2 थिस्सलुनीकियों 3:4 - Sirmouri

⁴ आँमों प्रभू दा तुँओं गाशी भोर्षा असो, के जुण्जी-जुण्जी अज्ञाँ आँमें तुँओं खे दियों, तिनू माँनें, अरह् माँन्दे भे रंह्ले।

सिरमौरी नौवाँ नियम

⁴ औरौ आमु प्रभु दा तुऔं पांदी भोरोशा औसौ, औरौ आमुए तुऔं जू किछै कौरणौ कै बौल़ै राए, तुऐं तैशैखैई कौरे लो औरौ कौरदै बै रौया।

2 थिस्सलुनीकियों 3:4 ပူးပေါင်းရင်းမြစ်များ

मत्ती 28:20

अरह् जुण्जी मुँऐं अज्ञाँ देऐ थई, सेजी बादी बातो तिन कैई शी माँनणीं शिखाव: अरह् दे:खो, हाँव संईसारी की अंन्त्त तोड़ी सदा तुँवारी गईलो असो।”

रोमियों 15:14

हे मेरे भाऐ बंईणों, हाँव आपु भे तुवाँरे बारे दो, पाक्को जाँणू, के तुँऐं आपु भी भलाई शे भरे अरह् ईश्वरिऐ ज्ञाँन शे भरे-पुरे असो, अरह् ओका ओकी खे शिक्क्षा देऐं सको।

रोमियों 15:18

किन्देंखे के तिनू बातो के सुवाऐ मेरे ओकी कोसी बातो के बारे दी बुल्णों के हिम्मत ने आथी, जू मसीया ऐ गऐर यहूदी खे बिश्वाष दें आँण्णों खे मेरे जाँणें जुण्जा बचन, अरह् कर्म,

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

1 कुरिन्थियों 14:37

जे कुँऐं आदमी आप्खे-आपु ऋषी के आत्त्मिक जंण सम्झों, तअ ऐजो जाँणी पाँव के जुण्जी बातो हाँव तुँओं खे लिखू, सेजी प्रभू की अज्ञाँ असो।

1 कुरिन्थियों 7:19

ना तअ खतना किऐ आथी, अरह् ना खतने के बिना किऐ आथी; परह् पंणमिश्वर के अज्ञाँ माँन्णी ही सब-कुछ असो।

2 कुरिन्थियों 2:3

अरह् मुँऐ ऐजी ही बात तुँओं खे ईन्देखे लिखी, के कद्दी ऐशो ने हऐयों के मेरे आँणों गाशी, जिन कैई शी मुँह खुशी-आँनन्द भेटा चैई, हाँव तिन्ही शा ही उदास हंऊँ; किन्देंखे के मुँह तुँओं सोभी गाशी ईयों बातो का भूर्षा असो, के जू मेरा आँनन्द-खुशी असो, सेजी ही तुँओं सोभी के भे हऐ चेंई।

2 कुरिन्थियों 2:9

किन्देंखे के मुँऐ ईन्देंखे भे लिखी थो, के तुँवारी परख करू, के तुँऐ मेरी बादी बातो माँन्णों खे तियार असो, के आथी ने।

2 कुरिन्थियों 8:22

आँमें तैस्की गईलों आप्णा भाऐ भे डियाल़ी थुवा, जैसी आँमें बार-बार पर्खियों भहिती बातों दा होंस्लै दा भरा अंदा पाया; परह् ऐबे तुँओं गाशी तैस्के बैजाऐ भूर्षा असो, ईन्देंखे से बैगेही होंस्ले दा असो।

गलातियौं 5:10

हाँव प्रभू गाशी तुवाँरे बारे दा भूर्षा थोऊँ, के तुवाँरा किऐ ओका बिचार ने हंदी; परह् जू तुँओं डराऐयों दो मंन्नै करी दियों, से भाँव कुँऐं भे हों, से सजा पाँदा।

फिलिप्पियों 1:6

मुँह ईयों बातो का भूर्षा असो, के जिन्ऐं तुँओं कैई शे आच्छ़े काँम-काज़ कराँणें शुरू कराऐ थिऐ, सेही तिनू यीशू मसीया के आँणों के देसो तोड़ी पुरो करला।

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

1 थिस्सलुनीकियों 4:10

अरह् मकीदुनिया के बादे भाऐ आरी ऐष्णों ही प्यार करह्। परह् हे भाईयों, आँमें तुँओं सम्झाँव के हजो भे बिश्वाष दे बढ़्दे रंह्,

2 थिस्सलुनीकियों 3:12

ऐष्णे खे आँमें प्रभू यीशू मसीया दी ऐजी अज्ञाँ दियों, अरह् सम्झाँव ऐ, के चुप-चाँण किऐ काँम-काज़ करियों आप्णी रोटी खाया करह्।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

फिलेमोन 1:21

हाँव तेरे अज्ञाँ कारी हणों गाशी भूर्षा थईयों ताँव खे लिखू, अरह् ऐजो जाँणू, के जू किऐ हाँव बुलू, तू तिन्दे शो भे जादा बड़िया करदा।