प्रेरितो कै काम 10:39 - Sirmouri

³⁹ प्रभू यीशू ऐं जुण्जो किऐ यहूदा ईलाके अरह् यरूशलेम दो करो, तिन्दें के गुवाह्-शाज़्त्त आँमें असो; तिनू ही यीशू मसीया लोगें ऐ शुँल़ी-फ़ाँषी दे देऐयों माँरी दिते।

सिरमौरी नौवाँ नियम

³⁹ औरौ आमुए चोणेयौंदे चैलै लोगौ खै तिनु सौबी बातौ कै बारै मुंजी बौताए लो, जू आमु यीशु कै यरूशलेम शहर दै औरौ बाकी यहूदी देश दै कौरदै दैखा औरौ यरूशलेम कै यहूदी नेताए तैसीखै क्रूसो पांदी लोटकायो मारै दिया।

प्रेरितो कै काम 10:39 ပူးပေါင်းရင်းမြစ်များ

लूका 1:2

जेष्णों के तिन्ऐं जुण्जे आगे ही शुभे ईनू बातो के दे:ख्णों वाल़े, अरह् बचन के सेवक थिऐ, तिन्ऐं ही आँमों तड़ी पईचाल़ी।

लूका 24:48

अरह् तुँऐं ईनू सोभी बातो के गुवाह्-शाज़्त हंदे।

यूहन्ना 15:27

अरह् तुँऐं भे मेरे बारे दी गुवाऐ-शाज़्त्त देले; किन्देंखे के तुऐं शुरू शे ही ऊँबे मेरी गईलो रंऐ रूऐ।

प्रेरितो कै काम 1:22

ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।”

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 10:41

सोभी लोगो कैई शे ने परह् तिनू गुवाह्-शाज़्त्त कैई शे देखाई पड़े; जिनू पंण्मिश्वर ऐं च़ूणी-छ़ाँटी थुऐ थिऐ, सेजे गुवाह्-शाज़्त्त आँमें ही असो; अरह् दुज़ाल़िऐ तिन के ऊबे जीऊँणों गाशी, आँमें तिनकी गंईलो खाऐ-पीं थों।

प्रेरितो कै काम 13:31

अरह् तिन्ऐ भहित्ते देसो तोड़ी तिनू लोगों खे दर्षण दिते, जुण्जे तिनकी गंईलो गलील ईलाके शे यरूशलेम दे आऐ रूऐ थिऐ; अरह् ऐबे से ही बादे लोगों के साहम्णें तिनके गुवाह्-शाज़्त्त असो।

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 4:10

तअ: तुँऐं बादे लोग अरह् इस्राएल की बादी जंन्त्ता ऐजो जाँणी पाव, के नासरत गाँव के रंहणों वाल़े यीशू मसीया के नाँव शा ऐजा आदमी च़ाँग्गा हंऐयों तुओं लोगो जेष्णा खह्ड़ा असो; जिन खे तुँऐं शुँल़ी-फ़ाँषी दिती थी, अरह् पंण्मिश्वर ऐ तिनू मँरे अँदे मुँझ्शै पाछ़ू ऊँबै जीऊँदे कंरे।

प्रेरितो कै काम 7:52

कियो तुवाँरे पुराँणिऐं ऐ ऋषियों गाशी अंत्त्याचार करी ने? तिन्ऐं तिनू ऋषी लोग माँरी दित्ते, जिन्ऐं आगे ही तेसी धर्मी जंण के आँवणीं की घोष्णाँ करी थी; तुओं लोगों खे स्वर्गदूत्त के जाँणें, रित्ती-रूवाज निय्म भेंटी ने? परह् तुऐं लोगें ऐं तिन्दें का पाल़्ण ने करी, अरह् ऐबे तेसी धर्मी जंण के थंहम्बड़ाणों वाल़े अरह् हत्त्यारे बंणी गुऐ।

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।