2 थिस्सलुनीकियों 3:14 - Sirmouri

¹⁴ जे कुँऐं अमाँरे ईयों पत्री की बात ने माँनों, तअ तेसी का ख्याल थुऐ, अरह् तेस्को साथ ने करे, जिन्दे से सरमाऐ ज़ाँव।

सिरमौरी नौवाँ नियम

¹⁴ जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

2 थिस्सलुनीकियों 3:14 ပူးပေါင်းရင်းမြစ်များ

मत्ती 18:17

जे से तिनकी भे ने माँनों, तअ कलीसिया के लोगो कैई बुलो, परह् जे से कलीसिया की भे ने माँनों; तअ तू तेसी गऐर यहूदी अरह् चूंगी लणों वाल़ा जेष्णाँ माँन अरह् जाँण।”

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

1 कुरिन्थियों 4:14

हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

1 कुरिन्थियों 5:11

परह् मेरा ऐजा बुल्णा असो, के जे कुँऐं भाऐ, चुर-जार, के लुभी, के मुर्त्तियों पुजणों वाल़ा, के गाल़ी, देणों वाल़े, के पियाक्ड़, के अनियाँऐं कर्णो वाल़ा हों, तअ तिनको साथ-हाथ ने करे; परह् ऐष्णें आदमी आरी खाणों खे भे खाऐ ने।

1 कुरिन्थियों 5:9

मुँऐ आप्णी पत्री दो तुँओं खे लिखी थो थियों, के बिचकै काँम-काज़ कर्णो वाल़े को साथ ने करे।

2 कुरिन्थियों 10:6

जबे तुऐं अज्ञाँ का पाल़्ण कर्णो तियार रंह्; तअ हर प्रकार की अज्ञाँ टाल़्णों की सजा खे भे तियार रंह्।

2 कुरिन्थियों 2:9

किन्देंखे के मुँऐ ईन्देंखे भे लिखी थो, के तुँवारी परख करू, के तुँऐ मेरी बादी बातो माँन्णों खे तियार असो, के आथी ने।

2 कुरिन्थियों 7:15

जबे तुँओं खे अज्ञाकारी हंणों को चित्ते आँव, के कैष्णें तुँऐं डर्दें अरह् काँम्लिन्दें तिनू आरी मेल-भेंट करी; तअ तैस्को पियार भे तिवाँरी ढबे बढ़दो ज़ाँव।

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

कुलुस्सियों 4:16

जबे ऐजी पत्री तुवाँरे कागी पढ़ी पाईली, तअ ऐशो करे, के लौदीकिया के कलीसिया दे भे पढ़ी ज़ाँव, अरह् सेजी पत्री जू लौदीकिया शे आँव तियों तुँऐं भे पढे़।

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

तीतुस 2:8

अरह् ऐशी अछाई हऐं चेंई, के कुँऐं तिन्देखे बुरो ने बुली सको, जिन्दे लई बिरूध कर्णो वाल़े आँमों दी बंदी लाँणों का मुका ने भेंट्णों गाशी सरमाँऐ ज़ाँव।

तीतुस 3:10

कोसी चुगलियारा ऐकी-दूई बई सम्झाऐ-बुजाऐयों तेस कैई शा दुर्का रंह्,

फिलेमोन 1:21

हाँव तेरे अज्ञाँ कारी हणों गाशी भूर्षा थईयों ताँव खे लिखू, अरह् ऐजो जाँणू, के जू किऐ हाँव बुलू, तू तिन्दे शो भे जादा बड़िया करदा।

इब्रानियों 13:17

आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।

2 यूहन्ना 1:10

जे कुँऐं तुँओं कैई आँव, अरह् ऐजी ही शिक्क्षा ने दियों, तअ तैसी ना तअ भीटा घर दा आँणों दिऐ, अरह् ना तैस्खे नमंष्कार करे।