2 तीमुथियुस 1:13 - Sirmouri

¹³ जुण्जी आच्छ़ी बातो तुँऐं मुँह कैई शी शुँणी थई, तिनू तेसी बिश्वाष अरह् प्यार आरी, जू मसीया यीशू दा असो; तिनू आप्णीं ताँईऐ ऐक नंमुँने के तोर दे च़ींत्ते थुऐ।

सिरमौरी नौवाँ नियम

¹³ मैरै दवारा शोणेयौंदी साची शिक्षा खै आदर्श बाणैयो पालन कौर। बिशवाश औरौ प्यार कै साथै ऐशै कौर जिथुकै तू मसीह यीशु कै साथै एकजुट औसौ।

2 तीमुथियुस 1:13 ပူးပေါင်းရင်းမြစ်များ

रोमियों 2:20

अरह् बै-अकले-ज़ौग्रो का शिखाणों वाल़ा, अरह् बालकों खे शिक्क्षा देणों वाल़ा; अरह् ज्ञाँन, अरह् संचाई खे नंमूना, जू ऋषी-मूसा खे भेटे गुऐं निय्मो दा असो, से मुँखे भेटी रूआ।

रोमियों 6:17

परह् पंणमिश्वर का धन्यबाद हों, के तुँऐं जू पाप के दास थिऐ, तबे भे ऐबे मंन शे तियों शिक्क्षा के माँन्णों वाल़े हऐ गुऐ, जुण्जी सही शिक्क्षा-मंत्त-शीख दे तुँओं चलाऐ गुऐ;

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 4:9

जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

कुलुस्सियों 1:4

किन्देंखे के आँमें मसीया यीशू गाशी तुँवारा बिश्वाष अरह् पंण्मिश्वर के बादे पबित्र लोगो खे तुवाँरे प्यार के बारे दो शुँणी थुओ;

1 थिस्सलुनीकियों 5:21

बादी बातो पर्खो-अजमाँव; जू आच्छ़ी असो, तिनू पाकड़ी अंदी थुऐ।

1 तीमुथियुस 1:10

बिच्के, चोर-जार, मर्दों की गईलो कू-कर्म कर्णो वाल़े, आदमी के बिक्णों वाल़े, झुठो बोल्णो वाल़े, अरह् झुठी षौ-कस्मी खाणों वाल़े, अरह् ईन्दें के अलावा आछे शिक्क्षा के बादे खिलाफ़्त्त दे रंहणों वाल़े खे बाँणी थंई।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 6:3

जे कुँऐं झ़ुठी शिक्क्षा दियों, अरह् अमाँरे प्रभू यीशू मसीया के बचन ने माँनोंं, जू भगति के मुँताबिक शे असो।

2 तीमुथियुस 1:1

पौलुस के ढबे शे जू, मसीया यीशू दा तेसी जीवन के बाय्दे के मुँताबिक, पंण्मिश्वर की हिछ़या के कारण प्रभू यीशू मसीया का खास-चैला असो,

2 तीमुथियुस 1:14

पबित्र-आत्त्मा के कारण, जिनका आँमों दा बास असो, तियों पबित्र-आत्त्मा की मंद्दत्त शी जुण्जी अंनमोंल खुष्खबरी तुओं कैई देऐ थंऐ, तिन्दें की आच्छ़ी रंख्वाल़ी करे।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

2 तीमुथियुस 3:14

परह् तुऐ आपु तिनू शिक्क्षाओं दा, जुण्जी तुओं भेंटी रंई; अरह् जिन्देंके बारे दे तुऐं भोर्षें दे असो, तिन्दें पाक्कै अट्ल़ रूऐ, अरह् ऐजों च़ीत्ते करियों के कुँणें तुओं खे ऐजी शिक्क्षा देऐ थंऐ।

2 तीमुथियुस 4:3

किन्देंखे के ऐशा बख्त्त आला, के लोग आछ़ी शिक्क्षा संऐन ने करी सको, परह् काँन के काचे हंणों के कारण आप्णी मंन की हिछ़या के मुँताबिक शे आप्खे बैजाऐ भहिते शिक्क्षा देणों वाल़े कठै कर्ले,

तीतुस 1:9

अरह् से भुर्षें कर्णो ज़ूगा हुआ चेंई, जू बचन गाशी धर्मो के शिक्क्षा के मुँताबिक शिखाऐ सको, अरह् बिरोध कर्णो वाल़े के मुँह बंन्द करी सको।

तीतुस 2:1

परह् तू ऐशी बातो बुलिया करह्, जू आच्छ़ी शिक्क्षा ज़ूगी हों।

तीतुस 2:8

अरह् ऐशी अछाई हऐं चेंई, के कुँऐं तिन्देखे बुरो ने बुली सको, जिन्दे लई बिरूध कर्णो वाल़े आँमों दी बंदी लाँणों का मुका ने भेंट्णों गाशी सरमाँऐ ज़ाँव।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।

प्रकाशितवाक्य 2:25

परह् होर, जुण्जो किऐ तुँओं कैई असो ऐ, तैथू तुँऐं मेरे आँव्णों तोड़ी सुवों करियों संहमाँल़ियों थुऐ।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।