2 थिस्सलुनीकियों 2:1 - Sirmouri

¹ हे भाऐ-बंईणों, ऐबे आँमें आप्णे प्रभू यीशू मसीया के आणों गाशी, अरह् तिन कैई कठै हणों के बारे दी तुँओं खे ढाल-अरज करह्,

सिरमौरी नौवाँ नियम

¹ ओए रै बिशवाशी भाईयों, अमारै आपणै प्रभु यीशु मसीह कै पाछु आणौ कै बारै मुंजी औरौ तैसी सौमय कै बारै मुंजी किछै बौताणौए, जोबै आमै प्रभु आरी ऐकी साथै भैटिंदै।

2 थिस्सलुनीकियों 2:1 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

मत्ती 25:32

अरह् बादी गऐर यहूदी के लोग तेस्के साम्णें कठे करे ज़ाले; अरह् जेष्णी भैड़ो वाल़े, भैड़ो बाकरी आरी शी ज़ई करह्, तेष्णेंं ही से भे तिनू ओका ओकी शे ज़ई करला।

मरकुस 13:27

तेसी बख्तो से आप्णे स्वर्गदूत्त स्वर्गो भेज्यों धर्ती के ऐकी धुरी शे ओकी धुरी तोड़ी, चौऊँ धुरी शे आप्णे च़ूणें-छाँटे अंदे लोग कठै कर्लें।

रोमियों 12:1

ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

1 थिस्सलुनीकियों 2:19

तुँऐं बुलो, अमाँरा भूर्षा के खुशी के बड़ियाऐ को मुँकुट का असो? कियों अमाँरे प्रभू यीशू के सहाँम्णें तिन के आँणों के बंख्त्ते तुऐ हंदी ने?

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

2 तीमुथियुस 4:1

पंण्मिश्वर अरह् मसीया यीशू हाजीर जाँणियों, जुण्जे जीऊँदे अरह् मँरे अँदे का नियाँव कर्ले; अरह् तिनके हजो पर्गट् हंणों गाशी तिनको राज नंजीक असो, ऐजो जाणियों हाँव ताँव खे ऐजी ऐक खास अज्ञाँ देंऊँ।