2 थिस्सलुनीकियों 2:7 - Sirmouri

⁷ किन्देंखे के अधर्म का भैंद् हेभी भे काँम-काज़ करदा रंह्, परह् हेभी ऐक रूकणों वाल़ा असो; अरह् जाँव तोड़ी से दुरका ने हंऐ ज़ाँव, ताँव तोड़ी से रूकियों थंदा।

सिरमौरी नौवाँ नियम

⁷ तैसी दुष्ट आदमी की शौकतीए ऐबै ऐसी दुनिया दा गुप्‍त तरीकै शै काम कौरे लौआ, पौरौ कुणिए औसौ जू तैसी रौकेयौ राखौ। औरौ सै हमैशा तैसी रौकेयौ राखदा जांव तौड़ी सै तैसी बाटौ पौरैशा नी हटाए दैंव।

2 थिस्सलुनीकियों 2:7 ပူးပေါင်းရင်းမြစ်များ

प्रेरितो कै काम 20:29

हाँव जाँणू ऐ, के मेरे ज़ाँणो पाछ़ी; खूँखार-खाऊँरे ऐजे भेंड़िऐ, तुओं लोगों के भीच दे घूस्रियों आले; अरह् तुवाँरे ऐसी झुँण्ड गाशी किऐ भे ऐ दया-रंऐम ने कर्दे;

2 थिस्सलुनीकियों 2:6

तुँऐं तियों चीज जाँणों, जिऐ तिनू हेभी तोड़ी रूकी थुऐ, जू से आप्णे ही बख्ते पर्गट हों।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

1 यूहन्ना 2:18

प्रभू दे पय्दा हुऐ नुऐं प्यारे नहाँन्ड़िया, ऐजा आखरी बख्त असो; अरह् जैष्णों तुँऐं शुणी थो, के मसीया का बिरोधी पर्गट हंणो वाल़ा असो; तिन्दे के मुताबिक ऐजो जाँणी पाव के ऐबे आखरी बख्त असो।

1 यूहन्ना 4:3

तैस्णी ही जुण्जी आत्त्मा, मसीया प्रभू यीशू ने माँन्दी, सेजी आत्त्मा पंण्मिश्वर की आत्त्मा ने आथी; सेजी आत्त्मा मसीया के बिरोधी बईरी की आत्त्मा असो, अरह् जिन्दें के चर्चा तुँऐ शुणी थऐ, के प्रभू आँणों वाल़े असो, अरह् ऐभी भी संईसारी दे ही असो।

प्रकाशितवाक्य 17:5

तियाँरे माँथे गाशी ऐजो नाव लिखी थो थियों: “भेद्; बड़ा बेबीलोन धर्ती की बैष्याँवों अरह् शंगाऊँणी चींजो के माँता, अरह् शंगाऊणीं चीजों के जननी थी।”

प्रकाशितवाक्य 17:7

तबे स्वर्गदूत्ते मुँखे बुलो, “तेरे तोरबाँण कैई च़ूटे? हाँव ईयो तिरंई अरह् तेथू बुँणेंर को, जिन्दे गाशी ऐ अशवार असो, अरह् जेथ्के सात्त मुँढों अरह् दष शींगो असो, ताँव कैई तिन्दें का भेद् बुलू।