प्रेरितो कै काम 13:23 - Sirmouri

²³ पंण्मिश्वर ऐ आप्णें बाय्दे के मुँताबिक तेसी ही दाऊद के बंष-गड़ी मुँझ्शा इस्राएल खे ऐक मुँक्त्तिदाता-छूट्कारा देणों वाल़ा; मतल्व प्रभू यीशू पय्दा करा।

सिरमौरी नौवाँ नियम

²³ तैसकै वंश मुंजीदा पौरमेशवरे आपणै वादै कै हिसाब शै इस्राएल देश कै धोरे ऐक उध्दार कौरणौवाल़ा, यानी यीशु कै भैजा।

प्रेरितो कै काम 13:23 ပူးပေါင်းရင်းမြစ်များ

मत्ती 1:1

अब्राहम अरह् राजा दाऊद के अलाद, यीशू मसीया के बंशावली ऐजी असो।

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

मत्ती 21:9

तबे जुण्जे लोगो की भीड़ आगे-आगे अरह् तिनू पाछी-पाछी चाली रंऐ थी; से लेल्याऐ-लेल्याऐयों बुलो थिऐ, “राजा दाऊद की अलादी की होशाना। भागोईत असो! सेजे जू प्रभू, के नाँव शे आँव, स्वर्गो दे रंहणों वाल़े पंणमिश्वर खे होशाना।”

मत्ती 22:42

“मसीया के बारे दो तुँऐं का जाँणों? के से कस्का बैटा असो?” तिन्ऐ जबाब दिता “राजा दाऊद का।”

लूका 1:69

अरह् आप्णे सेवक-दास दाऊद की गड़ी खाँनदाँन दा आँमु खे ऐक छुट्कारे कराणों वाल़ा पय्दा करा।

यूहन्ना 4:42

तबे तिनू सामरी लोगे ऐ तियों तिरंई खे बुलो, “ऐबे आँमें सिर्फ तेरी ही गुवाई-शाज़्त्त शुँणियों, बिश्वाष ने करी; परह् ऐबे आँमें आपु भे ईनके बचन शुँणियों, ऐजो जाँणी पाव, के सोत्तिखे ऐ संईसारी का छुट्कारा देंणों वाल़े असो।”

यूहन्ना 7:42

कियों पबित्र-ग्रन्थों दो ऐजो लिखी ने थंई, के राजा दाऊद के बंष-गड़ी शे; अरह् राजा दाऊद के गाँव बेतलेहम शी मसीया के आँव्णी असो?”

प्रेरितो कै काम 13:32

“आँमें तुँओं लोगो कैई शी ऐजी खुषख्बरी शुँणाँव, के पंण्मिश्वर ऐं अमाँरे पुराँणियाऐं कैई जुण्जा बाय्दा करा थिया;

प्रेरितो कै काम 2:30

राजा दाऊद ऋषी थिऐ; अरह् से ऐजो जाँणों थिऐ, के पंण्मिश्वर ऐं मुँह कैई ऐजी षोंह् करियों बुलो थियों; के ‘हाँव तेरे बंष-गड़ी मुँझ्शा ऐक आदमी तुवाँरे सिंगाँस्णों गाशी बंईठाल़ूबा।’

प्रेरितो कै काम 3:26

पंण्मिश्वर ऐ तुओं लोगों खे आप्णाँ सेंवक यीशू मसीया हजो ऊबा जीयाल़ा, अरह् सोभी शा आगे तुओं लोगों कैई डेयाल़ा; जिन्दें लंई से तुओं मुँझ्शे ऐक नाँम आदमी बुराई शे फेरियों तिनखे आशिर्बाद दियों।”

प्रेरितो कै काम 4:12

“कोसी ओकी आदमी के जाँणें मुँक्त्ति ने आथी; किन्देंखे के बादी संईसारी दो, अस्माँनों थाँई; कोसी ओकी आदमी को नाँव ही ने देऐ थंई; जैस्के जाँणें आँमों छ़ूट्कारा-मुँक्त्ति भेटो।”

रोमियों 1:3

आप्णे बैटे अमाँरे प्रभू यीशू मसीया के बारे दा बाय्दा करा थिया; के से देह्-शरीर के हिसाब शा तअ राजा दाऊद के बंष दा पय्दा हुवा

रोमियों 11:26

अरह् ऐशा दाँई बादे इस्राएल के लोग मुँक्त्ति पाँदे। जेष्णों पबित्र-ग्रन्थों दो लिखी थो, “छुड़ोणों वाल़ा सिय्योन शा आँदा, अरह् बादी बुराई याकूब शी दुर्की करदा;

तीतुस 1:4

संत्त-तीतुस जू मेरा बैटा जिया असो: किन्देंखे के आँमें दुईऐं ऐकी ही प्रभू यीशू गाशी बिश्वाष करी थुवा, परंम-पिता पंण्मिश्वर अरह् अमाँरा मुँक्त्ति देणों वाल़ा, मसीया यीशू की ढबे शा ताँव्खे कृपा अरह् शाँण्त्ति भेंट्दी रंह्।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

2 पतरस 1:11

परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।

2 पतरस 2:20

जुण्जा आदमी अमाँरे प्रभू मतल्व बंचाँणों वाल़े प्रभू यीशू मसीया पछयाँणियों, अरह् संईसारी के खोट् शे बंचियों निक्ल़ी ज़ाव, से हजो तिन्दे ही फशियों संईसारी के शैतान आरी ज़ाव, तअ तिनकी बुरी दशा तेसी आगली दशा शी भे जादा बुरी हों।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।

यहूदा 1:25

तैसी सिर्फ ऐक ही पंण्मिश्वर अमाँरे मुँक्त्ति देणों वाल़े, के बड़ियाऐं, अरह् महाँन्ता, पराक्रम, अरह् हंक-अधिकार, अमाँरे प्रभू यीशू मसीया के जाँणें हंमेशा शे असो, से ऐबे भे असो, अरह् ज़ूगौ-ज़ूगौ तड़ी रंह्। आमीन।

प्रकाशितवाक्य 22:16

“हाँव, यीशू, मुँऐ कलीसियाओं के बारे दी ऐजी बातो पर्गट कर्णो खे आप्णाँ दूत्त तुओं कैई डेयाल़ी थुवा; हाँव राजा दाऊद के बंष-गंड़ी का सोभी शी खास अलाद असो, अरह् झ़ीषौ बियाँणीं दा चंमम्कणों वाल़ा तारा असो।”