प्रेरितो कै काम 11:26 - Sirmouri

²⁶ अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ।

सिरमौरी नौवाँ नियम

²⁶ औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 11:26 ပူးပေါင်းရင်းမြစ်များ

मत्ती 28:19

ईन्देंखे तुँऐं ज़ाओं, अरह् बादी संईसारी दे ज़ाऐयों गऐर यहूदी के लोग मेरे चैले बंणाँव; अरह् तिनको पिता, पुत्र, अरह् पबित्र-आत्त्मा के नाँव शो नहाँण-नुहाँव,

यूहन्ना 2:2

प्रभू यीशू अरह् तिनके चैले भे जाज्ड़े दे बय्दी थुऐ थिऐ।

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 11:20

परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे।

प्रेरितो कै काम 11:22

जबे तिन्दे के बारे दो यरूशलेम की कलीसिया के काँने शुँणाँई पड़ो, तअ तिन्ऐं बरनबास अन्ताकिया खे डेयाल़ा।

प्रेरितो कै काम 11:27

तिनू ही देसे किऐ ऋषी यरूशलेम शे अन्ताकिया दे आऐ।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

प्रेरितो कै काम 14:20

जबे चैले संत्त-पौलुस के चौऊँ ढबै कंट्ठै हुऐ, तअ से बादे झ़ुहणें हजों बीऊँजे अरह् तेसी नंगर दे हुटे; अरह् दुज़े के से बरनबास की गंईलो दिरबे खे हुटे।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 14:23

संत्त-पौलुस अरह् संत्त-बरनबास ऐ ऐक नाँम कलीसिया दे तिनखे बुड़े बुजूरग चूणें-छाँटे, अरह् बरत्त आरी प्रार्थना करियों तिनू प्रभू के हाथों दे देंऐ दिते, जिनका तिन्ऐं बिश्वाष करा थिया।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

प्रेरितो कै काम 14:28

अरह् से बैजाऐ बहित्ते देसो तोड़ी आप्णें चैले की गईलो रूऐ।

प्रेरितो कै काम 18:27

जबे तेने अपुल्लोस ऐ संमुँन्द्रों गाशी यूनान देश खे जाँणों चहाँव, तअ बिश्वाषी भाऐ-बंईणों ऐ तेस्खे दीड़-हिमम्त्त दित्ती; अरह् चैले के नाँव दी पत्री देंऐयों, तिन शी बीनन्ती करी; के से ऐस्का सु-स्वागत्त् करह्; तबे तेने अपुल्लोस ऐ यूनान पंह्ऊँचियों, लोगों के बैजाऐ सहाँऐता करी; जुण्जे लोग प्रभू की कृपा के कारण बिश्वाषी बंणी रूऐ थिऐ।

प्रेरितो कै काम 19:9

परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 20:1

जबे सेजे झ़ग्ड़ै-दाँगे थंबी गुऐ, तअ संत्त-पौलुस ऐ चैले खे शुझ़ा देऐयों हंस्ला-हिमम्त्त दिती; अरह् तबे आपु देथै शे बिदा हऐयों मकिदूनिया खे हुटे।

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

प्रेरितो कै काम 21:4

तबे आँमें तेथै चैले का पता लाया, अरह् चैले भेंटीयों आँमें सात्त देसो तोड़ी तेथै रूऐ; तबे तिनू चैले ऐ पबित्र-आत्त्मा की शक्त्ति लई संत्त-पौलुस खे बुलो, के यरूशलेम दी आप्णीं कंदमं-भींख ने थुऐ।

प्रेरितो कै काम 26:28

तबे राजा अग्रिप्पा! ऐ संत्त-पौलुस खे बुलो; के “तू ऐग्ड़ी खे मुँह कैई शो ऐजो कबूल कराऐ देंईदा के हाँव भे ‘मसीही’ असो।”

प्रेरितो कै काम 6:1

तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

प्रेरितो कै काम 6:5

तबे ऐजी बात तियों बादी मंड्ल़ी के लोगों के आच्छ़ी लागी, अरह् तिन्ऐ स्तिफनुस नाँव का ऐक आदमी जुण्जा बिश्वाषी अरह् पबित्र-आत्त्मा शा भरा अँदा थिया; अरह् फ़िलिप्पुस, प्रोखुरूस, निकानोर, तीमोन, परमिनास, अरह् अन्ताकिया का रंहणों वाल़ा; जुण्जा के यहूदी मंत्त दा आऐ रूवा थिया, जेस्को नाँव निकोलास थियों तेसी भी तियों सेंवा खे च़ूणीं-छ़ाँटी पाया।

प्रेरितो कै काम 9:19

तबे तेने भोजन करा, अरह् तबे तेस्दी तेख्णीं हिमम्त्त आऐ; तबे से कंई देसो तोड़ी तिनू चैले आरी रूवा, जुण्दे दमिश्क नंगर दे रंह् थिऐ।

प्रेरितो कै काम 9:38

लुद्दा याफा नंगर के नंजीक असो, ईन्देंखे जबे चैले ऐ शुँणों; के संत्त-पतरस ईथै असो, तअ तिन्ऐं दो आदमी डेयाल़ियों संत्त-पतरस शी ऐजी अर्जी करी, के “तुऐं हेभी अमाँरे कागी आव।”

1 कुरिन्थियों 11:18

किन्देंखे के आगे तअ हाँव ऐजो शुणू थिया, के जबे तुँऐं कलीसिया दे कठै हों, तअ तुँओं मुँझी फूट पड़ो, अरह् हाँव भे ईदा दाँणिक-दाँणिक बिश्वाष करू।

1 कुरिन्थियों 12:12

किन्देंखे के जैष्णी देह्-शरीर ऐक असो, अरह् देह्-शरीर के अंग अनेक असो, अरह् देह्-शरीर दे बैजाऐ अंग हों, तबे भे तिनू बादे अंग मिलाऐयों से बादी ऐक ही देह्-शरीर बंणों; तेष्णा ही मसीया भे ऐक असो।

1 कुरिन्थियों 14:23

तअ: जे कलीसिया ऐकी जागे दी कठी हों, अरह् बादे के बादे अंण-जाँण भाषा बुलो, तअ जे कुँऐं बाईले, के अबिश्वाषी लोग कलीसिया दे भीटे आले, तअ कियों से तुँओं खे झाले बुल्दे ने?

1 कुरिन्थियों 4:17

ईन्देंखे मुँऐं तीमुथियुस जू प्रभू दा मेरा प्यारा अरह् बिश्वाषों ज़ूगा बैटा असो, तेसी मुँऐं तुँओं कैई डियाल़ी थुवा। से तुँओं कैई शी मसीया दे मेरी चाल-ढाल चिते कराँदा, जैष्णी के हाँव ढीको हर जागे दी बादी कलीसिया खे शिक्क्षा देऊँ।

इफिसियों 3:15

जिन्दे लई स्वर्ग अरह् धर्ती गाशी, ऐक नाँम घराने को नाँव थुओ ज़ाँव,

याकूब 2:7

कियों सेजे ही तेसी नाँव की निदया कर्दे ने, जेसी नाँव शे तुँओं जाँणिऐं?

1 पतरस 4:14

जे तुँऐं मसीया के नाँव शे पतार्ले, तअ तुँऐं भागोईत असो! तुवों आशिर्बाद भेट्दा, किन्देंखे के तुवों दी पंणमिश्वर की बड़याई की आत्त्मा बंसी रंऐ;

1 पतरस 4:16

परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

1 यूहन्ना 2:27

परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।

प्रकाशितवाक्य 3:18

ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।