2 थिस्सलुनीकियों 1:5 - Sirmouri

⁵ ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

सिरमौरी नौवाँ नियम

⁵ औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

2 थिस्सलुनीकियों 1:5 ပူးပေါင်းရင်းမြစ်များ

लूका 20:35

परह् जुण्जे लोग ईन्दें ज़ुगे हों, के से मंरे अंदे मुझ्शे ऊबे जीयों, सेजे मरोद्, तिरंई, जाज्ड़े-बीयाव ने कर्दे।

लूका 21:36

ईन्देंखे हमेशा बीऊँजी रूऐ, अरह् प्रार्थना कर्दे रूऐ; जिन्दें लई तुऐं ईनू सब आँणों वाल़े, कष्ट-कल़ेष शे बंच्णों खे अरह् आदमी के बैटे के सहाँम्णें खह्ड़े रंहणों के तुओं खे शक्त्ति भेंटी सको।”

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

रोमियों 2:5

परह् तू जाँणी-बुझियों आप्णा मंन जीद्दी-कठूर करे, जिन्दे लई, तू पंणमिश्वर के कुरूध् के देसो खे, जिन्दा पंणमिश्वर का साचा नियाँव पर्गट हंदा, तुँऐं आपु खे पाप कमाऐ लुवा।

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

फिलिप्पियों 1:28

अरह् कोसी बात दे बईरी दे ने डरो; तुँवारी ऐजी हिम्मत्त पंण्मिश्वर का बरंदाँण असो; अरह् बईरी के नाँष का नंतीजा असो, अरह् तुँओं खे ऐजा पंण्मिश्वर की ढबै शा मुँक्त्ति का नंतीजा असो।

कुलुस्सियों 1:12

अरह् परंम-पिता पंण्मिश्वर का धन्यबाद कर्दे रह्, तिन्ऐ आँमों ईन्देंखे ज़ुगे बाँणी थुऐ, के चंम्क-तेज दे पबित्र लोगो की गईलो हंकदार के साथी बंणों।

1 थिस्सलुनीकियों 2:14

ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;

2 थिस्सलुनीकियों 1:11

ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

प्रकाशितवाक्य 15:4

“हे प्रभू, कुँण असो: जेस्दी तुँओं खे श्रदा ने हों, कुँण असो, तुँवाँरी बड़ियाऐ ने करह्? सिर्फ तुँऐं ही पबित्र असो, बादी संईसारी की जात्ती आऐयों तुवाँरे नाँव शे आप्णें घून्डु नाऐयों प्रणाँम कर्ले; किन्देंखे के तुवाँरे नियाँव के काँम-काज़ पर्गट हऐ रंई।”

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 19:2

किन्देंखे के ठीक अरह् धर्मी असो। तिनके फंऐस्ले, किन्देंखे के सजा देऐ थंऐ, तिन्ऐं बड़ी बैष्या खे, जिऐं आप्णें कू-कर्म बिच़्के-काम शी बादी संईसारी धर्ती भ्रष्ट कर्दी रंऐ, अरह् तिन्ऐं तिनशो आप्णें दासों को लह्ऊँ का बद्ल़ा लुवा।”

प्रकाशितवाक्य 3:4

परह् होर, सरदीस नंगर दे तेरे जागे दे किऐ ऐष्णें लोग असो, जिन्ऐं आप्णे-आप्णे खोट्णों अशुद्ध गाँन्दे ने करी थई, अरह् से चीट्टे खोट्णों बाँम्बियों मेरी गईलो रिट्ले-फिरले, किन्देंखे के से ईन्देंखे ज़ुगे असो ऐ।