2 थिस्सलुनीकियों 2:13 - Sirmouri

¹³ हे भाऐ-बंईणों, अरह् प्रभू के प्यारे लोगो, ऐशो हुओ चेंई के आँमें तुवाँरे बारे दे सदा पंण्मिश्वर का धन्यबाद कर्दे रंह्, किन्देंखे के पंण्मिश्वर ऐ शुरू शे ही तुँओं च़ूणीं-छाँटी थुऐ; के पबित्र-आत्त्मा के जाँणें पबित्र बंणियों, अरह् सच्चाई का बिश्वाष करियों मुँक्त्ति पाँव,

सिरमौरी नौवाँ नियम

¹³ ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

2 थिस्सलुनीकियों 2:13 ပူးပေါင်းရင်းမြစ်များ

लूका 1:75

तिन के साम्णें पबित्रत्ता अरह् धार्मिक्त्ता शे जीवन भर निडर रंऐयों तिनकी सेवा कर्दे रंह्।

यूहन्ना 1:1

आदि दा बचन थिया, बचन पंण्मिश्वर की गईलो थिया; अरह् बचन ही पंण्मिश्वर थिया।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

प्रेरितो कै काम 13:48

ऐजो शुँणियों गऐर-यहूदी लोग आनन्दित्त-खुशी हुऐ, अरह् प्रभू के बचन की बड़ियाऐं कर्दें लागे; अरह् जैतोड़े लोग अमर-जीवन जीऊँणों खे बंणाँऐ गुऐ थिऐ, तिन्ऐं बिश्वाष करा।

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

रोमियों 6:17

परह् पंणमिश्वर का धन्यबाद हों, के तुँऐं जू पाप के दास थिऐ, तबे भे ऐबे मंन शे तियों शिक्क्षा के माँन्णों वाल़े हऐ गुऐ, जुण्जी सही शिक्क्षा-मंत्त-शीख दे तुँओं चलाऐ गुऐ;

रोमियों 8:33

पंणमिश्वर के चूंणे-छाँटे आँदें गाशी दोष-ईल़जाम कुँण लाऐ सको? पंणमिश्वर ही असो, जू तिनू आप्णी नंजरी दे बै-कसूर बाँणों।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

1 थिस्सलुनीकियों 1:4

हे भाऐ-बंईणों, पंण्मिश्वर के प्यारे लोगो, आँमें जाँणो, ऐ के तुँऐं चूणें-छाँटे अंदे लोग असो।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

1 थिस्सलुनीकियों 4:7

किन्देंखे के पंण्मिश्वर आँमों बिचकै हणों खे ने, परह् पबित्र हंणों खे बय्दी थुऐ।

1 थिस्सलुनीकियों 5:9

किन्देंखे के पंण्मिश्वर आँमों सजा देणों खे ने, परह् अमाँरे प्रभू यीशू के जाँणें मुँक्त्ति पाँणों खे बंणाऐं थुऐ।

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

2 थिस्सलुनीकियों 2:10

अरह् नाँष हंणों वाल़े खे अधर्म के साँत-भाँते, छल़-कप्ट आरी हंदा; किन्देंखे के तिन्ऐ संच्चाई शो प्यार ने करी, जिन्दें लंई तिन खे छुट्कारा भेंट्दा।

2 थिस्सलुनीकियों 2:12

जै-तोड़े लोग सच्चाई का बिश्वाष ने कर्दे, परह् से अनियाँई शे खुशी हों, से बादे सजा पाँदे।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:15

संच्चाई के बचन ठीक-ढ़ंग शे बखाँण करियों, पंण्मिश्वर के ऐशे धारण कर्णो ज़ूगै सेवक बंण्णों के कोशिष करह्; के तिनकी सहाँम्णें शोर्मिन्दो ने हंणों पड़ो।

2 तीमुथियुस 3:15

अरह् ऐजों भे के नहाँन्ड़े शुबे तुँऐं पबित्र-ग्रन्थों दो लिखों अंदो भे जाँणों ऐं, के जुण्जा तुओं खे ऐजी बुद्धी देऐ सको, जिन्दें लंई मसीया यीशू गाशी बिश्वाष के कारण तुओं छ़ुट्कारा भेंटो।

इब्रानियों 1:10

अरह्, “हे प्रभू, तुऐं शुरू दे धर्ती के नींव-पंह् थंऐ, अरह् अकाषमंण्डल़ तुवाँरे ही हाथौ की कारीगरी असो।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।