2 थिस्सलुनीकियों 1:8 - Sirmouri

⁸ अरह् जू पंण्मिश्वर ने पछयाँणदे, अरह् अमाँरे प्रभू यीशू की खुषख्बरी ने माँन्दे, तिनूशा से बद्ल़ा लोंदा।

सिरमौरी नौवाँ नियम

⁸ जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

2 थिस्सलुनीकियों 1:8 ပူးပေါင်းရင်းမြစ်များ

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

यूहन्ना 3:19

दोषी-कसूरबार का कारण ऐजा असो, के ज्योति-प्रकाष संईसारी दे आऐ; परह् आदमी ऐं तियों ज्योति-प्रकाष प्यारी ने माँनी; अरह् तिन्ऐं ईनाँरो प्यारो माँनों, किन्देंखे के तिनके काँम-काज़ बुरे थिऐ।

यूहन्ना 8:19

ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

प्रेरितो कै काम 6:7

तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

रोमियों 1:28

जबे तिन्ऐ पंणमिश्वर पछयाँण्णा ने चहाँई, तअ पंणमिश्वर भे तिनू तिन्के निंकाँमें-बुरे मंन गाशी छुड़ी दिते, के से सेजे काँम-काज़ करह्, जुण्जी कर्णी ने पड़ो थी।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 10:16

परह् सभिऐं तियों खुषख्बरी दा काँन ने लाई: ऋषी-यशायाह बुलो, के “हे प्रभू कुँणें अमाँरी खुषख्बरी गाशी बिश्वाष करा?”

रोमियों 15:18

किन्देंखे के तिनू बातो के सुवाऐ मेरे ओकी कोसी बातो के बारे दी बुल्णों के हिम्मत ने आथी, जू मसीया ऐ गऐर यहूदी खे बिश्वाष दें आँण्णों खे मेरे जाँणें जुण्जा बचन, अरह् कर्म,

रोमियों 16:26

परह् ऐबे पर्गट हऐयों ज़ूगौ के पंणमिश्वर की अज्ञाँ शे जू ऋषियों की कताबे के जाँणें सोभी जात्तियों खे बुली गई, के से बिश्वाष शे अज्ञाँ माँनणों वाल़े हऐ ज़ाँव,

रोमियों 6:16

कियों तुँऐं जाँण्दे ने, के जेस्की अज्ञाँ माँन्णों खे तुँऐं आपु-आप्खे दास जिऐं देऐ थुऐ, कियों तुँऐं तिनके ही दास हों: भाव पाप के, जिन्देका अंत्त मंऊँत्त असो, भाँव अज्ञाँ कारीता के, जिन्दें का नंतीजा पंणमिश्वर की नंजरी दा माँन्णों ज़ूगा सही जीवन असो?

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

2 कुरिन्थियों 10:5

ईन्देंखे आँमें बिचारों का अरह् ऐक नाँम बड़ी बातो का, जू पंण्मिश्वर की पह्च्छयाँण खे रूकाव्ट दी खड़ी हों, तिन्दें का बिरूध करह्; अरह् ऐक नाँम भावना कय्द करियों मसीया खे अज्ञाकारी बंणाँऐं दियों,

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 4:8

आगे जबे तुँऐं लोग पंण्मिश्वर ने जाँणों थिऐं, तअ तिनके दास थिऐ; जुण्जे आप्णें स्भाव शे ईश्वर ने आथी।

1 थिस्सलुनीकियों 4:5

अरह् ऐजे काँम लाल़्च शे ने, अरह् ना तिनू गऐर यहूदी जेष्णें जू पंण्मिश्वर ने जाँण्दी,

इब्रानियों 10:27

सिवाऐ नियाँव के डराव्णी बाट जुहणीं, अरह् कुरूध की आग जिन्दे लंई प्रचंन्ड जंल़्ण बाकी असो; जुण्जी पंण्मिश्वर के बिरोधियों का सफाया करी दियों।

इब्रानियों 10:30

किन्देंखे के आँमें तिनू जाँणों ऐं, जिन्ऐं बुलो, के “बद्ल़ा लंणाँ मेरा काँम असो, हाँव ही बद्ल़ा लऊँबा।” अरह् तबे ऐजो भे बुलो, के “प्रभू आप्णें लोगो का नियाँव कर्दे।”

इब्रानियों 11:8

बिश्वाष ही के कारण जबे बाबा-अब्राहम पंण्मिश्वर ऐ बईदा, तअ से आप्णें घरह्बार अरह् कुँड़बा छ़ुड़ियों ओकी देश खे तिनकी अज्ञाँ का पाल़्ण करियों; तेसी देश खे हुटा, जुण्जा देश पंण्मिश्वर तेस्खे हंकदार बाँणियों देणों वाल़े थिऐ; अरह् बाबा-अब्राहम कैई ऐजा पता ही ने थी, के मुँऐ केथै ज़ाँणों; से बस चाल पड़ा।

इब्रानियों 12:29

किन्देंखे के अमाँरा पंण्मिश्वर भसंस्म कर्णो वाल़ी आग जेष्णाँ असो।

इब्रानियों 2:3

तअ आँमें लोग ऐष्णें बड़े छुट्कारे शे बै-फिकरे रंऐयों किऐ-किऐ बंची सको? जिन्दें के चर्चा आगे ही आगे प्रभू के जाँणें हऐ, अरह् शुँण्णों वाल़े के जाँणें अमाँरे तिन्देंका बिश्वाष हुवा।

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 3:6

जैष्णी सारा अब्राहम की अज्ञाँ दे रंह् थी, अरह् तेस्खे स्वामी-मालक बुलो थी। तेष्णीं ही तुँऐं भे, जे भलाऐ करह्, अरह् कोसी भी डर-भऐ दी ना रंह, तअ सारा की बैटी बंण्ली।

1 पतरस 4:17

किन्देंखे के सेजा बख्त आऐ पुज़ा, के आगे पंणमिश्वर के लोगो का नियाँव करा ज़ाँव; अरह् जबे के नियाँव की शुरूवात आँमों शी ही हली, तअ तिनको का होंदो, जू पंणमिश्वर की खुषख्बरी माँन्दें ने?

2 पतरस 3:7

परह् ऐजो अस्माँन अरह् धर्ती तेसी ही बचन के जाँणें ईन्देंखे थऐ थुऐ, के जल़ाऐ ज़ाव; अरह् तिनू नाँस्त्तिक आदमी का नियाँव अरह् नाँष हंणों के देसो तोड़ी ऐशे ही थुऐ ज़ाले।

यहूदा 1:7

जैशे दाँई सदोम अरह् अमोरा अरह् तिनके ऊँडे-पूँडे के नंगर, जुण्जे तिनके जिऐ कू-कर्मी बंणी रूऐ थिऐं, अरह् पराई देह्-शरीर पाछी लागी रूऐ थिऐ, तिनू लोग आगी की सजा दे भस्मं हऐयों ओकी खे अनाँणों बंणें।

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 6:10

तिनू ऋषी की आत्त्मा जुराल़ी लेरो मारियों बुल्दी लागी, “हे बड़े प्रभू! सच्चाई गाशी चाल्णों वाल़े, पबित्र! प्रभू तुँऐं कोबे तोड़ी अमाँरा नियाँव ने कर्दे? अरह् ईयों संईसारी धर्ती दे रंहणों वाल़े, लोगो कैई शा अमाँरे लह्ऊँ का बद्ल़ा कबे लोंदे?”