2 थिस्सलुनीकियों 2:5 - Sirmouri

⁵ कियों तुवाँरे चिते आथी ने, के जबे हाँव तुवाँरे कागी थिया, तअ तुँओं कैई ऐजी बातो बुलिया करू थिया?

सिरमौरी नौवाँ नियम

⁵ बिसरेया नी कै हांव तुऔं खै ऐजी बातौ बौतौऊं थिया, जोबै हांव तोंवारै साथै थिया।

2 थिस्सलुनीकियों 2:5 ပူးပေါင်းရင်းမြစ်များ

मत्ती 16:9

कियो तुँऐं हेभी तोड़ी भे सम्झी ने रंई? कियो तुवाँरे सेजे पाँच हजार लोगों खे पाँच रोटी चींत्ते आथी ने, अरह् ना ऐजो के तुँऐं केतोड़ी शैक्ड़ी बंचे अंदे टुक्ड़े की थागी।

मरकुस 8:18

आँ:खी हंदे भे तुँऐं दे:ख्दे ने अरह् काँन हंदे भे तुँऐं शुण्दे ने, कियों तुवाँरे किऐं ने चींत्ते आथी?

यूहन्ना 16:4

परह् मुँऐं ऐजी संच्चाऐ तुँओं कैई ईन्देंखे बुली, के जबे ऐजो सब हंदो लागलो; तअ तुवाँरे ऐजो चींत्ते आँव, के ईन्देके बारे दो मुँऐ तुओं कैई आगे ही बुली थो थियों; “मुँऐ ऐजो तुओं कैई शुरूवात्त दो ईन्देंखे ने बुली थोंह्, के तेसी बंख्त्ते हाँव आपु तुवाँरी गंईलो थिया।

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

गलातियौं 5:21

जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 3:4

किन्देंखे के आगे ही, जबे आँमें तुवाँरे कागी थिऐ, तअ तुँओं खे बुलिया करह् थिऐ, के आँमों दु:ख्ह सहंणा पड़दा, अरह् तेष्णों ही हुओ, जेष्णों के तुँऐं भे जाँणों ऐ।

2 थिस्सलुनीकियों 2:6

तुँऐं तियों चीज जाँणों, जिऐ तिनू हेभी तोड़ी रूकी थुऐ, जू से आप्णे ही बख्ते पर्गट हों।

2 थिस्सलुनीकियों 3:10

किन्देंखे के जबे आँमें तुवाँरे कागी थिऐ, तबे भे ऐजी अज्ञाँ तुँओं खे दियों थिऐ, के जे कुँऐं किऐ काँम-काज़ ने कर्णां चहाँव तअ से खाँणों खे भी ने खाँव।

2 पतरस 1:15

ईन्देंखे हाँव ऐशा जत्तन करूबा, के मेरे ज़ाँणों पाछी, तुँऐं ईनू बादी बातो संदा चित्ते करी सको।