प्रेरितो कै काम 10:41 - Sirmouri

⁴¹ सोभी लोगो कैई शे ने परह् तिनू गुवाह्-शाज़्त्त कैई शे देखाई पड़े; जिनू पंण्मिश्वर ऐं च़ूणी-छ़ाँटी थुऐ थिऐ, सेजे गुवाह्-शाज़्त्त आँमें ही असो; अरह् दुज़ाल़िऐ तिन के ऊबे जीऊँणों गाशी, आँमें तिनकी गंईलो खाऐ-पीं थों।

सिरमौरी नौवाँ नियम

⁴¹ सौबी लोगै तैसी ना दैखी पौरौ तिनु गवाहै जू पौरमेशवर कै चोणेयौंदे चैलै औसौ जिनुखै पौरमेशवरे औगौड़ियौ ही चोणे राए थिए, मतलब आमु जिनुवै तैसकै मौरेयौंदे मुंजीदै जियुंदी हौणौ कै बाद तैसकै साथी खोऊ पियु;

प्रेरितो कै काम 10:41 ပူးပေါင်းရင်းမြစ်များ

लूका 24:30

जबे प्रभू यीशू तिनकी गईलो खाँदे धुईऐ तअ प्रभू ऐ रोटी आप्णें हाथों दी करी, अरह् धन्यबाद करियों आशिष माँगी, अरह् सेजी रोटी च़ूड़ियों से तिनखे देंदे लागे।

लूका 24:48

अरह् तुँऐं ईनू सोभी बातो के गुवाह्-शाज़्त हंदे।

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 14:19

किऐ ही बख्त्त हजो असो, जबे ऐजी संईसारी मुँह ने देखी सको; परह् तुँऐं मुँह जरूर देख्ले; के हाँव जीऊँदी असो, अरह् तुँऐं भे जीऊँदी रंह्दे।

यूहन्ना 14:22

ऐक ओका यहूदा! (जुण्जा इस्करियोती ने थी), तेने बुलो, “हे प्रभू! ऐष्णों का हुओं, के तुऐं आँमों कैई तअ पर्गट हंदे; परह् ईयों संईसारी के लोगो गाशी ने पर्गट हंदी, ईन्देंका कारण का असो?”

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:27

अरह् तुँऐं भे मेरे बारे दी गुवाऐ-शाज़्त्त देले; किन्देंखे के तुऐं शुरू शे ही ऊँबे मेरी गईलो रंऐ रूऐ।

यूहन्ना 21:13

प्रभू यीशू ऊँडे आऐं, अरह् तिन्ऐ रोटी थागी; अरह् चैले खे दिती, अरह् तेष्णीं ही तिन्ऐ चैले खे सेजी माँछ़ी भी दित्ती।

प्रेरितो कै काम 1:22

ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।”

प्रेरितो कै काम 1:4

ऐक देस प्रभू यीशू ऐ आप्णें खास-चैले कंट्ठै करियों, तिनखे ऐजी अज्ञाँ दिती; के “यरूशलेम नंगर ताँव तोड़ी ने छुह्ड़े; जाँव तोड़ी परंम-पिता पंण्मिश्वर का बाय्दा, जिन्दें का बंखाँण मुँऐ आगे ही करी थुवा थिया, सेजा ही बाय्दा पुरा ने हों।

प्रेरितो कै काम 10:39

प्रभू यीशू ऐं जुण्जो किऐ यहूदा ईलाके अरह् यरूशलेम दो करो, तिन्दें के गुवाह्-शाज़्त्त आँमें असो; तिनू ही यीशू मसीया लोगें ऐ शुँल़ी-फ़ाँषी दे देऐयों माँरी दिते।

प्रेरितो कै काम 13:31

अरह् तिन्ऐ भहित्ते देसो तोड़ी तिनू लोगों खे दर्षण दिते, जुण्जे तिनकी गंईलो गलील ईलाके शे यरूशलेम दे आऐ रूऐ थिऐ; अरह् ऐबे से ही बादे लोगों के साहम्णें तिनके गुवाह्-शाज़्त्त असो।