2 थिस्सलुनीकियों 1:3 - Sirmouri

³ हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

सिरमौरी नौवाँ नियम

³ ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 थिस्सलुनीकियों 1:3 ပူးပေါင်းရင်းမြစ်များ

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

लूका 17:5

तबे खास-चैले ऐं प्रभू यीशू खे बुलो, के “अमाँरा बिश्वाष बढ़ाओं।”

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

1 कुरिन्थियों 1:4

हाँव तुवाँरे बारे दा आप्णे पंणमिश्वर का धन्यबाद सदा करदा रंह्ऊँ, ईन्देंखे के पंणमिश्वर के ऐजी कृपा तुँओं गाशी प्रभू यीशू मसीया के जाँणें हऐ

2 कुरिन्थियों 10:15

आँमों सीमा-हद् शे बाऐर ओकी की मेहनन्त गाशी तारीफ ने कर्दे; परह् आँमु भूर्षा असो, के जैष्णाँ-जैष्णाँ तुवाँरा बिश्वाष बड़्दा ज़ाला तैष्णे-तैष्णें आँमें आप्णी सीमा-हद् के मुताबिक तुवाँरे कारण हजो भे बढ़्दे ज़ाऊँबे,

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

1 थिस्सलुनीकियों 3:12

अरह् प्रभू ऐशो करह् के जेष्णों आँमें तुँओं शो प्यार करह्, तेष्णों ही तुवाँरो प्यार भे आपु मुँझी बादे आदमी की गईलो बड़ो च़ेंई, अरह् बड़दो रूओ च़ेंई।

1 थिस्सलुनीकियों 3:6

परह् हेबी तीमुथियुस ऐ, जू तुँओं कैई शा ईथै आऐ रूआ, ऐने तुवाँरे बिश्वाष अरह् प्यार का समाँचार शुँणाँया, अरह् ऐजी बात भे शुँणाई के तुँऐं बादे प्यार शे आँमों चित्ते करह्; अरह् आँमों देखणों की हिछ़या करह्, जेष्णी आँमें भे तुँओं देखणों के हिछा करह्।

1 थिस्सलुनीकियों 3:9

अरह् जेष्णी खुशी आँमों तुवाँरें जाँणें आप्णे पंण्मिश्वर के सहाँम्णें असो, तिन्दे के बद्ल़े केशा दाँई आँमें तुवाँरें बारे दा पंण्मिश्वर का धन्यबाद करह्?

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

2 थिस्सलुनीकियों 2:1

हे भाऐ-बंईणों, ऐबे आँमें आप्णे प्रभू यीशू मसीया के आणों गाशी, अरह् तिन कैई कठै हणों के बारे दी तुँओं खे ढाल-अरज करह्,

2 थिस्सलुनीकियों 2:13

हे भाऐ-बंईणों, अरह् प्रभू के प्यारे लोगो, ऐशो हुओ चेंई के आँमें तुवाँरे बारे दे सदा पंण्मिश्वर का धन्यबाद कर्दे रंह्, किन्देंखे के पंण्मिश्वर ऐ शुरू शे ही तुँओं च़ूणीं-छाँटी थुऐ; के पबित्र-आत्त्मा के जाँणें पबित्र बंणियों, अरह् सच्चाई का बिश्वाष करियों मुँक्त्ति पाँव,

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

2 पतरस 1:13

हाँव आपु खे ऐजो ठीक जाँणू, के जबे तोड़ी हाँव ऐसी देह्-शरीर रूपी डेरे दा असो, ताँव-तोड़ी तुँओं कैई शो चींत्ते कराऐ कराऐयों होंस्ला देंदा रंऊँ।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।