प्रेरितो कै काम 10:22 - Sirmouri

²² तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

सिरमौरी नौवाँ नियम

²² तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 10:22 ပူးပေါင်းရင်းမြစ်များ

मत्ती 1:19

तबे: तियाँरे मँगेतर यूसुफ जू पंणमिश्वर की नंजरी दा धर्मी थिया, से तियों आप्णी बरीअंदी कन्याँ मरियम बदनाँम ने कर्णी चहाँव थिया, परह् तेने तियों चुप्प-चाँण छुड़ी देणों का फंऐंस्ला करा।

मत्ती 2:12

तबे तिनू तारा-मंडल़ के खुजी लोगो के सुईंणों लागो; के पंणमिश्वर कैई शी ऐजी चिताँव्णी भेटी, के राजा हेरोदेस कैई पाछू फीरियों ने ज़ाऐ, तबे से कोसी ओकी बाटो बाटी पाछू आप्णें देश खे हुटे।

मरकुस 6:20

राजा हेरोदेस संत्त-यूहन्ना धर्मी पबित्र आदमी जाँणियों डरो थिया, तबे ही तेने तेसी बंचाऐ थुवा थिया; अरह् तेस्का बचन शुण्णाँ तेसी आछा लागो थिया।

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 2:25

अरह् दे:खो, यरूशलेम दा ऐक शमौन नाँव का आदमी थिया, अरह् सेजा आदमी धर्मी अरह् भगत्त थिया; अरह् इस्राएल के शाँण्त्ति की बाट जुओं थिया, अरह् पबित्र-आत्त्मा तेस्दे समाँऐ अंदी थी।

लूका 23:50

तेथै ऐक यूसुफ नाँव का आदमी थिया, जुण्जा खत्ती की बड़ी खुम्ल़ी के च़ौत्रें का बिम्बर थिया; से संज्जन अरह् धर्मी मंरोद् थिया।

लूका 9:26

जू कुँऐ मुँदा अरह् मेरी बातो दा सरमाला, तैसी ‘आदमी का बैटा’ भे, जबे आप्णी अरह् आप्णे परंम-पिता पंण्मिश्वर के अरह् पबित्र-स्वर्गदूत्तो के बड़ियाऐं आरी आला तअ तैस्दा से भे तेथै सरमाई ज़ाँदा।

यूहन्ना 13:20

हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”

यूहन्ना 17:20

“हाँव सिर्फ ईनही की ताँईऐ ने, परह् तिनू सोभी खे भे बिनत्ती-प्रार्थना करू; जुन्जें ईनके जाँणें बचन शुँण्णों लंई मुँह्दा बिश्वाष कर्ले।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

यूहन्ना 6:63

आत्त्मा ही जीवन दियों, परह् देह्-शरीर शा किऐ भे फाय्दा ने हंदी; ईन्देंखे मुँऐं जुण्जे बचन तुओं कैई बुली थुऐ; सेजे ही आत्त्मा अरह् जीवन असो।

यूहन्ना 6:68

शमौन संत्त-पतरस ऐ प्रभू यीशू खे जबाब दिता, “हे प्रभू! आँमें कोसी कैई ज़ाँव? किन्देंखे के तुओं कैई अमर-जीवन के बचन असो।

प्रेरितो कै काम 10:2

से अरह् तेस्का बादा कोड़बा धर्मी अरह् पंण्मिश्वर के डर-भय दे रंह् थिऐ, अरह् यहूदी लोगो खे बैजाऐ दाँण-दछ़्णाँ दियों थिया; अरह् हर बख्त्ते पंण्मिश्वर शी प्रार्थना करह् थिऐ।

प्रेरितो कै काम 10:21

तबे: संत्त-पतरस तिनू लोगों कैई ऊदे हुटियों बुल्दे लागे, “तुऐ जैसी जुह्दे आऐ रूऐ, सेजा हाँव ही असो; तुऐं कैई आऐ रूऐ?”

प्रेरितो कै काम 10:30

सुबेदार कुरनेलियुस ऐ जबाब दिता, “चार देसो आगे ऐसी ही बख्त्ते मुँऐ आप्णें घरह् दी किऐ च़ीन बाजे की प्रार्थना करी लंऐ थी; के ऐक च़ींट्टै-ऊँज्ल़े खोट्णों बाँम्बियों कुँऐ मंरोद् मेरे सहाँम्णें ऐक-दमं खह्ड़ा हुवा।

प्रेरितो कै काम 10:33

तबे मुँऐ तेख्णीं तुओं कैई लोग डेयाल़े, अरह् तुँऐं ऐजो बैगे ही आछो करो, के तुऐं ईथै ईनकी गईलो आऐ; अरह् प्रभू! ऐं तुओं खे जुण्जी-जुण्जी अज्ञाँ देऐ थंई, तिन्दें शुँण्णों खे आमें बादे झुणें, पंण्मिश्वर के सहाँम्णें हाजिर असो।”

प्रेरितो कै काम 10:6

से शमौन, नाँव के आदमी कागी, जुण्जा चाँम्बड़े का बंईपार कर्णों वाल़ा असो, से तेसी कागी असो; अरह् तेस्को घरह् संमुन्द्रो की टिराँव्टी दो असो।”

प्रेरितो कै काम 11:14

से ताँव कैई शा बचन शुँणाँला, जिन्दे लई तू अरह् तेरे कुड़्बे खे मुँक्त्ति भेंट्ली।’

प्रेरितो कै काम 22:12

“तबे हनन्याह नाँव का ऐक आदमी तेथै आया, से ऋषी मूसा खे भेटे गुऐ अज्ञाँ-निय्म के मुँताबिक चाल्णों वाल़ा, भगत्त अरह् सोभी यहूदियों मुँझी माँना-गीणा आदमी थिया;

प्रेरितो कै काम 24:15

अरह् मेरे पंण्मिश्वर दा भोर्षा असो, जेष्णाँ ईन के भे असो; के धर्मी अरह् अ-धर्मी दुई ने हजो पाछ़ू ऊँबे जीऊँदें हंदे।

प्रेरितो कै काम 6:3

तअ तबे: हे मेरे भाऐ-बंईणों! तुऐं लोग आपु ही मुँझ्शे सात्त आच्छ़ै चाल-चल़्ण वाल़े मरोद् च़ूणीं-छ़ाँटी दियों; जुण्जे के पबित्र-आत्त्मा अरह् बुद्धी शे भे भर-पुर हले; जिनू आँमें ऐसी काँम-काज़ खे तैयार करी सको।

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

2 कुरिन्थियों 5:18

ऐजी बादी बातो पंण्मिश्वर की ढबे शी असो, जिन्ऐं मसीया के जाँणें आपु आरी अमाँरा मेल-मिलाप की सेवा आँमों खे देऐ थऐ।

1 तीमुथियुस 3:7

अरह् बाईले आरी भे से जाँना माँना हों, जू कोद्दी ऐशो ने हऐयों के से बदनाँम हऐयों शैतान की पाशी-जाल़ौ दा ने फषो।

इब्रानियों 10:38

मेरा धार्मिकजंण बिश्वाष के कारण जीवन पाँदा: परह् जे से डरियों पाछ़ु फीरो, तअ हाँव तैच्छ़ा खुशी ने रंह्दी।”

इब्रानियों 11:2

ऐसी ही बिश्वाष के कारण अमाँरे पुराँणियाँ खे पंण्मिश्वर ऐं शबाषी दिती।

इब्रानियों 12:23

पंण्मिश्वर की जैठी अलाद जिनके नाँव स्वर्गो दे लिखी थुऐं, तिनकी खुम्ल़ी के नंजीक आऐ रंह्, अरह् सोभी का नियाँव कर्णो वाल़ा पंण्मिश्वर अरह् तिनके कारण सीद्ध करे अंदे धर्मी की आत्त्माऐं तिन कैई आऐ रंह्।

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

3 यूहन्ना 1:12

दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।

प्रकाशितवाक्य 14:10

सेजे भे पंण्मिश्वर के रोष, के सूर पीला, जुण्जी पंण्मिश्वर के रोष के बैलूवें दी पाऐ गऐ थी, तेसी पबित्र-स्वर्गदूत्तो, अरह् छ़ैल़्टे के सहाँम्णें आग, अरह् गंन्धक की गईरी बैद्णीं दे पाऐ ज़ाले।