2 पतरस 2:14 - Sirmouri

¹⁴ तिनकी आ:खी दे चोरी-जारी ही बसी अंदी हों, से चंचल मंन वाल़े लोग ही बकाँव, से लाल़्च कर्णो के आदी हऐ रूऐ, से पाप कर्णो शे रूकी ने सक्दे, अरह् से फींट्कारे-श्राप के अलाद असो।

सिरमौरी नौवाँ नियम

¹⁴ सैजै सौबी बैटमाणिश कै साथै गौलत सौमबंध बाणणा चांव, जिनु सै दैखौए। सैजै पाप कौरणौ कै मौकै तलाशणौ शै कौलोंई ना चुकौ। सै तिनु लोगौ खै धौखा दैंव जू मन शै मसीह पांदी मोजबूती शै भोरोशा ना कौरौ, औरौ सै तिनु पाप कै ढौबौ लौए जांव। तिनकै मन जादा शै जादा चीज़ौ खै पाणौ कै इछा कै बौजैह शै पौरमेशवर तिनु सौजा दैंदा।

2 पतरस 2:14 ပူးပေါင်းရင်းမြစ်များ

मत्ती 12:34

हे शंगाव के नहाँन्ड़िया, तुँऐं बूरे हऐयों केशी-केशी आच्छ़ी बातो बुली सको? किन्देखे के जुण्जों तुवाँरे मंन दो भरो अंदो असो, सेजो ही अमाँरी ज़ात्ति-मुँह शो बाँईडो निक्ल़ो।

मत्ती 23:14

“(फींट्कारा असो! तुओं यहूदी-निय्म के शिखाणों वाल़े, अरह् यहूदी भाट-बाँम्ण, पाखंडी तुँओं खे भहित्ती सजा भेट्दी! तुँऐं बिद्यवा की घरोऊँची खाऐ पाँव, अरह् दे:खावे खे बैजाऐ बिस्ते तोड़ी प्रार्थना करह्: ईन्देंखे तुँओं खे बैजाऐ भहिती सजा भेट्दी।)”

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 5:28

परह् हाँव तुँओं खे ऐजो बुलू, के जे कुँऐं कोसी तिरोंई गाशी ऐई भे बुरी नंजर थह्ला, तअ तेने आप्णें मंन शी तियों आरी चोरी-जारी करी पाऐ।

मरकुस 13:22

किन्देंखे के झूठे-मंसीही अरह् झूठे बरंम्बाणीं कर्णो वाल़े ऋषी पय्दा हंदे, जुण्जे असरदार चींन-नीशाँणी दे:खाले, अरह् नोंखे काँम-काज़ कर्ले, अरह् से चैले जुण्जे चूणें-छाँटे अंदे असो, तिनू भे भरमाऐयों भट्काऐ देले।

यूहन्ना 5:44

तुँऐं मुँदा बिश्वाष किया-किया करी सको, जबे के तुँऐं लोग ओका-ओकी कैई शी आप्णी तारिफ़-बड़ियाऐ शुँण्णों की ताक खोज दे रंह्; परह् तियों तारिफ़ शुँण्णों के कोशिष ने कर्दे जुण्जी सिर्फ पंण्मिश्वर कैई शी ही भेंटी सको।

रोमियों 16:18

किन्देंखे के ऐष्णे लोग अमाँरे प्रभू मसीया के ने, परह् आप्णे पेटो के सेवा करह्; अरह् लट-पटी बातो लई सिधे-साधे मंन के लोग बह्काऐ दियों।

1 कुरिन्थियों 11:19

होर, ऐजो साचो असो, के तुवाँरे बीचो दी जरूर गुट-बाजी हों; किन्देंखे के जुण्जे लोग तुओं मुँझी आच्छै असो, से पर्गट हंदें।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 4:14

च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

याकूब 1:8

सेजा आदमी दू-मंना-दू-चीत्ता, असो, अरह् आप्णी बादी बातो दा चंचल असो।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

2 पतरस 2:3

जू लाल़्च की मंन घड़त बातो लई, तुँओं कैई शो धन कमाँव। तिनखे पंण्मिश्वर आगे ही सजा तियार करी थऐ, अरह् तिनका नाँष हंदा, जिन्देखे से तियार असो।

2 पतरस 3:16

तेष्णीं ही तिन्ऐ आप्णी बादी पत्री दी भे ईनू बातो की चर्चा करी थऐ, जिन्दी किऐ बातो ऐशी असो, जिनू सम्झणी कठीण असो, अ-ज्ञाँनी अरह् चंचल लोग तिन्दे का मतल्व भे पबित्र-ग्रन्थो की ऊकी बातो जेई खींची-ताँणियों आप्णे ही नाँष का कारण बंणाव।

1 यूहन्ना 2:16

किन्देंखे के जुण्जो किऐ संईसारी दो असो, मतल्व देह्-शरीर की बुरी हिछ़या, अरह् आ:खी की बुरी हिछ़या, अरह् जीऊँणों का घमन्ड, से स्वर्गो के पिता की ढबे शा ने परह् संईसारी की ही ढबे शो हों।

यहूदा 1:11

निर्भाग असो! सेजे जू कैन की जैऐ चाल-चालो, अरह् मंजदूरी धियाड़ी देणों खे बिलाम जैष्णें बंईमाँन, भीरिष्ट हऐ गुऐ, अरह् कोरह्, के जैष्णें बिरूध करियों नाँष हुऐ।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।