3 यूहन्ना 1:6 - Sirmouri

⁶ से कलीसिया के साम्णें तुवाँरे पियार के गुवाह्-शाज़्त असो, ठीक ऐजो असो, के तुँऐं ईनू ठीक-ढंग शे बिदा करह्, जुण्जो पंण्मिश्वर के माँन्णों ज़ूगौ हों।

सिरमौरी नौवाँ नियम

⁶ तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।

3 यूहन्ना 1:6 ပူးပေါင်းရင်းမြစ်များ

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 21:5

जबे तेथै शा अमाँरे ज़ाँणो का बख्त्त पुरा हुवा; अरह् आँमें बिदा हंऐयों जाँदे लागे, तअ बादे लोग तिरंई अरह् नहाँन्ड़िया आरी, नंगर शे बाँईडे आँमों डेयाल़्दे आऐ; अरह् आँमें संमुँन्द्रो के काटल़ो गाशी आप्णें घुण्डू नाँऐयों प्रार्थना कर्दे लागे।

रोमियों 15:24

ईन्देंखे जबे हाँव स्पेन खे ज़ाँऊबा तअ तुँओं कैई शा चग्राईयों ज़ाँऊबा, किन्देंखे के मुँह भूर्षा असो, के तियों यात्रा दी तुँओं आरी मेरी भेंट मील हंदी, अरह् जबे तुँवारी साथ-हाथ शा मेरा जीऊँ कुछ भरी ज़ाँव, तअ तुँऐं मुँह किऐ आगुड़े तोड़ी डेयाल़ी दिऐ।

2 कुरिन्थियों 1:16

अरह् तुँओं कैई शा जाँदी बई मकिदुनिया खे जाऊँ, अरह् तबे मकिदुनिया शा पाछु तुँओं कैई आँऊ; अरह् तुँऐं मुँह यहूदिया की ढबे किऐ आगुड़े तोड़ी डियाल़ो।

फिलिप्पियों 4:14

तबे भे तुँऐं भलो कोरो, के मेरी कल़ेश-दु:ख्ह दे मेरे साथी बणें।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

तीतुस 3:13

जेनास-बकील, अरह् भाऐ-अपुल्लोस खे तिनकी बाटो-हाड्णों खे जे किऐ तिनू जरूरत हों, तअ तिनकी पुरी मद्त करे; जू तिनके कियों ही चींजो के कंम्मी ने हों।

1 पतरस 2:20

किन्देंखे के जे तुँऐं पाप करियों घूसै-मुँकिऐं खाई, अरह् सबैर मारा, तअ तिन्दी किऐ बड़ी बात ने आथी; परह् जे भली काँम-काज़ करियों कुँऐं दु:ख भूगौ, अरह् सबैर माँरो तअ ऐजो पंणमिश्वर के भे भाँव ऐ।

3 यूहन्ना 1:12

दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।