प्रेरितो कै काम 12:11 - Sirmouri

¹¹ तबे संत्त-पतरस शुह्झ़ी-होष दा आऐ, तबे तिन्ऐ आपू ही आरी बुलो; “ऐबे मुँऐ जाँणी पाव, के प्रभू ऐ आप्णा दूत्त डेयाल़ियों मुँह राजा हेरोदेस के हाथ शा छुड़ाऐया, अरह् यहूदियों के बादे भोर्षे गाशी पाणीं फेरियों तिनका बादा पलाँन खत्त्म करियों मुँह बंचाऐ दिता।”

सिरमौरी नौवाँ नियम

¹¹ तोबै पतरसे होशो दै आयौ बौल़ौ, “ऐबै मोऐं साचौ जाणै पोऊँ कै प्रभुए आपणा स्‍वर्गदूत छाड़ैयो मुखै राजा हेरोदेस कै कैद शै छुड़ाए राए, औरौ यहूदी अगुवे कै उमीदो खै नाकाम कौरे दी।”

प्रेरितो कै काम 12:11 ပူးပေါင်းရင်းမြစ်များ

लूका 15:17

जबे से किऐ शुझ़ी दा आया, तअ तेने सुँचों, के मेरे बाबा के घरह् दो, तअ नोंकरो खे भे खाँणों खे छ़कियों भेटो; परह् हाँव ईथै भूखी मंरदा लागा।

प्रेरितो कै काम 12:7

तबे: ऐक-दम प्रभू का ऐक दूत्त आऐयों तेथै कय्दखाँने दा खह्ड़ा हुवा, तबे सेजी कय्द खाँने की कुठड़ी प्रकाष-रोष्णी लई चंमम्की गऐ; अरह् तेने स्वर्गदूत्ते संत्त-पतरस की कुँछ़ थंप-थपाऐयों तिनू ऊँबे बीऊजाल़े, अरह् बुलो, “शीघा-ऊबा बीऊँज!” अरह् तबे संत्त-पतरस की शाँगल़ी-हथक्ड़ी खुलियों ऊदी धनियों पुडी पड़ी।

प्रेरितो कै काम 24:27

परह् जबे दो साल्ह बित्त्णों गाशी, तेस्की जागा दा, हाकम पोर्कियुस-फेस्तुस बंणाँया गुवा; तअ तबे हाकम-फ़ेलिक्स ऐ यहूदी लोग खुशी कर्णो की ताँईऐ संत्त-पौलुस कंय्दखाँने दा ही छ़ुड़ी दिता।

प्रेरितो कै काम 25:9

परह् हाक्म फ़ेस्तुस ऐ तिनू यहूदी लोग खुशी कर्णो की ताँईऐ संत्त-पौलुस शो पूछ़ो, “कियों तू यरूशलेम खे ज़ाँणों चहाँऐ; जिन्दें लंई मेरे सहाँम्णें ईन बातों के बारे दा तेरा नियाँव करा ज़ाँव?”

प्रेरितो कै काम 5:19

परह् प्रभू के दूत्त ऐं रात्ती के बख्त्ते तेसी कय्दखाने के कुवाड़ खुली दित्ते; अरह् तिनू तेथै शे बाँईडे गाड़े, अरह् तिनखे बुलो;

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

2 पतरस 2:9

ऐशो दाँई प्रभू जाँणों ऐ के भगत्त लोग कैशे दाँई नियाँव के देसो तोड़ी बंचाऐंयों थहणें, अरह् दुष्ट लोग कैशे दाँई सजा पाँणों खे थहणें;