2 थिस्सलुनीकियों 2:17 - Sirmouri

¹⁷ तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।

सिरमौरी नौवाँ नियम

¹⁷ हांव ऐजै बै प्रार्थना कौरु कै सै तुऔं हौंसला दैंव औरौ मोजबूत कौरौ ताकि तुऐं सैजौ सौबै जू आछौ औसौ तिथु कौरणौ औरौ बौताणौ जारी राखौ औरौ तुऔं सौबै आछै काम, औरौ वचन दै मोजबूत कौरौ।

2 थिस्सलुनीकियों 2:17 ပူးပေါင်းရင်းမြစ်များ

रोमियों 1:11

किन्देंखे के मेरे तुँओं आरी भेटिणों की बेजाऐ हिछ़्या असो, के हाँव तुँओं खे किऐ आत्त्मिक बर्दांण देऊँ; जिन्दें लई तुँऐं बिश्वाष दे अट्ल़ पाके हऐ ज़ाँव;

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

2 कुरिन्थियों 1:21

अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो,

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

1 थिस्सलुनीकियों 3:2

अरह् आँमें तीमुथियुस, जू मसीया की खुषख्बरी दा अमाँरा भाऐ अरह् पंण्मिश्वर का दास असो; तेसी ईन्देंखे डेयाल़ा के से तुँओं पाक्के करह्, अरह् तुवाँरे बिश्वाष के बारे दे तुँओं सम्झाँव।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,