2 तीमुथियुस 4:10 - Sirmouri

¹⁰ किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

सिरमौरी नौवाँ नियम

¹⁰ जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

2 तीमुथियुस 4:10 ပူးပေါင်းရင်းမြစ်များ

मत्ती 12:32

“जुण्जा कुँऐं आदमी के बैटे के बिरूध दे किऐ बात बुलो, तेस्का ऐजा कसूर माँफ करा ज़ाला, परह् जुण्जा कुँऐं पबित्र-आत्त्मा के बिरूध दो किऐ बुल़्ला, तेस्का सेजा कसूर ऐसी ज़ूगौ दा अरह् परलोकं दा भे माँफ ने करा ज़ाँदा।”

मत्ती 26:56

परह् ऐजो सब ईन्देखे हुओं, के पंणमिश्वर की बरंम्बाणीं कर्णो वाल़े, के बचन पुरे हों।” तबे बादे चैले तिनू छुड़ियों भागी गुवे।

लूका 14:33

“ऐष्णों ही तुँओं मुँझ्शा जुण्जा आदमी आप्णों सब-कुछ़ ने छुड़ी दियों; तअ से मेरा चैला ने बंणी सक्दा।

लूका 16:13

“कुँऐं भे सेंवक दु: माँलिक के सेंवा ने करी संक्दा; किन्देंखे के से ऐकी आरी प्यार, अरह् दुज़े आरी डामा-डोल रंह्ला; ईन्देंखे से ऐकी आरी मीलियों रंह्ला, अरह् दुज़ै आरी शा दुरका रंह्दा; तुँऐं पंण्मिश्वर अरह् धंन दुई के सेवा ने करी सक्दे।”

लूका 17:32

लूथ की घरवाल़ी वाल़ी घट्णाँ भे चींत्तै थुऐ; के तियों आरी का हुओं थियों!

प्रेरितो कै काम 13:13

संत्त-पौलुस अरह् तेस्के साथी पाँणीं के झहाजो दे बंईठियों पंफूलिया ईलाके के पिरगे नंगर दे पंह्ईचें; अरह् यूहन्ना तिनू तेथै छुड़ियों पाछ़ू यरूशलेम खे हुटा।

प्रेरितो कै काम 15:38

परह् संत्त-पौलुस ऐ ऐजो ठीक ने संहम्झी, के जेने आदमी ऐ ईनू पंम्फूलिया दे छ़ूड़ी दित्ते थिऐ; अरह् जेने हमाँरे काँम-काज़ दा किऐ भे हाथ ने लाई, कियों आँमें ऐसी आदमी हजो भे आप्णीं गईलो नींयों?

प्रेरितो कै काम 16:6

पबित्र-आत्त्मा संत्त-पौलुस, सीलास, अरह् तिमुथियुस खे आसिया ईलाके दा बचन का प्रचार कर्णो शा भाजी गुवा; ईन्देखे तिन्ऐं फ्रूगिया अरह् गलातिया ईलाके का दोंरा करा।

प्रेरितो कै काम 17:1

तियों यात्रा कर्दे संत्त-पौलुस अरह् सीलास अम्‍फिपुलिस अरह् अपुल्लोनिया बाटी थिस्सलुनीकियों दे पंह्ईचे, तेथै ऐक यहूदी च़ौत्रा थिया।

प्रेरितो कै काम 17:11

ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

प्रेरितो कै काम 17:13

जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

प्रेरितो कै काम 18:23

तबे कुछ देसो संत्त-पौलुस महाँ-नंगर अन्ताकिया दा रूवा, अरह् तबे से तेथै शे भे चाली पड़े; अरह् गलातिया अरह् फ्रूगिया के ईलाके बाटी नंगर-नंगर दे घुम्दे-फीर्दे बादे चैले बिश्वाष दे पाक्कै कर्दे रूऐ।

2 कुरिन्थियों 2:13

तअ मेरे सासो दी चऐनं ने पढ़ी, किन्देंखे के मुँऐ आप्णा भाऐ तीतुस ने दे:खी; ईन्देंखे तिनू शी बिदाऐ लऐयों हाँव मकिदुनिया खे हुटा।

2 कुरिन्थियों 7:6

तबे भी दिलों खे शाँण्त्ति देणों वाल़े पंण्मिश्वरे तीतुस के आणों लई, आँमों खे शाँण्त्ति दिती;

2 कुरिन्थियों 8:16

पंण्मिश्वर का धन्यबाद हों, जिन्ऐं सेजा होंस्ला तीतुस के सासो दा पाऐ थिया।

2 कुरिन्थियों 8:23

जे कुँऐं तीतुस के बारे दो पुछो, तअ से मेरा साथी अरह् तुँवारी ताँईऐं मेरा साजी असो; अरह् जे अमाँरे भाऐ के बारे दो पुछो, तअ से कलीसियों के डियाल़े अंदे, अरह् मसीया की बड़ियाऐ असो।

2 कुरिन्थियों 8:6

ईन्देंखे आँमें भाऐ तीतुस खे भे ऐजी सलाह् दिती, के जैष्णों तुँऐं आगे शुरू करो थियों, तैष्णी ही तुँओं मुँझी भी दाँण देणों की टह्ल पुरी करह्।

गलातियौं 1:2

अरह् बादे भाऐ की ढबे शा, जू मेरी गईलो असो, गलातियों की कलीसियों के नाव:

फिलिप्पियों 2:21

किन्देंखे के बादे आप्णे-आप्णे मतल्व की खोज दे रंह्, ना के यीशू मसीया की खोज दे।

1 तीमुथियुस 6:10

किन्देंखे के रूपिऐ का लोभ बादी बुराई की जड़ असो, जिनू पाँणों की कोशिष दी बहीते लोग बिश्वाष शे भट्कियों आपु-आप्खे कई किस्म के दु:खो लई छिनं-भीनं हऐ ज़ाँव।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

2 तीमुथियुस 4:16

शुरू दा जबे मुँऐं आप्णा बंचाव करणा चाया, तअ मेरी ढबे शा कुँऐं भे मेरी मंद्दत्त करदा ने आई; परह् सोभिऐ मुँह ऐकली छुड़ा, पंण्मिश्वर ऐशो करह् के कोसी भे तिन्देका किऐ भे लेखा-ज़ोंखा ने देणाँ पड़ो!

तीतुस 1:4

संत्त-तीतुस जू मेरा बैटा जिया असो: किन्देंखे के आँमें दुईऐं ऐकी ही प्रभू यीशू गाशी बिश्वाष करी थुवा, परंम-पिता पंण्मिश्वर अरह् अमाँरा मुँक्त्ति देणों वाल़ा, मसीया यीशू की ढबे शा ताँव्खे कृपा अरह् शाँण्त्ति भेंट्दी रंह्।

फिलेमोन 1:24

अरह् मरकुस, अरह् अरिस्तर्खुस अरह् देमास अरह् लूका जू मेरी गईलो काँम-काज़ कर्णो वाल़ा असो, ईन का भे ताँव्खे नमंष्कार।

2 पतरस 2:15

से आच्छ़ी बाट् छुड़ियों भट्की ज़ाव; बओर के बैटे बिलाम की बाटो दे चाल पड़े; बिलाम, जैसके पाप की कमाई के द्दियाड़ी पियारी लागो;