2 थिस्सलुनीकियों 2:2 - Sirmouri

² के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

सिरमौरी नौवाँ नियम

² जै तुऐं शुणौए कै प्रभु यीशु कै औटेयौ पाछु आणौ कु दूस आगै शै ही आए गौ तौ आपणै विचारो दै काल़ैयौ घबराए नी जाया। जै कुणिए ऐजी हौणौवाल़ी बातौ कै रुप दै या शिक्षा या ऐशणै चिट्ठी जू मानौ कै अमारी तरफ शै तिनु भैटी रोए, तौ तिनका बिशवाश ना कौरेया।

2 थिस्सलुनीकियों 2:2 ပူးပေါင်းရင်းမြစ်များ

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मरकुस 13:7

जबे तुँऐं लड़ाई-झगड़े की बातो शुणों, तअ डरे-घबराऐं ने, किन्देंखे के ऐजो हंदो ही हंदो ऐ; परह् तंदीं ईयों संईसारी का खात्त्मा ने हंदी।

लूका 21:19

आप्णी शाँण्त्ति-सबेर लई तुँऐं आप्णे पराँण बचाऐं पाँदे।

लूका 21:9

जबे तुँऐं लड़ाई-झोगड़े के चर्चा शुँणों, तअ बै-चंऐन हऐयों डरे ने; किन्देंखे के ऐष्णों हंणों आगे जरूरी असो; परह् तैसी बख्त्तै अंन्त्त ने हंदी।”

यूहन्ना 14:1

“तुँऐ आप्णाँ मंन ब्याकुल ने हंणों दियों, जे तुऐ पंण्मिश्वर गाशी बिश्वाष करह्; तअ मुँह गाशी भे बिश्वाष करह्।

यूहन्ना 14:27

तुओं खे हाँव शाँण्त्ति देऐ देंऊँ, मंतल्व आप्णी शाँण्त्ति हाँव तुओं खे छूड़ी देऊँ; तेष्णीं ने जेष्णी संईसारी दियों, तुऐं आप्णें मंन ब्याकुल अरह् डरोह् दे ने रंहणों दिऐ।

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

1 कुरिन्थियों 14:32

अरह् ऋषियों की आत्त्मा ऋषियों के बष दी असो।

1 कुरिन्थियों 7:26

तअ मेरी सम्झ दो ऐजो आछो असो, के अचकालिऐं के दु:ख-कल़ेष के जाँणें आदमी जेष्णाँ असो ऐ, से तेष्णा ही रूआ चैई।

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

1 थिस्सलुनीकियों 3:3

के कुँऐं ईनू कल़ेषो के जाँणें डगमंगाई ने ज़ाँव; किन्देंखे के तुँऐं आपु भे जाँणोऐं के आँमों ईन्दी की ताँईऐ थऐ थुऐ।

1 थिस्सलुनीकियों 4:15

किन्देंखे के आँमें प्रभू के बचन के जाँणें तुँओं खे ऐजो बुलो, के आँमें जू जीऊँदे असो, अरह् प्रभू के आँणों तोड़ी बचे अंदे रऊँबे, आँमें तिनू मंरे अंदे शे आगे ने बड़्दी।

1 थिस्सलुनीकियों 5:2

किन्देंखे के तुँऐं आपु भे ठीक जाँणों, के जेष्णाँ रात्ती चोर आँव, तेष्णा ही प्रभू को देस भे आँणों वाल़ो असो।

2 थिस्सलुनीकियों 2:15

ईन्देंखे हे भाऐ-बंईणों, पाके रंह्; अरह् जू-जू बातो तुँऐं भाव बचन शी के पत्री शी आँमों कैई शिखी थई, तिनू पाकड़ी अंदी थुऐ।

2 थिस्सलुनीकियों 3:17

हाँव, पौलुस, आप्णे हाथे तुँओं खे नमंष्कार लिखू। बादी पत्री दी मेरी ऐजी ही पछयाँण असो; हाँव ऐष्णों ही लिखू।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।