2 पतरस 2:13 - Sirmouri

¹³ अरह् ऐशा दाँई से आप्णें पापो की सजा भूगतले। तिनू देसो के दुपारे भोग-बिलास करणा आछा लागो, ऐजा ऐक कल़ंक असो, ऐष्णें लोग जबे तुँवारी गईलो खाँव-पीयों ऐ तअ से आपु अरे शा भोग-बिलास करह्,

सिरमौरी नौवाँ नियम

¹³ जिथुकै सै आपणै कपटै तरीकै कै खुशी लोंव, सै दूसौ दुफारियौ बुरै सुख-चैन शै खाए पियौ खुशी मौनांव, सै तिनु दागौ औरौ धाबै साए औसौ जू हर बार तोंवारै खातिर बुरी तरह शै मुँह छिपाणो कै बौजैह बौणौ जोबै सै तोंवारै साथै खाणौ खांव।

2 पतरस 2:13 ပူးပေါင်းရင်းမြစ်များ

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

इफिसियों 5:27

अरह् तिनू ऐक ऐशी त्तेज-प्रकाशित कलीसिया बंणाऐयों आपु कैई खह्ड़ी करी, जिंदा ना कंल़ंक, ना किऐ दाग, अरह् ना किऐ ऐशा दोष-कसूर हों; परह् तुऐ पबित्र अरह् बै-कसूर बंणों।

फिलिप्पियों 3:19

तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव।

2 तीमुथियुस 4:14

सिकन्दर कशाकरी ऐ मुँह आरी बैजाऐ बुरो करी थो; प्रभू तेस कैई शा तेस्के काँम-काज़ के मुँताबिक बद्ल़ा लंह्दा।

याकूब 5:5

संईसारी धर्ती गाशी तुवाँरा जीवन बैजाऐ सुखी-आँनन्द थिया, अरह् तुँवारा दिल भे देह्-शरीर की हिछ़या शा भरा अंदा थिया, जिन्दें लई तुँऐं मुँटे-ताजे हंऐ रूऐ थिऐ, जेष्णें बाड़े के भात्ती मुँटियों।

1 पतरस 4:4

ईन्देंखे से हरान हों, के जबे तुँऐं ईनू शंगाँव्णें रहण-सहण दा तिनू अ-बिश्वाषी लोगो का साथ ने देंदे, तअ ईन्देंखे से तुँओं खे बुरो-भलो बुलो;

2 पतरस 2:15

से आच्छ़ी बाट् छुड़ियों भट्की ज़ाव; बओर के बैटे बिलाम की बाटो दे चाल पड़े; बिलाम, जैसके पाप की कमाई के द्दियाड़ी पियारी लागो;

प्रकाशितवाक्य 18:6

तिन्ऐं जेष्णों करी थो: तुँऐं भे तिनकी गईलो तेष्णों ही करह्, तिनके अ-धर्मो का तिनशा दो गुँणा बद्ल़ा लुऐ, जिन्ऐं जैष्णें बैलुऐ दो मिलाऐ थो, तुँऐं तेष्णों ही दो गुणाँ मिलाऐयों तिनखे तैयार करह्।