प्रेरितो कै काम 11:19 - Sirmouri

¹⁹ जुण्जे लोग तेसी कंल़ेष के कारण माँरे गुऐ, जुण्जे स्तिफनुस के कारण पड़ा थिया; अरह् सेजे लोग खिदर-बिदर हुऐ गुऐ थिऐ, अरह् से रिट्दे-फीर्दे फीनीके अरह् साइप्रस, अरह् अन्ताकिया दे पंह्ईचे; परह् यहूदियों के सुवाऐ से कोसी ओकी कैई बचन ने शुँणाँव थिऐ।

सिरमौरी नौवाँ नियम

¹⁹ स्तिफनुस कै मारै जाणौ कै बाद, कैई बिशवाशी लोगै यरूशलेम शहर कै छोड़ दिया औरौ बैखरै गौवै, सै घुमदै-घुमदै फीनीके प्रदेश औरौ साइप्रस टापू औरौ सीरिया प्रदेश कै अन्‍ताकिया शहर दै पौऊंचै, पौरौ यहूदी लोगौ कै सिवाए कोसी ओकी खै यीशु कै बारै मुंजी सौंदेश ना शुणाए राए थी।

प्रेरितो कै काम 11:19 ပူးပေါင်းရင်းမြစ်များ

मत्ती 10:6

परह् इस्राएल के घराने की पाई अंदी भैड़ो कैई ही ज़ाऐं।

यूहन्ना 7:35

ईन्दें गाशी यहूदी अगुवाल़ लोगे ऐ आपु मुँझी बुलो, “ऐ केथै ज़ाँदा, जू ऐ आँमों खोज करियों भे भेटो ने? कियो ऐ यूनानियों मुँझी ज़ाऐयों तेथै बसे अंदे यहूदियों कैई ज़ाँदा; अरह् तिनू यूनानियों खे भे शिक्षा देंदा?

प्रेरितो कै काम 11:20

परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे।

प्रेरितो कै काम 11:22

जबे तिन्दे के बारे दो यरूशलेम की कलीसिया के काँने शुँणाँई पड़ो, तअ तिन्ऐं बरनबास अन्ताकिया खे डेयाल़ा।

प्रेरितो कै काम 13:1

बड़ो नंगर अन्ताकिया की कलीसिया दे कंऐयों ऋषी अरह् शिक्क्षा देणों वाल़े थिऐ: जेष्णाँ के बरनबास अरह् शमौन जेस्खे नीगर बुली थिया; अरह् लूकियुस कुरेने का रंहणों वाल़ा, अरह् राजा हेरोदेस की गईलो पाल़ा-धाच़ा गुवा, मनाहेम, अरह् शाऊल।

प्रेरितो कै काम 13:4

ऐशे दाँई पबित्र-आत्त्मा के जाँणें बरनबास अरह् शाऊल सिलूकिया टापु गाशी हुटे; अरह् तेथै शे से पाँणी की जहाँज दे बंईठियों साइप्रस टापु गाशी खे चाल पड़े।

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 14:26

तेथै शे से पाँणी के जहाज दे बड़े नंगर अन्ताकिया खे हुटे, जेथै से तेसी काँम-काज़ खे जुण्जा तिन्ऐं पुरा करा थिया, तेथै से पंण्मिश्वर की कृपा दे दित्ते गुऐ।

प्रेरितो कै काम 15:22

तबे बादी कलीसिया की राजी बंन्दी शी खास-चैले अरह् यहूदी ठह्गड़ै ऐं पाक्को कोरो, के तिनू लोगो मुँझ्शे किऐ लोग च़ूणी-छ़ाँटियों संत्त-पौलुस अरह् संत्त-बरनबास आरी बड़े नंगर अन्ताकिया खे डेयाल़े ज़ाँव; तबे तिन्ऐं दो आदमी च़ूणें-छ़ाँटे; जुण्जे भाई-बंईणों मुँझी मुँख्या जाणें-माँणें लोग थिऐ, मतल्व यहूदा, जेस्खे बरसब्बास बुली थिया; अरह् सीलास दुईन्ने डेयाल़े;

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 15:30

तबे से तेथै शे बिदा हऐयों अन्ताकिया दे पंह्ईचे, अरह् जबे तिन्ऐं मंडल़ी कंट्ठी करी, अरह् तबे तिन्ऐं सेजी पत्रीं तिनखे देऐ दित्ती।

प्रेरितो कै काम 15:35

संत्त-पौलुस अरह् बरनबास अन्ताकिया दे ही रूऐ: अरह् ओकी भहूते लोगो कैई शे प्रभू के बचन का प्रचार कर्दे अरह् खुषख्बरी शुँणाँदें रूऐ।

प्रेरितो कै काम 15:39

तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

प्रेरितो कै काम 18:22

अरह् कैसरिया के टापू दा ऊदा ऊत्रियों (यरूशलेम खे) हुटा, अरह् कलीसिया खे नमंष्कार करियों महाँ-नंगर अन्ताकिया खे हुटा।

प्रेरितो कै काम 21:16

कैसरिया के किऐ चैले अमाँरी गईलो आऐं, अरह् आँमों कुप्रुस के रंहणों वाल़े मनासोन नाँव के आदमी के घरह् दे हुटे; अरह् सेजा मनासोन शुरू के देसो दा चैला बंणी रूवा थिया, अरह् आँमें तबे तेसी कागी रंहणों वाल़े थिऐ।

प्रेरितो कै काम 21:2

पतारा नंगर शो आँमों पाँणी को जहाज भेटो, जुण्जो फीनीके प्रदेश खे ज़ाँदो लागो थियों; ईन्देंखे आँमें तिन्दें शुवार हऐयों तेथै शे आगु हुटे।

प्रेरितो कै काम 3:26

पंण्मिश्वर ऐ तुओं लोगों खे आप्णाँ सेंवक यीशू मसीया हजो ऊबा जीयाल़ा, अरह् सोभी शा आगे तुओं लोगों कैई डेयाल़ा; जिन्दें लंई से तुओं मुँझ्शे ऐक नाँम आदमी बुराई शे फेरियों तिनखे आशिर्बाद दियों।”

प्रेरितो कै काम 4:36

यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।

प्रेरितो कै काम 6:5

तबे ऐजी बात तियों बादी मंड्ल़ी के लोगों के आच्छ़ी लागी, अरह् तिन्ऐ स्तिफनुस नाँव का ऐक आदमी जुण्जा बिश्वाषी अरह् पबित्र-आत्त्मा शा भरा अँदा थिया; अरह् फ़िलिप्पुस, प्रोखुरूस, निकानोर, तीमोन, परमिनास, अरह् अन्ताकिया का रंहणों वाल़ा; जुण्जा के यहूदी मंत्त दा आऐ रूवा थिया, जेस्को नाँव निकोलास थियों तेसी भी तियों सेंवा खे च़ूणीं-छ़ाँटी पाया।

गलातियौं 2:11

परह् जबे कैफा अन्ताकिया दा आया, तअ मुँऐं खुलियों तेस्की मुँहों दो बुलो, किन्देंखे के से कसूरबार थिया।