2 पतरस 1:9 - Sirmouri

⁹ किन्देंखे के जेस्दी ऐजी बातो ने आथी, से शेड़ा असो, अरह् तैस्के दुर्के तोड़ी ने दे:खीन्दो, अरह् आप्णे पाछ्ले पापों शा धोऐयों से शुद्ध होंणों बिसरी रूवा।

सिरमौरी नौवाँ नियम

⁹ पौरौ जैसी आदमी दै ऐजै गुण ना आथी सै ऐशणा आदमी औसौ जैसकै नज़र ऐतरै कमजोर औसौ कै सै दैखी ना सौकौ औरौ सै बैसरै गौआ कै पौरमेशवरे तैसी तैसकै पुराणै पापौ शै शुध्द कौरे राए।

2 पतरस 1:9 ပူးပေါင်းရင်းမြစ်များ

मरकुस 10:21

प्रभू यीशू ऐ तेसी पियार शा तेसी टक-टकी लाऐयों दे:खा; अरह् तेस्खे बुलो, “ताँव दे ऐक कमी हजो भे असो, ज़ा जू किऐ ताँव कैई असो, तैथू बिकियों गरीब कंगालो खे बाँडी दे, अरह् मुँह पाछी चाल, अरह् ताँव स्वर्गो दो धंन भेंट्दो,”

लूका 18:22

ऐजो शुँणियों, प्रभू यीशू ऐ बुलो, “ताँव दे ऐबे भे ऐक कंम्मी असो, आप्णो बादो सब-कुछ बीकियों गरीब कंगालो खे बाँडी दे, अरह् मुँह पाछी चाल, तअ ताँव्खे स्वर्गो दो धंन भेट्लो।”

रोमियों 6:11

तेष्णें ही तुँऐं भे आपु-आप्खे पापो की ताँईऐं तअ मरे अंदे, परह् पंणमिश्वर की ताँईऐं प्रभू यीशू मसीया दे जीऊँदे संम्झो।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 5:26

के तिनू बचन के जाँणें पाँणी के नहाँणों लेई शुद्ध करियों पबित्र बंणाऐं,

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।