों 9:31

परह् इस्राएली के लोगे, जुण्जें ऋषी-मूसा खे भेटे गुऐं निय्म गाशी चाल्णों चहाँव थिऐं, जिन्दें लई से पंणमिश्वर के नंजर दे बै-कसूर बंण्दें; सेजे तिनू निय्म के मुँताबिक ने चाली सकी।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

गलातियौं 2:16

तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

गलातियौं 2:19

किन्देंखे के हाँव तअ यहूदी-निय्म के जाँणें, यहूदी-निय्म की नंजरी दा मरी गुआ; के हाँव पंण्मिश्वर खे हजो ऊबा जीऊँदा हऐ सकू।

गलातियौं 3:8

अरह् पबित्र-ग्रन्थों दो आगे ही शो ऐजो जाँणियों के पंण्मिश्वर गऐर यहूदी लोग बिश्वाष शे ही धर्मी बाँण्दे, आगे ही शुभो अब्राहम खे ऐजी खुषख्बरी शुणाऐ, के “तेरे जाँणें बादी गऐर यहूदी खे आशिर्बाद भेट्दा।”

गलातियौं 5:3

तबे भे हाँव ऐक नाँम खतना कर्णो वाल़े खे बुलू, के तेसी बादे मूसा खे भेटे गुऐ अज्ञाँ-निय्म माँन्णें पड़्दे।

इब्रानियों 10:11

हर ऐक याजक तअ खह्ल़ियों रोज सेंवा करह्, अरह् ऐक भाँत्ते ही बंल़ीदाँण करह्; जुण्जे पाप कोद्दी भे दूर ने करी सक्दे से तिनू ही बार-बार चड़ाँव।

इब्रानियों 10:4

किन्देंखे के ऐष्णों कद्दी ने हंदी, के खाड़ू अरह् बाकरे के लह्ऊँ लई तिनके पाप दुर करे ज़ाँव।

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।