2 थिस्सलुनीकियों 1:11 - Sirmouri

¹¹ ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

सिरमौरी नौवाँ नियम

¹¹ आमै लगातार तुऔं कारिए प्रार्थना बै कौरु, ताकि पौरमेशवर तुऔं तैसी जीवन कै लायक बाणै दैंव जिथु जिणौ कारिए तैणै तुऔं बौएदै राए। औरौ पौरमेशवर तुऔं खै सौबै भोलाए कै काम कौरणौ कै इछा औरौ बिशवाश शै सौबी कामौ खै आपणै अनौखी शौकतै शै पूरु कौरौ।

2 थिस्सलुनीकियों 1:11 ပူးပေါင်းရင်းမြစ်များ

मरकुस 4:28

जीमी दो बींज़ आपु आप्णे आप जाँमों, आगे तुणे फाटो, तबे बाली बदो, अरह् तबे तिन्दे दाँणे लागो।

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

रोमियों 1:9

पंणमिश्वर जिनकी सेवा हाँव आप्णें पुरे दिल शी तिनके बैटे की खुषख्बरी के बारे दी करू, से मेरे गुवाह्-शाज़्त असो, के हाँव तुँओं केष्णें हमेशा चिंतोंदा रंहू।

रोमियों 11:29

किन्देंखे के पंणमिश्वर का बर्दांण अरह् बईदे अंदें अट्ल़ असो।

रोमियों 15:14

हे मेरे भाऐ बंईणों, हाँव आपु भे तुवाँरे बारे दो, पाक्को जाँणू, के तुँऐं आपु भी भलाई शे भरे अरह् ईश्वरिऐ ज्ञाँन शे भरे-पुरे असो, अरह् ओका ओकी खे शिक्क्षा देऐं सको।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

इफिसियों 1:16

हाँव तुँओं लोगो के कारण पंण्मिश्वर का हमेशा धन्यबाद करदा, अरह् आप्णीं प्रार्थनाओं दा तुओं लोग च़ीतोंदा रंऊँ।

इफिसियों 1:5

तिन्ऐं प्यार के जाँणें आप्णी आच्छ़ी हिछ़या के मुँताबिक शुरू दो ही ढाणी थुओं थियों, के आँमों यीशू मसीया के जाँणें तिनके गोद लुऐ बैटे बंण्दे;

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

फिलिप्पियों 1:6

मुँह ईयों बातो का भूर्षा असो, के जिन्ऐं तुँओं कैई शे आच्छ़े काँम-काज़ कराँणें शुरू कराऐ थिऐ, सेही तिनू यीशू मसीया के आँणों के देसो तोड़ी पुरो करला।

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

फिलिप्पियों 3:14

अरह् नीशाँणें के ढबे दोऊँड़दा ज़ाँऊ, जू सेजा ईनाँम पाऊँ, जिन्दे की ताँईऐं पंण्मिश्वर मुँह मसीया यीशू दा ऊँबा बय्दी थुवा।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

प्रकाशितवाक्य 3:4

परह् होर, सरदीस नंगर दे तेरे जागे दे किऐ ऐष्णें लोग असो, जिन्ऐं आप्णे-आप्णे खोट्णों अशुद्ध गाँन्दे ने करी थई, अरह् से चीट्टे खोट्णों बाँम्बियों मेरी गईलो रिट्ले-फिरले, किन्देंखे के से ईन्देंखे ज़ुगे असो ऐ।

प्रकाशितवाक्य 5:10

अरह् तिनू अमाँरें पंण्मिश्वर की सेवा खे: ऐक राज्य अरह् याजक बंणाऐं; अरह् से संईसारी धर्ती गाशी राज कर्ले।”