2 तीमुथियुस 2:14 - Sirmouri

¹⁴ ईनू बातो के संहम्झ़ लोगो कैई दें, अरह् प्रभू के सहाँम्णें च़ीत्ते कराँदा रंह्; के से बचन गाशी बाद-बिबाद ने करियाँ करह्, जिन्दें लंई किऐ फ़ाय्दा ने हंदी; परह् शुँण्णों वाल़े ईन्दें लंई बिगड़ी ज़ाँव।

सिरमौरी नौवाँ नियम

¹⁴ आपणै लोगौ मुंजी कोसी खै बै इनु बातौ कै बिसरणो नै दै जू मोऐं ताखै बौताए रैई। औरौ पौरमेशवर कै ऐक गवाह कै रुप दी राखैयौ, ताखै तिनु चैतावणी दैणी चैंई कै सै शोब्दो पांदी बैहसबाजी नै कौरौ। ऐशणै बैहसबाजी कोसी कै मौदद ना कौरौ बल्कि तिनु लोगौ कै बिशवाश कै नुकसान पोऊंचाव जू तिनु शुणौए।

2 तीमुथियुस 2:14 ပူးပေါင်းရင်းမြစ်များ

मत्ती 16:26

जे आदमी खे बादी संईसारी भेंटी ज़ाँव, अरह् आप्णा अमर-जीवन गुवाँऐंयों आप्णा नुकसाँन करह्, तअ तेस्का का फाऐंदा हंदा? के आदमी अमर-जीवन के बद्ल़े का देऐ सको; से किऐं भे ने देऐ सक्दा?

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

1 तीमुथियुस 1:4

अरह् तिनू कथा-काँणियों अरह् चाली अंदी गड़ी-पिड़ी की बातो दा आप्णाँ मंन ने लाऐ, जिन्दे लई बाद-बिबाद हों, अरह् अमाँरे छुट्कारे खे पंण्मिश्वर ऐ जुण्जी योजना बाँणीं थंऐ; से तियों आगे ने बड़णों देंदी, जू बिश्वाष के मुँताबिक शो असो, तैष्णों ही हजो भे बुलू।

1 तीमुथियुस 1:6

ईनू बातो छुड़ियों कैतोड़े लोग बकबाद की ढबे भट्की गुऐ,

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

1 तीमुथियुस 5:21

पंण्मिश्वर, अरह् मसीया यीशू अरह् छाँटे अंदें स्वर्गदूत्तो के सहाँम्णें ताँव कैई ऐजी जुँमेंबारी देऊँ; के बिना कोसी अप्णोंट के ईनू अज्ञाँ का पाल़्ण करे, परह् अप्णोंट के भाव शो किऐ ने कोरो ज़ाँव।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

2 तीमुथियुस 1:6

ईन्देंखे हाँव ताँव कैई शो भे चित्ते कराऊँ, के तू पंण्मिश्वर का सेजा बरंदाँन जुण्जा मेरे हाँथ थंणों के कारण ताँव भेंटा तेसी चंम्काऐ दे।

2 तीमुथियुस 2:16

परह् गाँदे-बुरे बक्बास शा दुरका बंचियों रूऐ; किन्देंखे के ऐशे दाँई लोग बैभगत्ति दे बढ़्दे ज़ाँव,

2 तीमुथियुस 2:23

परह् मुँरूख्ता अरह् अजाँण्दे बाद-बिबादों शे दुर्के रूऐ; किन्देंखे के तुऐं जाँणें ऐं, के ईन्दें लई सिर्फ झ़गड़े ही पय्दा हों।

2 तीमुथियुस 4:1

पंण्मिश्वर अरह् मसीया यीशू हाजीर जाँणियों, जुण्जे जीऊँदे अरह् मँरे अँदे का नियाँव कर्ले; अरह् तिनके हजो पर्गट् हंणों गाशी तिनको राज नंजीक असो, ऐजो जाणियों हाँव ताँव खे ऐजी ऐक खास अज्ञाँ देंऊँ।

तीतुस 3:1

लोगो कैई शो चिते करा, के हाकमों अरह् अधिकारी के अधीन रंह्, अरह् तिनकी अज्ञाँ माँनों, अरह् ऐक नाँम आच्छ़ै काँम-काज़ कर्णो खे तैयार रंह्,

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

2 पतरस 1:13

हाँव आपु खे ऐजो ठीक जाँणू, के जबे तोड़ी हाँव ऐसी देह्-शरीर रूपी डेरे दा असो, ताँव-तोड़ी तुँओं कैई शो चींत्ते कराऐ कराऐयों होंस्ला देंदा रंऊँ।