2 पतरस 2:19 - Sirmouri

¹⁹ से तिन्खे अजादी का लाल़्च दियों, जबे के से आपु भे बुराई के दास असो, किन्देंखे के जू जैस्के बष दा असो, से तेसी ही का दास असो;

सिरमौरी नौवाँ नियम

¹⁹ झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

2 पतरस 2:19 ပူးပေါင်းရင်းမြစ်များ

यूहन्ना 8:34

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू: के जुण्जा कुँऐ आदमी पाप करदा ही रंह्, से पाप का दास गुलाँम हों।

प्रेरितो कै काम 19:16

तबे सेजा आदमी जेस्दी दुष्ट-आत्त्मा थी, से तिनदा फरियाऐया; अरह् तिनू आप्णे लपेटे दे करियों तिनके खट्णों ऊपाड़ियों नाँगै-धड़ाँगै अरह् तिनू घाऐल करी दित्ते; तबे से आप्णी जीयाँन बंचाऐयों तेथै तेसी घरह् शे भागी लागे।

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

2 तीमुथियुस 2:26

अरह् से संक्न्नै-च़ौक्क्ष हऐयों शैतान के तेसी फ़ाँदे-ज़ाल़ शे छ़ुटी ज़ाँव; जेसी जाँल़-फ़ाँदें दे शैतान ऐं आप्णी हिछ़या पुरी कर्णो खे तिनू जक्ड़ी थुऐं।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

1 पतरस 2:16

आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

2 पतरस 2:20

जुण्जा आदमी अमाँरे प्रभू मतल्व बंचाँणों वाल़े प्रभू यीशू मसीया पछयाँणियों, अरह् संईसारी के खोट् शे बंचियों निक्ल़ी ज़ाव, से हजो तिन्दे ही फशियों संईसारी के शैतान आरी ज़ाव, तअ तिनकी बुरी दशा तेसी आगली दशा शी भे जादा बुरी हों।