प्रेरितो कै काम 1:14 - Sirmouri

¹⁴ तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ।

सिरमौरी नौवाँ नियम

¹⁴ तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।

प्रेरितो कै काम 1:14 ပူးပေါင်းရင်းမြစ်များ

मत्ती 12:46

जबे प्रभू यीशू ऐं लोगो की भीड़ो आरी बातो लाऐ लई थी, तबे तिनकी माँ अरह् भाऐ बाऐर खड़े थिऐ, अरह् प्रभू यीशू आरी बातो कर्णी चहाँव थिऐ।

मत्ती 21:22

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

मत्ती 27:55

तेथै बैजाऐ तिरोंई जुण्जी गलील शी यीशू की सेवा कर्दी आऐं रंई थी, तिनिऐं दुर्के शो ऐजो दे:खियों बुलो थियों।

मरकुस 15:40

किऐ तिरंई दुर्की खड़ी थी, ऐजो सब-कुछ दे:ख्णों खे जिनू मुँझी मरियम मगदलीनी, छोटा याकूब, योसेस के माँ मरियम, अरह् सलोमी थी।

मरकुस 16:1

जबे बिषाँव को देस बिती गो, तबे मरियम मगदलीनी, अरह् याकूब के माँ मरियम अरह् सलोमी ऐ सैंट मोंले करो, के तेसी प्रभू यीशू के मड़दे दो छ़िड़कऊँबे।

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

लूका 18:1

तबे प्रभू यीशू ऐ तेसी बारे दो बुलो, के रोज प्रार्थना करह्, अरह् दीड़-हिम्मत ने हारे, अरह् तिनखे ऐजो अनाँणों दितो:

लूका 23:49

परह् प्रभू यीशू के जाँण्णों वाल़े आदमी किऐ दुर्के खह्ड़े थिऐ, तिनू मुँझी तिरंई भे थी; जुण्जी गलील प्रदेश शी प्रभू यीशू पाछ़ी-पाछ़ी आऐ रंई थी, अरह् तिन्ऐ सेजो सब-कुछ देखी लो थियों।

लूका 23:55

तिनू तिरंई ऐ जुण्जी यीशू की गईलो गलील शी तिनू पाछ़ी-पाछ़ी आऐ रंई थी; तिन्ऐं ज़ाऐयों तियों खात्त-कबर देखी, अरह् ऐजो भे देखो; के तिनको मित्तको कियों रित्ति शो थंऐ थुओं।

लूका 24:10

जिनू तिरंई ऐं खास-चैले कैई ऐजी बातो शुँणाँई: अरह् सेजी ऐजी तिरंई ऐशी थी, मरियम मगदलीनी, अरह् योअन्ना, अरह् याकूब के माँ मरियम अरह् तिन की गंईलो ऊकी तिरंई भे थी।

लूका 24:33

तबे सेजे चैले तैख्णीं तेथै शे बीऊँजे, अरह् यरूशलेम खे पाछू हुटे; अरह् तिन्ऐ तेथै सेजे गेंयारंह् चैले अरह् तिनके साथी भे बादे झुणें कंट्ठै देखे।

लूका 24:53

अरह् से देऊँठी दे सदा पंण्मिश्वर की अरार्धना कर्दे रूऐ।

लूका 8:20

तबे प्रभू कैई कुँणिऐं आऐयों बुलो, “तुँवारी माँ अरह् तुवाँरें भाऐ बायर खह्ल़ी रूऐ, अरह् से तुँओं शे भेंट कर्णी चहाँव।”

प्रेरितो कै काम 2:1

जबे पिन्तेकुस्त तैयारोह् को देस आव, तअ बादे चैले ऐकी ठाँई कठै थिऐ।

प्रेरितो कै काम 2:42

तबे: सेजे बादे लोग खास-चैले की शिक्षा शुँण्दें, अरह् संत्त-संग दे आँदे; अरह् प्रभू भोज की रोटी खाँदे; अरह् प्रार्थना कर्दे लींन-मंगन रंह्दे लागे।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 6:4

अरह् तबे आँमें आँपु प्रार्थना दें अरह् बचन की सेंवा दे लागे अँदे रँह्ऊबे।”

रोमियों 12:12

भोर्षें दे खुशी अरह् मंगन रूऐ; कंल़ेष दे पाक्के रूऐ; प्रार्थना दे हमेशा लागे रूऐ।

1 कुरिन्थियों 14:13

ईन्देंखे जे कुँऐं अंण-जाँण भाषा बुलो, तअ से प्रार्थना करह्, के से तियों अंण-जाँण भाषा का अनुबाद करियों मतल्व भे सम्झाऐ सको।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

कुलुस्सियों 4:2

प्रार्थना दे लागे अंदें रंह्, अरह् धन्यबाद आरी तिन्दे च़ौक्क्ष रंह्;