प्रेरितो कै काम 13:25 - Sirmouri

²⁵ आप्णें जीवन का काँम-काज़ पुरा करियों, संत्त-यूहन्ना ऐं इस्राएलियों खे बुलो; ‘जेस्की तुँओं ठल़्णाँऐ असो, सेजा हाँव ने आथी?’ परह् ऐजो जाँणीं पाव, के जुण्जा ‘मुँह पाछ़ी आँणों वाल़ा असो; हाँव तेस्की लात्तो कैई भे बंईठणों ज़ूगा आथी ने, अरह् ना तेस्की जूत्ते के तंष्में खुल्णों ज़ूगा आथी!’

सिरमौरी नौवाँ नियम

²⁵ औरौ जोबै यूहन्ना आपणै सेवा पोरे कौरणौ पांदी थिया, तौ तैणै बौल़ौ, तुऐं मुखै का सौमझौ? हांव मसीह ना आथी! पौरौ दैखौ, मैरै बाद ऐक आणौवाल़ा औसौ, सै मुं दा बै जादा महान औसौ, हांव इथ लायक बै ना आथी कै तैसकै जूते कै तशमै खोले सौकु।”

प्रेरितो कै काम 13:25 ပူးပေါင်းရင်းမြစ်များ

मत्ती 3:11

“हाँव तअ पाँणी लई तुवाँरे मंन बद्ल़्णों खे नहाँण-नूहाँऊ, परह् जू मुँह पाछी आँणों वाल़ा असो, से मुँह शा शक्त्तिमाँन असो; हाँव तेस्के जूत्ते के त्तंष्में खुल्णों ज़ुगा भे आथी ने। से तुवाँरो पबित्र-आत्त्मा अरह् आगी लई नहाँण कराँदा।

मरकुस 1:7

अरह् ऐशा प्रचार करह् थिया, के जू मुँह पाछी आँणों वाल़ें असो, से शँक्त्तिमान असो, “हाँव तिनके लातो के जूते कैई बईठ्णों ज़ूगा भे आथी ने।

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 1:34

आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

यूहन्ना 1:36

तअ तिन्ऐं प्रभू यीशू ज़ाँदी बई देखियों बुलो; “ऐजा देखो! पंण्मिश्वर का छ़ैल़्टा असो।”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

प्रेरितो कै काम 13:36

“किन्देंखे के दाऊद तअ पंण्मिश्वर की हिछ़या के मुँताबिक शे आप्णे ज़ूगौ दे सेवा करियों मँरी गुऐ, अरह् आप्णे पुराँणियाऐं की गईलो खात्ती-कबर दे थुऐ गुऐ, अरह् शँड़ी-गल़ी भे गुऐ।

प्रेरितो कै काम 19:4

संत्त-पौलुस ऐ बुलो, “संत्त-यूहन्ना को नहाँण तअ मंन फिराणों को थियो, तेने लोगो खे बुलो थियों, के जुण्जा मुँह पाछी आणों वाल़ा असो, तेसी गाशी मतल्व प्रभू यीशू गाशी बिश्वाष करह्।”

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

2 कुरिन्थियों 4:5

किन्देंखे के आँमें आपु खे ने, परह् मसीया यीशू का प्रचार करह्, के से प्रभू असो; अरह् आप्णें बारे दो ऐजो बुलो, के आँमें यीशू के जाँणें तुवाँरे दास असो।

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

प्रकाशितवाक्य 11:7

जबे से आप्णी गुवाऐ-शाज़्त्त देऐ पाले, तअ सेजो जाँगल़ो को बुँणेंर जू अथाह् कुँड मुँझ्शो निक्ल़ी रूवो थियों, तिनशो से लड़ियों जींत्ती ज़ाँदो, अरह् से तिनू माँरी देन्दों।