प्रेरितो कै काम 10:11 - Sirmouri

¹¹ संत्त-पतरस ऐ देखो, के स्वर्ग खोली गुओं; अरह् ऐक बड़ी लाँम्बी-बीयूल़ी चादर जेऐ किऐ चींज स्वर्गो शी ऊदी आँदी लागी, अरह् तिन्दें के चारे कुँणें धर्त्ती गाशी थंऐ लुऐ थिऐ।

सिरमौरी नौवाँ नियम

¹¹ औरौ तैणै दैखौ, कै स्वर्ग खोले गौ; औरौ किछै चीज़ कुणजै ऐक बौड़ै चादर कै जैशणै चोऊ कुणै शै लोटकैयौंदे, धोरती कै ढौबौ उतरदै लागै रोए थै।

प्रेरितो कै काम 10:11 ပူးပေါင်းရင်းမြစ်များ

मत्ती 8:11

हाँव तुँओं खेे बुलू, के पूर्वो अरह् पंच्छ़ियों शे बेजाऐ लोग आऐयों, अब्राहम, अरह् इसहाक, अरह् याकूब, की गईलो स्वर्गो के राज्य दे बंईठदे।

लूका 3:21

जबे बादे लोगे नहाँण-नहाँऐं पाव, तबे प्रभू यीशू नहाँण-नहाँऐयों, प्रार्थना करदा लागा, तअ तबे असमाँन खुली गो;

यूहन्ना 1:51

प्रभू यीशू ऐ तेस्खे बुलो, “हाँव तुओं खे खास बात बुलू: तुऐं स्वर्ग खुलो अंदो, अरह् पंण्मिश्वर के स्वर्गदूत्त आदमी के बैटे गाशी ऊँदे आँदें, अरह् ऊँबे ज़ाँदे देख्ले।”

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 12:32

अरह् जबे मुँह, धर्ती गाच्छ़ा ऊबा थागला, तअ तबे हाँव बादे लोग आपू कैई खीचियों आँणू बा।”

प्रेरितो कै काम 10:12

तियों चादरी दे साँत्त-भाँत्ते चौपाऐ बंऐच़ी धर्त्ती गाशी, अरह् लूह्कणों वाल़े जीव-जन्तु अरह् अस्माँनों के पक्षी थिऐ।

प्रेरितो कै काम 11:5

“हाँव याफा नंगर दा प्रार्थना कर्दे बख्त्ते आत्त्मा दा बैसुद्ध पड़ा, अरह् मुँऐ ऐक दर्शण देखा; के लाम्बी बिऊँल़ी चादर जेऐ किऐ चींज स्वर्गो शी ऊँदी आँदे देखी, अरह् तिन्दें के चारे कुँणें मुँह कैई थुऐ गुऐ।

प्रेरितो कै काम 7:56

तबे स्तिफ़नुस ऐं तिनखे बुलो, “देखो, मुँऐ स्वर्ग खुलो अंदो, अरह् आदमी का बैटा पंण्मिश्वर के सोऐं ढबै खह्ल़ी अँदा देखी लुवा।”

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 9:4

ऐजे इस्राएली लोग जिनू पंणमिश्वरे गोद् लऐ थुऐ थिऐ। तिन्ऐं पंणमिश्वरो की बड़ियाऐ का दर्शण करी थुवा; अरह् से पंणमिश्वर के देऊँठी के हंकदार भे असो, जिन्खे ऋषी-मूसा खे भेटे गुऐं निय्म, अरह् पंणमिश्वर का बाय्दा भे तिन की गईलो असो।

गलातियौं 2:15

आँमें तअ पय्दा हंणों शे ही यहूदी असो, परह् पापी गऐर यहूदी मुँझ्शे ने आथी।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

प्रकाशितवाक्य 11:19

तबे पंण्मिश्वर की जुण्जी देऊँठी स्वर्गो दे असो, सेजी खुली गऐ, अरह् तेस्की देऊँठी दा तेस्के वाचा का संनदूक देखिया; जिन्दें शे बिज्ल़ाव गुड़ाको की धूमराल़ों अरह् भूईच्ल़ो हुऐ, अरह् बैजाऐ शोरू पड़े।

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 4:1

इन बातो पाछी मुँऐं संईसारी दी देखियों झ़ैठ पाऐयों का देखी लो, के स्वर्गो दो ऐक दुवार खुली अंदो असो, अरह् जेसी मुँऐं आगे रंणशिंगै-कनाँल़ी की जेई गूँह्ज दा आपु आरी बात कर्दे शुँणाँ थिया, से ही बुलो, के “ईथै ऊँबा आ; अरह् हाँव सेजी बातो ताँव कैई शी देखाऊँबा, जुण्जी बातो ईन्दें पाछी हंणीं जरूरी ही असो।”