2 तीमुथियुस 3:6 - Sirmouri

⁶ ईन्ही ही लोगो मुँझ़ी सेजे भे लोग हंदें, जुण्जें के ओकी के घरह् दे चुर्ड़िऐ घुसरियों आँव, अरह् तेसी घरह् की चंचल तिरंई ठंगियों आप्णें बंष दी करह्; जुण्जी तिरंई पाप दी पंड़ी अंदी, अरह् कंई किस्मं की हिछ़याओं की बंष दी फ़ंषी अंदी हों।

सिरमौरी नौवाँ नियम

⁶ इनु मुंजीदै किछै लोग लोगौ कै घोरो दै जांव औरौ मूर्ख बैटमाणिशौ खै वश दी कौर दैंव जिनकै दिल तिनकै पाप कै बौजैह शै दोष कै भावनाओं शै भोरेयौंदे हौंव औरौ सौब भान्त कै इछाओं कै वश दै औसौ

2 तीमुथियुस 3:6 ပူးပေါင်းရင်းမြစ်များ

मत्ती 11:28

“हे बादे मेंह्नत कर्णो वाल़े, अरह् बोझ़-भार थाई दबे अंदे लोगो, मुँह कैई आओं; हाँव तुँओं खे बिषाँव देऊँबा।

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

मत्ती 23:14

“(फींट्कारा असो! तुओं यहूदी-निय्म के शिखाणों वाल़े, अरह् यहूदी भाट-बाँम्ण, पाखंडी तुँओं खे भहित्ती सजा भेट्दी! तुँऐं बिद्यवा की घरोऊँची खाऐ पाँव, अरह् दे:खावे खे बैजाऐ बिस्ते तोड़ी प्रार्थना करह्: ईन्देंखे तुँओं खे बैजाऐ भहिती सजा भेट्दी।)”

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

मरकुस 4:19

अरह् संईसारी का फिकर करियों, अरह् धंन दोंल्त का धोखा, अरह् कंई चींजो का लोभ-लाल़्च तिनके मंन दा समाँऐंयों, सेजा बचन दबाऐ दियों, अरह् से निंषफल़ हऐ ज़ाँव।

1 कुरिन्थियों 12:2

तुँऐं जाणोंऐं के जबे तुँऐं गऐर यहूदी अरह् बै-बिश्वाषी थिऐ, तअ लाटी बै-जियाँन मुर्त्तियों पाछी चालो थिऐ, तअ तुँओं जैष्णे चलाऐ ज़ाँव थिऐ, तुँऐं तेष्णें ही चालों थिऐ।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

1 तीमुथियुस 6:9

परह् जू सेठ-धंनवाँन बण्णों चहाँव, से ऐष्णी ही परख अरह् फाँदे अरह् भहिते ब-कार अरह् नुकसाँन, लाल़्च के जाल़ौ दे फषो, जिन्दे लई आदमी बिगड़ी ज़ाँव; अरह् नाँष के संमुँन्द्रो दे डूब्बी ज़ाँव।

तीतुस 1:11

तिनके मुँह बंद कर्णें पड़ो। ऐष्णें लोग नींच-कमाई खे गलत बातो शिखाऐयों घरह् के घरह् बिगाड़ी दियों।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

2 पतरस 3:17

ईन्देंखे हे प्यारे साथियों, तुँऐं लोग आगे ही ईनू बातो जाँणियों च़ौक्क्ष रंह्, जू अ-धर्मी-पापी के जाल़ो दे फशियों आप्णी दृड्ता आप्णें हाथे ने गुवाँल़ों।

यहूदा 1:16

से सेजे लोग असो, जुण्जे तुड़-खुड़ा दें रंह्, अरह् सदा गलती निंकाल़्दें रंह्, अरह् से आप्णी हिछ़्या शे कू-कर्णी के लूभी-लाल़्चि, अरह् घमंन्डी अरह् आप्णें फाय्दे खे चाप-लुसी कर्णों वाल़े हों।

यहूदा 1:18

तिन्ऐ तुँओं खे बुलो, के “आखरी के देसो दे ऐष्णें लोग हले जू तुओं अरह् प्रभू ठाटै खे कर्ले, सेजै लोग आप्णें सभाव शे ही नाँस्तिक, अरह् आप्णी पापमंऐ हिछ़या के मुताबिक चालै।”

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।