2 पतरस 2:2 - Sirmouri

² भहीते लोग तिनकी जैष्णी चाप्लुसी कर्ले, जिनके जाँणें सच्चाई के बाटो की नींदिया करी ज़ाली।

सिरमौरी नौवाँ नियम

² पौरमेशवर कै बौहितै लोग इनु शिक्षको कै बुरै कामौ कै नकल कौरदै, औरौ जू किछै बै सै कौरौए तिथकै बौजैह शै लोग सौचाई कै बाटौ कै बारै मुंजी बुरी-बुरी बातौ कौरदै।

2 पतरस 2:2 ပူးပေါင်းရင်းမြစ်များ

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मत्ती 7:14

परह् साँगड़ो असो सेजो दुवार, अरह् कठीण असो सेजी बाट, जुण्जी अमर जीवन दियों; अरह् ठीके ही लोग असो, सेजे जुण्जे कठीण बाटो दे चालो।

मरकुस 12:14

तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

मरकुस 13:22

किन्देंखे के झूठे-मंसीही अरह् झूठे बरंम्बाणीं कर्णो वाल़े ऋषी पय्दा हंदे, जुण्जे असरदार चींन-नीशाँणी दे:खाले, अरह् नोंखे काँम-काज़ कर्ले, अरह् से चैले जुण्जे चूणें-छाँटे अंदे असो, तिनू भे भरमाऐयों भट्काऐ देले।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 16:17

से संत्त-पौलुस अरह् आँमों पाछी आऐयों लेल्याँदी लागी, के “ऐजे आदमी परम-पिता पंण्मिश्वर के दास असो; जुण्जे आँमों कैई शी छुट्कारे की बातो के कंथा शुँणाँव।”

प्रेरितो कै काम 18:26

से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

प्रेरितो कै काम 19:9

परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 22:4

मुँऐ मरोद् अरह् तिरंई दुईन्नें बाँनी-बानियों, अरह् कय्दी दे पाँऐ-पाँऐयों, तेसी मंत्त-शीख्ह के लोग ऐते ज़ुगे सताऐ, अरह् तिनू मंराऐ भे दिते।

प्रेरितो कै काम 24:14

“हाँव तुवाँरे सहाँम्णें ऐतोड़ो जरूर कंबूल करूबा, के जिन्देंखे ऐजो लोग कुँ-बाट बुलो; हाँव तियों सू-बाट के मुँताबिक आप्णें पुराँणिऐं के पंण्मिश्वर की आरार्धना करू, किन्देंखे के जुण्जो किऐ, ऋषी-मूसा खे भेटे गुऐ अज्ञा-निय्म दो; अरह् ऋषियों की पबित्र-ग्रन्थों दो लिखी थुओं: हाँव तिदा सोभी दा बिश्वाष करू।

रोमियों 2:24

“किन्देंखे के तुवाँरे जाँणें गऐर यहूदी मुँझी पंणमिश्वर के नाँव के निदया करी ज़ाँव” जेष्णों पबित्र-ग्रन्थों दो लिखी थो।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

तीतुस 2:5

अरह् से झ़ूक्की-शियाँगी अंदी ने हों, से पत्ति-बरत्ता, अरह् आप्णे घरह् की आच्छ़ी काँम-काज़ कर्णो वाल़ी, भली, अरह् आप्णे-आप्णे घरवाल़े के बंष दी रंहणों वाल़ी हों, जू पंण्मिश्वर के बचन की नीदया ने हों।

तीतुस 2:8

अरह् ऐशी अछाई हऐं चेंई, के कुँऐं तिन्देखे बुरो ने बुली सको, जिन्दे लई बिरूध कर्णो वाल़े आँमों दी बंदी लाँणों का मुका ने भेंट्णों गाशी सरमाँऐ ज़ाँव।

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

2 पतरस 2:12

परह् सेजे लोग बै-अक्ले बुणेंरो जैष्णें असो, जू शिकार ज़ूगै, अरह् खाँणों काट्णों खे पय्दा हों, से तेष्णीं ही बातो की नीदया करह् जुण्जी से सम्झोंदे ने। से बुणेंरो के जिऐं नाँष हों।

2 पतरस 2:15

से आच्छ़ी बाट् छुड़ियों भट्की ज़ाव; बओर के बैटे बिलाम की बाटो दे चाल पड़े; बिलाम, जैसके पाप की कमाई के द्दियाड़ी पियारी लागो;

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

2 पतरस 2:21

आछो तअ ऐजो थियों, के तिन कैई धार्मिक्त्ता की बाट का पता ही ने हंदा; ईन्देंखे शो आछो ऐजो थियों के से जाँणियों पबित्र-अज्ञाँ जुण्जी तिन कैई देऐ थऐ थी, तिन्दे शो से आप्णों मुँह ने मुढ़्दे;

2 पतरस 2:7

किन्देंखे के धर्मी लूत खे जू पापियों की चाल-चल्ण शा बैजाऐ दु:खी रंह् थिया, तैस्खे छ़ूट्कारा दिता।

यहूदा 1:10

ऐजे लोग जुण्जी बातों जाँण्दे ने, तिनू बातो के नीदिया करह्, अरह् ऐजे लोग बै-सम्झ बुणेंरो जैष्णें असो, अरह् तिन्दी के जाँणें ऐ नाँष हों।

यहूदा 1:15

के सोभी लोगो का नियाँव करह्, अरह् सोभी नाँस्तिकों खे दुष्टों के बादे कामों के बारे दा जुण्जे तिन्ऐं पाप की बुराई शे कुठूर्ता की बातो पापी बंणिंयों तिनके बारे दी करी थी, तिनू दुषी कसूरबार बंणाँऐं।”

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।

यहूदा 1:7

जैशे दाँई सदोम अरह् अमोरा अरह् तिनके ऊँडे-पूँडे के नंगर, जुण्जे तिनके जिऐ कू-कर्मी बंणी रूऐ थिऐं, अरह् पराई देह्-शरीर पाछी लागी रूऐ थिऐ, तिनू लोग आगी की सजा दे भस्मं हऐयों ओकी खे अनाँणों बंणें।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।