2 थिस्सलुनीकियों 1:9 - Sirmouri

⁹ से प्रभू के सहाँम्णें अरह् तिनकी शक्त्ति के तेज शे दुर्कें हऐयों सदा खे नाँष की सजा पाँदे।

सिरमौरी नौवाँ नियम

⁹ सैजै लोग सौदा कारिए प्रभु शै जौई हौए जांदै औरौ तैसकै महिमामय शौकतै दै शामिल ना हौंदै। औरौ जू लोग तैसकै शौकतै कै तैज शै दूर हौए रौवै सै तिनु लोगौ खै सौदा कै विनाश कै दवारा सौजा दैंदा।

2 थिस्सलुनीकियों 1:9 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 22:13

तबे राजा ऐ आप्णें दास-बैठू खे बुलो, ‘ऐस्के हाथ लात्त बाँनियों ऐसी बाऐर ईनाँरे दा पाऐ दियों, तेथै रूणा-धुणा अरह् दाँद चाकणें पड़ले।’

मत्ती 24:30

“तबे आदमी के बैटे के चींन-नीशाँणी अस्माँनों दी दे:खाई पड़ली, अरह् तबे धर्ती के सब कुल़ों के लोग छ़ाँतीं-हिकुड़े पिटले; अरह् आदमी का बैटा बड़ी शक्त्ति अरह् ठाट-बाट आरी अस्माँनों के बाद्ल़ो गाशी आँदे देख्ले।

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

मत्ती 26:24

आदमी का बैटा तअ जेष्णों तेस्के बारे दो पबित्र-ग्रन्थों दो लिखी थो, तेस्खे तेष्णों ही होंदो; परह् तेसी आदमी खे श्राँप-फीटकारा असो! जेस्के कारण आदमी का बैटा थंम्बड़ाया ज़ाला: जे सेजा आदमी पय्दा ही ने हंदा तअ तेस्खे सेजो आछो होंदो थियों।”

मत्ती 7:23

तबे हाँव तिनखे खुलियो बुली देऊँबा, ‘मुँऐं तुँओं कद्दी ने जाणी। ओ, कुकर्म कर्णो वाल़े, मुँह कैई शे निक्ल़ी ज़ाव।’

लूका 13:27

परह् से तुओं खे ऐजो बुल़्ले, के ‘हाँव ने जाँण्दा के तुँऐं केथै शे आऐ रूऐ, ओं, कू-कर्णी कर्णो वाल़े! तुँऐं बादे मुँह कैई शे दुर्के ज़ाव।’

यूहन्ना 5:14

अरह् किऐ बख्ह्त्त बित्त्णों गाशी, प्रभू यीशू ऐ तेसी आदमी देऊँठी दा देंखियों तेस्खे बुलो, “देख्ह तू चाँग्गा हऐ गुवा; ऐबे हजो पाप ने करे; जू कोद्दी ऐशो ने हऐयों के ताँव गाशी ईन्दें शी भे जादा अब्ल़ी ने बईठो।”

फिलिप्पियों 3:19

तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव।

1 थिस्सलुनीकियों 5:3

जबे लोग बुल़्ले, के “आछो असो, अरह् किऐ डोर ने आथी,” तअ तिनू् गाशी ऐकदंम अब्ल़ी बईशली, जैष्णी के पेट्भारी के ऐकदंम सुणो को चाईत लागो; अरह् तैयाँरे केशी ही दाँई भे चऐन ने पढ़दी।

2 थिस्सलुनीकियों 2:8

तबे सेजा पापी आप्णी बादी शक्त्ति शा पर्गट हंदा, जेथू प्रभू यीशू आप्णें मुँह शी फ़ूको माँरियों माँरी देंदे; अरह् आप्णें आँणों के त्तेज शा भंस्म करी देंदे।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

इब्रानियों 10:29

तअ तबे ऐजो सुचों, के सेजे ईन्दें शे भे जादा बड़ी सजा ज़ूगै बंणीं गुऐ; जिन्ऐ पंण्मिश्वर का बैटा आप्णें लातो थाँई घीजणों खे पाया, अरह् वाचा को सेजो लह्ऊँ, जिन्दे के कारण से पबित्र बंणाँया गुवा; तेने सेजो लंह्ऊँ अपबित्र ज़ाँणों, अरह् कृपा की आत्त्मा के बैस्त्ती करी।

2 पतरस 2:17

सैजे झूठै प्रचारक लोग शुके नाँल़ै असो, अरह् ऐशे बीना पाँणी के बाद्ल़ो असो, जिनू ढोंढ ऊड़ाऐयों नीयों; तिनकी ताँईऐं घूप ईनाँरो बंणाऐं थुवा।

2 पतरस 3:7

परह् ऐजो अस्माँन अरह् धर्ती तेसी ही बचन के जाँणें ईन्देंखे थऐ थुऐ, के जल़ाऐ ज़ाव; अरह् तिनू नाँस्त्तिक आदमी का नियाँव अरह् नाँष हंणों के देसो तोड़ी ऐशे ही थुऐ ज़ाले।

यहूदा 1:13

ऐ संमुन्द्रो के प्रचंन्ड फालो जैष्णी हों, जू आप्णी लाजो-शर्मी की शैफो बंणाऐयों छुड़ो: ऐ हिल्दे-झुल्दे तारे मंडल़ असो, जिन खे सदा-सदा तोड़ी घोर-घुप्प ईनाँरो पाक्को अट्ल़ असो।

प्रकाशितवाक्य 20:11

ईन्दें पाछ़ी मुँऐ ऐक बड़ो चींट्टो सिंगाँस्ण अरह् तिन्दें गाशी बऐठा अंदा आदमी देंखा, अरह् धर्ती अरह् अस्माँन तेस्के सहाँम्णें छाँई-माँई हंऐ गुओं अरह् तिन्देंका ऐजा पंता ने लागी के से कैथे गुओ।

प्रकाशितवाक्य 20:14

ईन्दें पाछ़ी मंऊँत्त अरह् अंधलोक दुईन्नें आगी की झ़ील दे पाऐ दिते। अरह् सेजी आगी की झ़ील जुण्जी दुज़ी मंऊँत्त असो;

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।