प्रेरितो कै काम 1:13 - Sirmouri

¹³ नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ।

सिरमौरी नौवाँ नियम

¹³ औरौ जोबै सै शहर दै पौऊंचै तौ सै तैसी उपले वाल़ै घोरो दै हौटै जिथै चोणेयौंदे चैलै पतरस, यूहन्ना, याकूब, अन्द्रियास, फिलिप्‍पुस, थोमा, बरतुल्मै, मत्ती, हलफईस का बैटा याकूब, शमौन जेलोतेस औरौ याकूब का बैटा यहूदा रौंव थिए।

प्रेरितो कै काम 1:13 ပူးပေါင်းရင်းမြစ်များ

मत्ती 9:9

तेथै शे आगू हुटियों प्रभू यीशू ऐ ऐक मत्ती नाँव का आदमी कंण-चूंगी लोणों वाल़ी चोऊकी गाशी बईठा अंदा दे:खा, अरह् तेस्खे बुलो, “मुँह पाछी आ।” से बींऊँजियों तिनू पाछी चाला।

मरकुस 14:15

से आपु ही तुँओं कैई शो च़ीप्रें घर को गाशलो घर दे:खाला जुण्जों आगे ही सजो-धंजों अंदो हलो, तेथै तुँऐं आँमों खे जून बाँण्णों के तियारी करह्।”

मरकुस 14:33

अरह् प्रभू यीशू ऐ पतरस, याकूब, अरह् यूहन्ना, आप्णी गईलो नींऐं, अरह् बैजाऐ बैच्यन अरह् ब्याकूल हुऐ।

मरकुस 2:14

ज़ाँदी बई प्रभू यीशू ऐ हलफई का बैटा लेबी चूंगी की चौऊँकी गाशी बईठा अंदा दे:खा, अरह् तेस्खे बुलो, “मुँह पाछी आ।” अरह् से बीऊजियों तिनू पाछी चाल पड़ा।

मरकुस 5:37

प्रभू यीशू ऐ आप्णी गईलो पतरस, याकूब अरह् याकूब का भाऐ यूहन्ना के सुवाऐ ओकी कसी भी आप्णी गईलो आँणों ने दिती।

मरकुस 9:2

छ: देसो बेत्त्णो गाशी प्रभू यीशू ऐ पतरस, याकूब अरह् यूहन्ना आप्णी गईलो, ऐकलाल़े दे कोसी ऊँची धारंह् गाशी नींऐं। तेथै चैले के साँमणिऐं प्रभू यीशू का रूप बद्ल़ी गुआ।

लूका 22:12

तबे से तुँओं कैई शा च़ीपरे घरह् दा च़ीज़ियों पुरी का ऐक सजा-धजा अंदा कंमरा देखाऐ देला; अरह् तुऐं तैथी जूंन बाँण्णों के तैयारी करे।”

यूहन्ना 11:16

ईन्दे गाशी थोमा ऐ जेस्खे दिद्मुस बुली थिया, तेने आप्णे साथी चैले खे बुलो, “आओ, आँमें भे ईनकी गईलो मँर्दे ज़ाऊँबे।”

यूहन्ना 14:22

ऐक ओका यहूदा! (जुण्जा इस्करियोती ने थी), तेने बुलो, “हे प्रभू! ऐष्णों का हुओं, के तुऐं आँमों कैई तअ पर्गट हंदे; परह् ईयों संईसारी के लोगो गाशी ने पर्गट हंदी, ईन्देंका कारण का असो?”

यूहन्ना 18:17

तियों दासी ऐ जुण्जी दुवारों की रंख्वाल़ी कर्णो वाल़ी थी, तिऐ पतरस कैई शो पुछ़ो; “कद्दी तू भे तअ ऐसी ही आदमी के चैले मुँझ्शा तअ ने असो?” पतरस ऐ बुलो, “हाँव ने आथी।”

यूहन्ना 21:2

शमौन पतरस, अरह् थोंमा जेस्खे दिदुमुस बुली थिया, अरह् गलील के काना नंगर का नतनएल, अरह् जबदी के दो बैटे, अरह् प्रभू यीशू के दो ओके चैले तेथै कंट्ठै थिऐ।

प्रेरितो कै काम 12:17

तबे संत्त-पतरस ऐं तिनखे चुप्पी रंहणों का ईशारा करा, अरह् तिन कैई बुलो; के कैशा दाँई पंण्मिश्वर ऐं मुँह कंय्दखानें शा बाँईडा गाड़ा, तबे संत्त-पतरस ऐ “याकूब अरह् तिनू सोभी भाई-बंईणों कैई तिनू बादी बातो के खबर दित्ती।” अरह् तबे से आपु तेथै शे नींक्ल़ियों कैथी ओकी जागे दे हुटे।

प्रेरितो कै काम 15:13

तिन्ऐं जबे बुली पाओ, तअ याकूब बुल्दा लागा, “हे भाईयों! मेरी बातो शुँण्णों।

प्रेरितो कै काम 2:14

तबे संत्त-पतरस ऐं तिनू गियारी खास-चैले आरी खह्ड़े हंऐयों जुराल़ो बुल्णों शुरू कोरो: “हे यहूदिया दे रंहणों वाल़े अरह् यरूशलेम के बादे रंहणों वाल़े लोगों, तुओं सोभिखे ऐजो संहम्झणों खास जरूरी असो; ईन्देंखे मेरी बातो सुई करियों शुँणों:

प्रेरितो कै काम 2:38

संत्त-पतरस ऐ तिनखे ऐजा जबाब दिता, के “आप्णा मंन बद्ल़ो अरह् तुँओं मुँझ्षे ऐक नाँम आप्णे-आप्णे पापो खे पंस्तावाँ करियों माँफी माँगो; अरह् यीशू मसीया के नाँव शो नहाँण-नहाँव; तबे ऐशा दाँई तुओं पबित्र-आत्त्मा का दाँण-बरंदाँण भेंट्ला।

प्रेरितो कै काम 20:8

अरह् आँमें च़ीज़ियों मंजली के कमरे दे कंट्ठै हंऐ रूऐ थिऐ; तेथै बैजाऐ भहित्ते दिवे बल़ै अंदे थिऐ।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

प्रेरितो कै काम 4:19

ईन्दें गाशी संत्त-पतरस अरह् संत्त-यूहन्ना ऐ तिनू लोगो खे जबाब दिता, “तुँऐं ही फंऐस्ला करह्; के ऐजो पंण्मिश्वर के नंजरी दो ठीक हंदो, के आँमें पंण्मिश्वर की ने परह् तुवाँरी बातो माँनों?

1 कुरिन्थियों 15:7

तबे याकूब कैई शे देखाईऐ, अरह् तबे से बादे प्रभू यीशू के खास-चैले कैई शे देखिऐं।

गलातियौं 1:19

परह् प्रभू के भाऐ याकूब के सुवाऐ, ओका कोसी भी प्रभू यीशू के चैले कैई शा ने भेटी।

गलातियौं 2:9

अरह् जबे तिन्ऐ तियों कृपा दी जुण्जी मुँह भेंटी रंऐ थी, सेजी जाँणी पाँऐ; तअ याकूब, अरह् कैफा, अरह् यूहन्ना ऐ, जू कलीसिया के मुँख्या माँने ज़ाँव थिऐ, तिन्ऐं साथ देणों के रूप दी ऐजी सहम्ति जताऐयों, मुँह आरी, अरह् बरनबास आरी हाथ मिलाया, के तुँऐं गऐर यहूदी लोगो के बीचो दे ज़ाऐयों प्रचार कर्दें रूवे, अरह् आँमें मतल्व याकूब, कैफा, अरह् यूहन्ना ऐ यहूदी लोगो के बीचो दा प्रचार करणा माँना, अरह् आँमें सभिऐं आपु मुँझी ऊडी-पुडी संई बाँऐं छुईयों मानों।

याकूब 1:1

पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

2 यूहन्ना 1:1

मुह ठग्ड़ै की ढबे शी तिनू चूणीं-छाँटी अंदी तिरंई अरह् नहाँन्ड़िया के नाव, जिन शो हाँव साच्चो पियार थंह्ऊँ; अरह् सिर्फ हाँव ही ने, परह् सेजे बादे भे पियार थंह् जू सच्चाऐ जाँणो ऐ;

यहूदा 1:1

संत्त-यहूदा के ढबे शा जू प्रभू यीशू मसीया का दास अरह् याकूब का भाऐ असो, तुँओं सोभी खे जुण्जे परमं-पिता पंण्मिश्वर के जाँणें बईदे गुऐ सेजै प्यारे असो; अरह् प्रभू यीशू मसीया खे बंचाऐयों थुऐ गुऐ।