2 तीमुथियुस 3:15 - Sirmouri

¹⁵ अरह् ऐजों भे के नहाँन्ड़े शुबे तुँऐं पबित्र-ग्रन्थों दो लिखों अंदो भे जाँणों ऐं, के जुण्जा तुओं खे ऐजी बुद्धी देऐ सको, जिन्दें लंई मसीया यीशू गाशी बिश्वाष के कारण तुओं छ़ुट्कारा भेंटो।

सिरमौरी नौवाँ नियम

¹⁵ बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

2 तीमुथियुस 3:15 ပူးပေါင်းရင်းမြစ်များ

मत्ती 22:29

प्रभू यीशू ऐ तिनखे जबाब दिता, “तुँऐं बैजाऐ बड़ी भूल गलती करी लऐ: तुँऐ ना तअ पबित्र-ग्रन्थों के लेख पढ़ियों सम्झी थई; अरह् ना ही तुऐं पंणमिश्वर की शक्त्ति-सामंर्थ जाँण्दें

लूका 1:15

किन्देंखे के सेजा बालक प्रभू की नंजरी दा बड़ा माँना ज़ादा, से दाख्ह-अंगूरोह् का रंस अरह् सूर कंद्दी ने पींदी, परह् से माँ, की कुँखीं शा ही पबित्र-आत्त्मा शा भरा अंदा हंदा।

लूका 2:40

अरह् सेजा बालक बढ़दा लागा, अरह् दाड़-मुँढ़ हऐयों, अरह् ज्ञाँन-बुद्धी दा सम्झ-दार हंदा लागा, अरह् पंण्मिश्वर के कृपा तेसी गाशी थी।

लूका 24:27

तबे प्रभू यीशू ऐ ऋषी-मूसा शी ऊबी, बादे ऋषियों की बरंम्बाँणीं जुण्जी पबित्र-ग्रन्थों दे लिखी गई बातो; का मतल्व आप्णे बारे दा तिन कैई शा बादा सहम्झाया।

लूका 24:32

तबे चैले ऐं आपु मुँझी बुलो, के “जबे से अमाँरी गंईलो बाटो पुँडे थिऐ, अरह् आँमों आरी पह्ली रूऐ थिऐ; अरह् तिन्ऐं आँमों कैई तिन्ऐ पबित्र-ग्रन्थों का बखाँण करी लुवा थिया, अरह् आँमों संहम्झाऐ लुऐ थिऐ; तअ अमाँरे मंन दा कैत्रा ज़ौष थिया।”

लूका 24:45

तबे प्रभू यीशू ऐ तिनू चैले के ज्ञान-बुद्धी खोली दिती, के ऐ पबित्र-ग्रन्थ संहम्झी पाँव।

यूहन्ना 5:47

जबे तुऐं ऋषी मूसा के लेख्ह का भे बिश्वाष ने कर्दे, तअ तुऐं मेरी बातो का बिश्वाष कैई कर्दे?”

प्रेरितो कै काम 10:43

प्रभू यीशू के बारे दी, तिनू ऋषी लोगे भे गुवाऐ-शाज़्त्त दिती, के जुण्जे कुँऐं यीशू मसीया दा बिश्वाष करला, तेस्खे तिनके नाँव शी तेस्के बादे पाप खे माँफी भेट्ली।”

प्रेरितो कै काम 13:29

तिन्ऐं प्रभू यीशू के बारे दो जुण्जो किऐ पबित्र-ग्रन्थों दो लिखों अंदो थियों; सेजो बादो पुरो कर्णो पाछ़ी, तिनू शुँल़ी-फ़ाँषी शे ऊदे गाड़ियों खात्ती-कबर दे थंऐ दित्ते।

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 17:2

तबे: संत्त-पौलुस आप्णें ढंग शे तेथै तिनू यहूदी लोगो कैई शा भेंटिदा हुटा, अरह् च़ीन बिषाँव के देसे लगातार तिनके च़ौत्रें दे ज़ाऐयों तिनू आरी बाद-बिबाद करदा लागा; अरह् पबित्र-ग्रन्थों के बचनों का बंखाँण करदा लागा।

प्रेरितो कै काम 26:24

संत्त-पौलुस ऐ ऐशी दाँई आप्णीं सफाऐ देऐ ही लंऐ थी, के हाकमं-फ़ेस्तुस ऐ जुराल़ों बुलो, “पौलुस! तू झ़ाह्ली रूवा; भहूत्ते ज्ञाँन की जाँण कारी के कारण ताँव दी झ़ाह्ल लागी रंऐ।”

रोमियों 1:2

जिन्दे का तिन्ऐं आगे ही आप्णें बरंमबाँणी कर्णो वाल़े ऋषियों के जाँणें, पबित्र-ग्रन्थों दा,

रोमियों 16:26

परह् ऐबे पर्गट हऐयों ज़ूगौ के पंणमिश्वर की अज्ञाँ शे जू ऋषियों की कताबे के जाँणें सोभी जात्तियों खे बुली गई, के से बिश्वाष शे अज्ञाँ माँनणों वाल़े हऐ ज़ाँव,

रोमियों 2:27

अरह् जुण्जा आदमी देह्-शरीर के मुँताबिक शा बिना खतने का रूआ, अरह् से बादे ऋषी-मूसा खे भेटे गुऐं निय्म पुरे करह्, तअ कियो ताँव जू निय्म भेंट्णो गाशी भी अरह् खतना करे ज़ाँणों गाशी भी निय्म मान्दा ने, तबे भे तू पंणमिश्वर की नंजरी दा बै-कसूर बंण्दा?

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

इफिसियों 6:4

हे नहाँन्ड़िया वाल़े, माँ-बाबा! आप्णें नहाँन्ड़िया ने घीपोऐं; परह् प्रभू की शिक्क्षा अरह् चिताँव्णी देंदे तिनका पाल्ण-पोष्ण करह्।

1 तीमुथियुस 4:13

जाँव तोड़ी हाँव ने आँऊ, ताँव-तोड़ी तू पबित्र-ग्रन्थों के पाठ पढ़दे अरह् शिक्क्षा देंदा; अरह् संहम्झ़ाँदा लागा अंदा रंह्।

2 तीमुथियुस 1:1

पौलुस के ढबे शे जू, मसीया यीशू दा तेसी जीवन के बाय्दे के मुँताबिक, पंण्मिश्वर की हिछ़या के कारण प्रभू यीशू मसीया का खास-चैला असो,

2 तीमुथियुस 1:5

मेरे तुवाँरे नीष-कप्ट बिश्वाष चीत्ते आँव, जुण्जा सोभी शा आगे मुँऐ तुवाँरी नाँनीं लोइस अरह् तुवाँरी माँ यूनिके दा देखा थिया; सेजा ही बिश्वाष जरूर तुओं दा भे असो।

2 पतरस 3:16

तेष्णीं ही तिन्ऐ आप्णी बादी पत्री दी भे ईनू बातो की चर्चा करी थऐ, जिन्दी किऐ बातो ऐशी असो, जिनू सम्झणी कठीण असो, अ-ज्ञाँनी अरह् चंचल लोग तिन्दे का मतल्व भे पबित्र-ग्रन्थो की ऊकी बातो जेई खींची-ताँणियों आप्णे ही नाँष का कारण बंणाव।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।